جسور بليدة

البارت السابع عشر

جسور بليدة .. حمامة الجبوري
.. البارت السابع عشر ..

متابعه مليانة 🍯😊
حبايبي ليش المشاهدة توصل بالالف والتصويت مايتجاوز
٥٠٠ إني اكتب واتعب واخذ يوم كامل من وقتي مو ساعة ساعتين ونكول شي عادي !!

تعرفون بيه اني اشتغل على واهس خلونه نستمتع
بالقصة وتفاعلو بالتصويت ومنا وجاي راح اصير
مثل علاء 😂
..
،
مسامحينك..
بالوجوه الما نودهم فاگدينك
يل عفتنه بيا حريمه..
مسامحينك..
واليِصلن لسه يلچمهن سمارك
مسامحينك..
طبنه طوب شما نموت گبال دارك
شما تسومرنه الشمس نغفر خطيتك
وشنهي لو يعتگ جلدنه اباب بيتك.؟
مو خساره..مگابلينك
مسامحينك..كلبي وانه مسامحينك،🥀
،

رحمة .. مثل اليركض يركض ورا مجموعة من الوحوش
وصل لحد الهاوية .. إنش
واحد ويوگع وتنتهي حياته هنه خيارين ثنينهم اذا
جربهن راح يموت ويندفن  .. هيج حالتي چانت
واني اسمع بكلام مهند

لاا إراديا دموعي گامت تنزل وارجف اريد اسيطر
على نفسي ماكو ، واكفه على رجلية بالكوة وجسمي يون
عليه من الوجع

واحد يعيط والثاني يرد علي بصوت إعلى ..
وعمه تبجي هذا حلها الوحيد وإني كعدت على قنفه وايدي
على گلبي ماجاي اتحمل كل هذا ..

صاح عمي
حگمت .. لك لاتسترجل برااسي ، إنه گتلك هنه كلمتين مو هواي لاا رحمة ولااختها ال*** تصير جنه لهذا البيت
في يوم من الايام

لاتخليني إرتكب بيك جريمة ..
واحسب الله ماخلقك محد هنااا يكسر گلمتي وانه الامر والناهي بهذا البيت والماعاجبة گلامي الباب يوسع جبل ..

مهند .. يابه إنه مستعد احاربك علمود رحمة وشيصير خلي
يصير كتلك انه رايدها يعني راااايدههه ..

حگمت .. وانه كتلك لااااا شني تگسر كلامي علمود وحدة
**** ! لك مهند لاتخليني ادخل سجن من ورا رغباتك التافهه  مو ابني اليتزوج وحدهه س... وامها زانية واختها بنت حرام لاا قسماً بالله اذا صارت وانكتبت جنتي ..
اتبره منك اليوم الدين واكتلك بيدي حتى يبرد گلبي ..

مهند .. يابه مافك نهوتي وخلي شيصير يصيرر

حجاهه بعياط وطلع وعمي لزم گلبه وضل يروح ويرجع ..
وعيونه بكصته هنه دقايق بس حسيتهن سنة كامله..

دفنت وجهي بكفوف ادي
وگمت ابجي بهسترية حتى حجي ماكدر احجي وانطي
رايه لو ارفض !! لزمتني شهكة زرفت گلبي تزرف

رفعت راسي شفت عمو گبالي
ونضراته عبالك الگدامه مجرمة مو طفله بعمر الورد ..
وإسمعه يگول راح اكتلج اليوم موتج على إيدي ..

فتحت عيوني مصدومة وخايفة
حطيت ادي على اذني وگمت اصرخ بعلو صوتي

رحمة .. طاهرررر طاهرررر عمه انقذوني لااااا لاااا راح يكتلني راح امووت ماريد ماريد اموت ..  مغمضة عيوني واصرخ بگل قوتي واحس بشي مقيد اكتافي وكل جسمي