حمامة الجبوري .. جسور بليدة
الحلقة الثالثة ..متابعة ممتعة ♥️
ياحلوات قبل كلشي لاتنسون التصويت لان بصراحة اخاف على واهسي
"أبي سيقى رحيلك وجعاً يمزقني وهم لايشعرون "
باباااااا اكعد ! اهز بي اريده يكوم يصلي مايجاوبني عبالك جثة ومتمددة حتى حيلي وطاقتي خلصت وكعت على ركبي
وضليت حاضنته واصرخ "بابااااا لاتروووووح لاتعووووفني وحدي " !!
كمت اصرخ بعلو صوتي بابا لاترووووح اكعد الله يخليك اني منو الي بعدك ؟ لييييش عفتوني كلكم لييييشش ؟؟؟
بس أشهك وابجي نهاريت لحد ماجه ابو الكراج خطية من شاف ابوي وحاالته انصدم واسمعه يهمس لاحول ولاقوة الله العلي بالله العظيم .
جسمي يرجف شي يترادم بشي ، هاي السنة شكد جانت تعيسة علينه وشفت بيها اصعب المواقف
بعد مامصدكة ابوي مات وعافني بس ابجي وراكنة نفسي بزاوية أصرخ بعلو صوتي ابو الكراج اسمعه يخابر بـبيت خالو .
ساعة كامل اني ابجي على فرد بجية ، حتى حنجرتي طبكت
كل ساعة اريد اركض احضن ابوي اشبع من عطره
بس يلزمني ابو الكراج حيييل بحيث يقيد ضلوعي !
يمكن جان خايفة علية لان طفلة وموزين علية اشوف هيج مواقف ، بس مايدري اني شفت الاتعس وكدرت وكدرت أتخطى .
انسى كلشي بس هاي المواقف ماكدر أنساها ولا أمحيها
مدونتهه بدفتر في سبيل لايجي يوم وانساها بس ..💔 .
حسيت على صوت خالو فوك راسي وهوه يكول الله يصبرج باباتي يلا كومي تروحين وياي
حجيت بقهر :- أنكسر عامود بيتي ياخالو ابوي مااااااات ماااات؟
ابجي وأشهك بعلو صوتي يصبر بية وجان ويا سمير وسرمد وعلي أبنة ، صاح بابا علي اخذ رحمة للبيت واني هسة جاي ورأكم .
يسحبون بية واني متمسكة بـحضن بابا وماريد أتركه اصرخ عوفوني عوفونييييييي اريد بابا هوه بس هذا بقالي من أهلي !!
لحد ماجرني علي بقوة واخذني يجرجر بية غصباً عني .
أخذنه تكسي وطول الطريق اني ماسكتت بس التفت واكول
هسة يجي ابوي يركض ويكول هاي بنتي ليش ماخذيهن .
بس هذا جان حلم من سابع المستحيلات ..
هوه موت الاب غصه وشعور محد راح يحس بي غير الفاقد أبو بهذاك الوقت هاجت كل مشاعر الحزن اللي بداخلي
شكد جنت اكتم اكتم من خيانة امي لحد هذا اليوم يلا انفجرت بنسبة قليلة وصلنه لبيت خالي نسوان ملتمة اسمع مرت خالي
تكول لديمة هذولي نسوان عمامهم .
اول ماشفني وحدة تحضن بية وتبجي والثانية اسمعها تكول .
خطية ادولبو هاي كله من وره ذنوب امها الله غاضب على كل العائلة وشوية شوية ينسحبون لحد ماتخلص هاي العائلة
JE LEEST
جسور بليدة
Spiritueelبين المقبرة والموت .. هل لي رشفة منـك گي إتزن نفسي من قــاع الخطيئة ..! كانت غرابة القصة بشعة الى اكبر حد #صرخات _ رحمة #واقع _حال
