جسور بليدة

البارت الاربعون

جسور بليدة .. حمامة الجبوري
..البارت الاربعون..
..
"تنوية .. گل حرف سينذگر في البارت حقيقي مية بالمية "
..
بعدهم ذگرياتج يوجعني
بعدهن گل حلم والله يجني
يجن بس من يجن ينوخذ مني النوم
واضل حد الصبح وانا على ونـي
..
وگل هذا الحجي والصار وتنساوا ان اگو عيون شر تنظر الهم وأدور
زلة حتى تقلب الدنيا على عقب الباب تفلش من الدك وصياح حگمت
وهو يصيح اطلعوا گواويد اليوم أخلي الدم للرچاب حجه هيج وصار وقت
الاقدار ان تتشابه..

مهند .. رغم سمعه لصوت الباب ودگات حگمت وفشاره
وغلطه بس گلهن أتغاضى عنها وهجم على رحمة بگل بشاعة چانت روحها مثل
الحمامة البيضة وصارت فوگاها فريسة وتريد بگل الطرق تفترسها ..!!

رحمة .. فزيت مرعوبة ومصدومة من الچاي يصير
بس أحس بشخص فوگاي ومن سمعت صوته وهذا مهند أتخبلت
أريد اصرخ اصيح ماگدر بس أرافس برچلية وهو فوگاي ويتلمس بچسمي

اريد اصرخ طاهر تعال شوف رحمتك شصار بيها وشوف حالها !!
بس چنت عاجزة ومصدومة من گمية الظلم وانعدام الضمير
گل ما يرفع قطعة من ملابسي أزيد بالضرب وأحس نيران ومشتعلة بصدري
وچاي تحرك بداخلي شوية شوية ..

تسعة وتسعون شهگه گتمتها بگلب انثى بريئة !!
اربعين مليون صرخة چانت بداخلي وگفيله بأن تهز عرش الرحمن
بس للاسف ماچنت اگدر اصرخ لو اعبر عن صدمتي مثل الغزال وهجم
عليها أسد مفترس ..!!

أسمع صوت الصراخ ومن بينهم صياح دنيا ولج رحمة شصار بيج
اطلعي رحمة اليوم راح تدمرين اليوم راح تصير قاتل ومقتول وينك
ياطاهر تعال الحك !!!

چنت بحالة ذهول وصدمة شلون اجة وشلون صعد للغرفة !!
أسمع صوت الباب يندفع  وعمو يحجي بعياط اليوم اعدمگم
اليوم أطم عارگم ياگواويد !!! غيمة سودة وصارت على هذا اليوم

صياح نرجس ودنيا يدك براسي مثل دگة البسمار في الحائط
ونيني مادري شلون يوصل الهم لو فعلاً هم چاي يحسون بية !!
احس نفسي انتهيت واني على جرباية وحالتي حالة ومفعول
العلاج لحد هسة ياگل بجسمي ..

أجانه صوت عالي وعبالك الباب انگسر وفعلاً من سمعت
صوت عمو حگمت داخل الغرفة هذا الشي چان گفيل بأن يخليني
اموت واني على قيد الحياة ابلع بريگي خايفة واصرخ بعلوا صوتي والتفط
بأسم طاهر ما أجه على بالي ادري بي يحرك الگون باگملة اذا
انجاز طرف شعري ..

من حسيت مهند انرفع عني لميت نفسي بسرعة وايدي على
اذاناتي ماريد اسمع صوت الصياح والفشار والغلط بحقي !!
صوت حگمت وهو يضرب بمهند ويغلط علي ولطم وهوسة چانت
ساعات سودة دمرت الدنيا گلها ..

حگمت .. ليش يا انذال ليش يا عارات بنص بيبتي
ولكم بنص بيتي !! اقسم بالله العظيم اليوم اطم عاركم واخلص منك
يا ***