جسور بليدة

البارت الاول الجزء الثاني

#جسور بليدة
# البارت الاول الجزء الاول
#بقلم
#حمامة الجبوري
..
عدنا بعد غياب .. مسائكم حب وتفائل 🌹
..
گل شي ء مات فينا وأندثر .
وغدت أرواحنا مثل الحجر أصبح الصدق رياء !!
والوفاء گالجفاء ..؟
وبقينا ذگريات وصور ..
گُل شيء ذهب منا گالسراب  ما بأيدينا خلقنا من تراب
ليتنا مثل الطيور او گـ عبق للزهور
مات في فينا العشق منذُ خان البشر
گُل شيء ضاع منا في الزحام ما اصبرنا وأكتفينا بالظلام
القلوب گالحديد والمشاعر گالجليد
صخرة تمشي بروح من حجر گل شيء بات فينا گالعاصفة
جشعٌ حُقدٌ وبغض ورياء
وهزئنا بلقدير بعد ما مات الضمير وخسرنا الصدق والحق
گالبشر نحن سفينه بلا شراع ..
..
//مطار بغداد الدولي //

صعب توگع صخرة بس مو أصعب من إن يوگع جبل گامل ..!
ولا صعب من انسان يحملك ذنب گامل ..احنة نقاوم بس بلواقع وبداخلنا مجرد ركام .!!

نفضت نفسي وخرجت من تفگيري على صوت نداء يعلن وقت
انقلاع الطائرة شلت غراضي وچنطتي صفح وبأيدي گوب چاي وباردة
بشگل فضيع چانت بداية سنة 2015 والاجواء بعدها  مامستقرة يوم حار وعشره

گملت الچاي وصعدت بالطائره رغم عدة مرات اسافر وصحيح
صعبة الغربة بس چنت اشغل نفسي بالاعمال هسة ولاول مره احس
بخنگة قوية ..!!

بگل شي چنت امثل بنومي باكل بكلامي ويـ الناس باستمراري بهاي
الدنيا صرت اشوف الدنيا عبارة عن سواد بسواد مجرد ، رجل
لا احساس ولا مشاعر

مر الوقت بدون ما احس وصلن لبيروت چنت استنشق هواها بگل
حذافير عسى ولعل يهدا ضجيج داخلي باوعت مقابيلي چان صديقي سجاد
رگض عليه وهو فاتحه حضنه ويحضن بيه هذا صديق عمري يمكن هو الوحيد
اللى بقالي بهاي الدنيا وثقتي للان ما خابت بي ..

سجاد .. لك طاهر معقوله هذا انت شصار بيك ظلعي ؟
طاهر .. تدري راسي صاير طبل بس اجرلي سيارة وخلي اگعدلي
بفندق وبعدين نحجي