جسور بليدة

البارت الثلاثون

جسور بليدة .. حمامة الجبوري
     ..البارت الثلاثون..

..
نزفت عيوني دم
الطرب عدنه بچي
مثل العزه بمأتم
يا خويَ گلّي شوكت
نرتاح نتنعم
الدنيه كله ظلم
من ظالم إلْ أظلم
اوكلما أخيّط جرح
بوجهي يطش الدم
مو بس جرح بالگلب
لتگلّي هيه اشچم
لا والله ماتنحسب
بس الله بيه اعلم
آنه أبچي من لوعتي
آنه أوِن من لوعتي
واصحابي تتبسّم
ما ظل بعد كل صدگ
ولا واحد اليرحم
والچذب اصبح قِيَم
هو الذي يحكم
الصار بينه وجره
اولا واحد اتعلم
من چان یحکم نذل
وازلامه ما ترحم
اليحچي گالو حچه
والسكت ما يسلم
دنيانا چانت سگم
اوما يوم ما بي دم
شنهو العمل يا تره
شلّه امسربته تحكم
يا وسفه هذا الزمن
حتّى الحلم حَرّمْ
والمايهاب الليل
مات بغربته محطم
الوكت صوچ الوكت
ويّه الظالم تحزّم
والمظلوم..
بين الماضي والحاضر
يشبع قهر
يجرع سم

..
ديمه .. ايدي على حلكي واسمع الكلام
ومصدومه كلامها جان إشبهه بالطلقه وانضربت
بنص قلبي اريد إتنفس ماكو حتى الهوى شح عليه

وضاقت جدران البيت بيه
اباوع للكلاص يرجف بأيدي إمشي خطوة
وإرجع خطوتين مادري شلون الله سهلي
ووجعت الكلاص بالمطبخ

ضهري على حايط وايدي على كلبي
وابجي بهستري وعدم تصدييييق ليش كل
هذا الجاي يصير شوكت نصير زهور تفتح بكل
صباح عكس ما هسة احنه زهور ونتخبط بين
الاشواك راجين الرحمة ..

زواجي باطل من عادل يعني حرررام
كل قربه منييي ..
كل خطوة خطاها جانت حرام ؟؟؟؟
معقوله بيبي التصلي وتصوم تعرف وضامه عني
لاياربي لاتصدمني ابيبي ..

معقوله يا امي ماحسج كلبج شجاي يصير
بيه شلون ضاقت بيه الدنيا فد مره ؟
شلون حطموني الغربه؟؟؟؟
انظلمت يا امي وجرح فوك جرح ليش خليتوني بدمعتي ومادريتو بيه عايشه مييييته ؟؟؟

صرخه بداخلي اذا صررختها
كل الظُلام تبجي دم على حالتي مادري
شصار بيه كمت كل دمعه إذبها هالكبرهه وياها
صرخه وجع مكتومه بكلب انسانه ماتعرف
وين تروح وين تبقى؟!
وين نهايتها وين بدايتها !!

إسمعنها وهنه يطلعن من الغرفه
بسرعة كمت امسح بدموعي وركضت للمغسل
فتحت البوري واشمر مي على وجهي
حركه كلبي خلتني افكر بعقل انسانه كبيره
ماكو بعد طفله وتبجي ماكو بعد شي اسمه
اخظع المتطلبات الناس

كلهم بدون ضمير بس الله ماينسى احد ..
إجيت امشي حسيت بدوخه فضيع لزمت الحايط
بثنين إديه ..

اتكي على وامشي لحد ماوصلت للصالة
واشوف بيبي كاعدة وهديل حاطه راسها
على حضنها وتبجي ؟؟؟

إغمض عيوني واسدهه مجاي إركز
حتى بالنضر كعدت على قنفه واسمع بيبي تصيح
باسمي بس احس نفسي فاصله عن الدنيا
وراسي ذبحني ..