جسور بليدة

البارت الخامس

حمامة الجبوري ..جسور بليدة
"الحلقة الخامسة _ متابعة ممتعة 🥀"
..
حبابيبي رفعولي الايكات فديتكم
..
صرخت بعلو صوتي وأني أبجي .. شبيهه اختييييي شبيهه ؟؟
تريد تحجي ماكو الشهكة خانكتهه .!

..احجي ولج والله كلبي راح يوكف احجيييييييي !!
..جمانه أحتركت وحالتهه خطرة ، يعني لو تعيش لو تموت

أريد أتنفس ماكو الهوى أنقطع علية ، لزمت يدة الباب ألزم نفسي بيها اخاف اوكع .

..تجذبين علية مو عليج الله احجي الصدك؟
..بس تعاي ادخلي وياي أني افهمج لاتوكعين ويصير بيج شي

تمشي بية واني أكرر بكلامها اريد أصدك ماكو بهذيج الحضة ياريتني مطلعة صدمتي باجية منزله دمعة انصدمت حيل حيل !!

كعدتني ع قنفه وتشرب بيه مي واني مثل الجثة ويحركون بية لاايد ولارجل أرجف مثل السعفة .

..شلون احتركت شودها للنار لو هيه هاي قسمتي بالدنيا؟؟

كعدت كبالي وتحجيلي
..اتصلت علينه المرة وكالت عيني بنتكم احتركت بالغرفة جانت اكو شمعة واكعة ع جرباية والنار ماكل كل الاخشاب وياهه جمانه وع آخر لحضة ملحكين بيها لاكين النار مشتعله بثوبها وتصرخ بأسمج وبأسم ابوج لحد مانغمى عليها .

..كافي كافي لاتحجين كافي خلص كلبي بعد ششوف !!
..هسة منتضرين منهم تلفون نطمن عليها اخير اخبار جانت موزينه وهاي كدام عينج كلهه ملتمة .

حتى ماكدرت ابجي نفسيتي تعبت حيل عود هستوني شفت الدنيا وهيه اجتني صفعة هالكبرة طشرتني مثل ماجنت .

كاعدة ولامة نفسي أحجي بكلبي واعاتب بالدنيا ليش هيج تقسي وياي ، وديمة بصفي ماعافتني ولالحضة وكرايب مرت خالي هواي طابين طالعين .

ساعتين اني الوب التلفون بيدي اتصل وماكو لاتصال ولارسالة بليل يلا خابرنه خالو كال

..هسة يلا كدرت اتصل عليكم حالتهه مستقرة عدت مرحلة الخطرة هاي البنيه بنت حرام وضلت عايشة لحد هسة يالله لاطلقة موتتها ولانار عجيب !!!

اريد احجي اعيط بي بس ماكدر ماكدر ، سديت التلفون ع اساس الشبكة ضعية هاي الحالة دوم اسويها اذا ضجت .

شوية ارتاحيت من دريت حالتها مستقرة بس بقيت مختنكة واني افكر هسة الحرك شسوه بيهه هم معوقة وهم محتركه

ثاني يوم هم ماكدرو يجيبونها لحد ثالث يوم يلا طلعت أتذكر من طلعت وتصرخ من وجع الحرك تگلي رحمة
الوجع ماتحمله والله ماتحمله .

واني حاضنتهه وابجي اسمع ونينها وأتدمر أدمر بقت ساعة وحدة بس ساعة وحدة يم بيت خالي ورجعولها لنفس البيت !!

شكد غلطت اول مرة اطلع حركتي بيهم
شكد صيحت عوفوها ماكافي احتركت بعد يومين تجيبولي جثتهه بس محد شفق علية لو كال هاي طفلة خطية !!