جسور بليدة

البارت التاسع الجزء الثاني

#جسور بليدة
#حمامة الجبوري
#البارت التاسع من الجزء الثاني

موتتني
عيشتني بوآهس الـ هستوه يمشي !!
چانت أول خطوة إلية وياك أنتَ !! وتالي أبقه أصرخ وراك
بصوت سگتة!! ليش أتاني ؟ بأي محطة ؟
وگل قطار الـ بيه مجيئك ماگو سگتة گلشي عشته وبهجرك موتتني
موتتني ..

-انه بصراحة أجيت وچبت چنتي حتى ، نسأل على ديمة تعرفين أحنة لميناها من الشارع يعني لاتفهميني غلط بس أعتقد تدرين بالظروف ؟؟

أسمع أمي ردت عليها !!
-أنتوا للي صرتوا خيرين وبالأخير بينت حقيقتگم فـ أذا چايه حتى تقهرين بنتي
أحب أكلج لا أتعبين نفسج لأن أصلاً أحنة مانتشرف بيهج ناس ومن أمثال الحجية

-عاد لهنا وبس أحترمينا مو أنه دايسه أبساطج وهاي مو من أصول المصرين!!

دخلت أمشي بدون سلام گلتلها
- شبيهم المصرين! الظاهر ما عاجبينج ؟؟

هيه شافتني گامت بسرعة وحضنتني تفاجئت هاي شنو غايتها بالضبط!!
چنت واگفة على نفس وضعيتي وما بادلتها الحضنه رچعت بمگانها وگالت

-أي شلونج ديمة عسى المانع خير ؟

ذبيت غراضي على صفحة وگعدت على قنفة چانت مقابيلها بالضبط
حطيت رچل على رچل وبأوعت عليها

گلتلها
-الحمدالله أسال عليج

گالت
-تسأل عليج العافية انه بعرس عثمان ما لحگت عليج وأنتِ هم عاد
ماقصرتي بسرعة طلعتي عبالك زوجج للي تزوج!!

-لا بس چنت مستعجلة حچيت هيج وضامه ايدي حتى لاتشوفني
شلون ضاغطه عليها !!

بعدها تحجي گمت چبت مي هستوني أريد أقدم الـ مي أشو البنيه بسرعة
حطت إيدها على خشمها والثانية على بطنها وام عثمان تخبلت تصيح
شمسوين اگل البنيه حامل وماتتحمل گل الأرياح.!!

رجعت گررت هاي الجملة البنيه حامل يمعودات!! هيه حچت هيج
وأني أريد أتماسك نفسي ماگدر هيه ماچانت گلمات عادي
لا عبالك سچاچين وأنحطت بنص قلبي بدون وعي وگع الگلاص مني ..!!
صدك چنت فاصلة على الدنيا گلها بحيث أمي يمي وماچاي اگدر أشوفها