حمامة الجبوري ..جسور بليدة
الحلقة الرابعة ..متابعة ممتعة 🥀واسفة ع تاخير بس وضحت بمنشور ع فيس
البيوت أسرار كل بيت بي عدة قصص !
من تنطرح هالقصة لشخص معين ، سيكون أجابتة بـ اندهاش
هل يعقل كل هذا الاحداث جرت بمجرى المنزل ! منزل واحد يضم العديد من القصص !!
أحس أعظامي تكسرت وجع اصابعي ذبحني ذبح ابجي ابجي بتضخم اريد أشيل اختي ماكو بس ايد وحدة اكدر استخدمها .
صرخات اختي خلتني اكره ضعفي ميت الف مرة .
مادري شلون الله ذب علي كل القوة ضغطت ع الارض وكمت اسحل بنفسي سحل
شلت الكرسي من الكاع جانت مضروبة بكصتهه وتنزف دم
اعدل بيها ودموعي ماوكفت ولالحضة مادري شلون كدرت
اشوف بيهن .!
ثبتتها ع كرسي وهيه تصرخ بابا وينك ؟؟
خنكتني العبرة شلون تصيح باسم ابوي بوجع وكانما درت بي مات .!
كمت الدمعة اذبها شكبرها
اباوع بالفروع وين اروح هسة ماندل كلشي ! كون يجي خالو
ادفع بالكرسي وامشي ، لحد ماوصلنا الشارع العام
اشوف سيارات هواي تمر .
"لحد ماوكفت كدامي سيارة جانت سودة مضلله "
نزلت الجام باوعت هذا عمي الثاني ابو أنور هوه بس هذا
اجة الفاتحة ابوي شيسو هنا ؟
صاح :- عمي شتسوين بالشارع بهييج وقت نوب مطلعة اختج وياج ؟ تعاي اصعدي بالسيارة واحجيلي شصار
بلعت ريكي وساعدت اختي تصعد والكرسي خليت وره بالجنطة اول ماصعدت گلي احجيلي شصار !!؟
گتله
_عمو انطردنا اني واختي وانتو لاتسألون ولاتجون ابوي من مات جان مطمن انتو راح تصونون بناته بس للاسف
_ جا ردن ناخدج وخالج صار بالواجهية ودك صدرة كال عندي رحمة وبأمانتي وطلعة من البيت ماكو !! شنو الصار
هسة ؟
رجع كال .. راح اخذج يمنة واختج وياج بين مانشوف حل الها
عقدت حواجبي .. اختي تبقى يمي مانطياها ولااحد ياخذ مني
كال ..موبكيفج باباتي انتي بعدج صغيرة وماتعرفين اختج شنو هاي عار عار علينة وع سمعتنه !
مديت ايدي اريد افتح لباب وانزل لكيته مقفول ضليت اعت بي وابجي انتو كلكم ماعندكم ضمييييير كلكم ماتردون اختييي ليييش هيج ليييييش ؟؟؟؟
ماجاوبني بس يباوع علية بخزره !
عود هذا الكلت علي زين طاح حضي اي والله ، لعد عمي المتبري من عدنه شلون تعاملة وياي اذا شافني
ضليت ابجي بتأسف وحاضنة جمانه ، طريق طويل من بغداد للبصرة طاح حض حضي ولاوكف ولاستراحة شوي
YOU ARE READING
جسور بليدة
Spiritualبين المقبرة والموت .. هل لي رشفة منـك گي إتزن نفسي من قــاع الخطيئة ..! كانت غرابة القصة بشعة الى اكبر حد #صرخات _ رحمة #واقع _حال
