#جسوربليدة
#حمامة الجبوري
#البارت السابع من الجزء الثاني
هذا آنة جذع مشمور
وتنطر سواچيك
يا هلبت يمرني الماي
و أتغطى بشواطيك
وهذا آنة عفتني لوين ؟
هذا آنة الگلب گد الحزن بجفاك
ما موجود بمچانه !
وأحلفنك بعد لا تنشدني شلوني
آنة الـ ما ظل حزن ما مر ؏ عيوني .
ديمة .. چانوا واحد قريب على ثاني وگل شوية وتقرب من عندها ويحجي
وياها بصوت هامس ..! بعده صوت أمه يرن بأذني ومن تگول مبروك يالعرس
أنلجم گلبي مرة وهسة أنه فرحت بفضلك أنتَ !! دمعة دمعتين مانزلن أبد أبد مشاعري
صارت زجاج صلب ! أريد أبلع ريگي ماگدر وأني چاي أرجع ليوره أنضربت
بصدر أخو بسرعة لزم أيدي ويگلي
-أهدي راح توگعين !
جسمي يرجف ماعرفت شنو أجاوبة بسرعة درت وجهي وهستوني گتلة
ديمة .. بسرعة رجعني لبيتي ما إبقى هنا !
هز راسة راد ياخذني أسمع صوت أمة لحگتني من أجيت
أطلع ورگضت علية وتحجي
ام عثمان .. تعاي حبيبة أدخلي جوه ليش من بره؟؟عيب أحنة الضيوف نقدسمهم !!
حجت هيج وسحبت أيدي تريد أدخلني جوه چان يگول أخو عثمان بنبرة عالية
..يمة گافي الخاطر الله گافي شوفي البنيه شصار بيها ! هاهيه شافت أبنج
العار تزوج وخلص الموضوع أترگيها بحالها ؟؟
همه يحجون وأني لازمه راسي من حسيت الدنيا أفترت بيه بسرعة ضغطت على
أدين أخو وهمست بصعوبة الله يخليك اذا بكلبك ذرة من الرحمة والضمير طلعني
منا أختنكت!!
بس حجيت هيج هو بسرعة سحبني من يمها بدون ما يحجي وساعدني أصعد
بالسيارة حرگها بسرعة وطلعنه منا وأني على نفسي برودي وعلى نفس وضعيتي
أبد لا دمعة ولاشهگة طلعت مني !!
بس گتلة
ديمه .. أرتاحيتوا ؟
.. أعذريني ديمة أنه ماچان بأيدي حل هم أنصدمت مثلج صحيح
چنت أعرف بالعرس بس ماعرفت الوالدة هيج مخططه!!
ماجاوبته بقيت سأكتة وماحافظة على هدوئي بس أريد أوصل لبيت طول الطريق
راسمة صورتهم سوية ! ومن أحس دموعي تريد تنزل بسرعة أغمض عيوني وأضل
أعصر بيهن بقوة .. هيه هاي الحظات قصيرة بس عندي تعادل ألف سنة من العذاب
خلصت من عذاب السجن أشهر مو شهر شهرين !! تعذبت هواي وچنت بگل
وگعة أستند بيه معقولة طلع غلطة ؟ معقوله حبي إله وأعترافي طلع غلطة ؟؟؟؟
معقولة الخلل بيه لو بلدنيا ؟؟!!
ВЫ ЧИТАЕТЕ
جسور بليدة
Духовныеبين المقبرة والموت .. هل لي رشفة منـك گي إتزن نفسي من قــاع الخطيئة ..! كانت غرابة القصة بشعة الى اكبر حد #صرخات _ رحمة #واقع _حال
