جسور بليدة

البارت الاول

بقلم ..
حمامة الجبوري
جسور بليدة .. "الحلقة الاول "

نفتح معكم
احد ابواب العائلة العراقية❤️
تاريخ البدء 2020/10/19
..
بغداد مدينة الصدر .. بيت الحجي علي رضا
مـرينه بيكم حمد وأحنة بقطار أليل ..
وسمعنه دكك هوى

وشمينة ريحة هيل ..ياريل صيح بقهر

صيحت عشك
ياريل صيح بحزن ..صحيت عشك ياريل !!
ومادار هواهم ولك حدر السنابل ،

"رحمة "
أسمع بالاغنية واشتغل ، هواي احب الاغاني القديمة
كمت اركض ركض اريد ألحك شغلي ، باوعت الچاي فار
طفيت النار وحطيت القوري والاستكاين بصينة امشي واختي جُمانه تجرجر بگلبيتي !!

أعرفها تريدني اخذها ونروح يم بيت ديمة
بنت خالي بس اني مالي خلك عندي شغل بكد شعر راسي ..

كعدت بصف ابوي بست ايده وسلمت علي
احجي واصب بالجاي :- همزين اليوم كعدت
الله يساعدك على تعب الشوارع .

لف الجراوية وكال وهو يمسح على شيباته
الحجي علي رضا :- يساعد بختج باباتي جا امج وين ؟؟

بلعت ريكي هيه هاي امي دومهه ويومه مُهمله
لدرجة مرات أفكر معقولة كل ألامهات هيجِ لو هاي بس امي ..!!

أردفت بصوت هامس :- بالغرفة من البارحة ماتقبل تتطلع وتكول راسي وبطني لحد يدك الباب علية .

هز راسة واخذ استكان الجاي ، دنكت راسي بخيبة هاي اني بنية اسمي رحمة مواليد 1993سنة بصف الاول متوسط بس  حالي مو مثل حال بنات العالم  !!

خلصت عمري بهذا البيت المهدوم اباوع على
الكاشي مبوط والسكف بقايا مكشرة ..!

بس احمد الله مليون مرة ،المهم مستورين اخذت بكلام بابا شكد جان ينبه علية باباتي  رحمة دراستج تاج راسج والشرف الشرف هيه هاي كلمات بابا الجنت .

خازنتهه خزن مثل أسمي شكد جان يركز ويشدد على باباتي الشرف الشرف ، بابا من البصرة ابو خصيب ، وامي من بغداد كرايب بس من بعيد

اتزوجو وسكنو هنا بغداد بسبب ماما
جانت رافض تسكن بعيد عن اخوها ابو ديمة .

عندي ثنين عمام شايفتهم ودائماً ، يجون علية عندهم محنة شمحالهه بس مادري ليش يكرهون امي بالصدفة سمعتهم يكولون .

مو راحة ..!!!
صح امي مهملة وشغل البيت كله علية
مافديوم حركت نفسهه وكالت خلي اشوف بيتي و جهالي ..!

بس معقولة مثل ماكال عمي هاي كلمات عمي الخلتني بقلق رغم ماتعمقت بمعناها هواي ..؟