جسور بليدة

البارت الثالث والعشرون

جسور بليدة .. حمامة الجبوري
..البارت الثالث والعشرون ..

احضنّي
أنا ضلوعي مشتاقة لايديك
وروحي بعثرها بحنانك ولملمني
احضنّي مثل ٱم لمّا تحضن ولدها
وانفاسك تعطرني
غيابك مثل برد الثلج
واحضانك تدفيني
احضنّي
وخلي كل الدنيا تعرف إني احبك
وخلي كل الناس بأحضانك تشوفني
اريد ارتاح وانسى بحضنك همومي
وما اشتكي من غيابك وهذا وعدي
بس كلامي دمع ينزل من عيوني
ولا تكلمني حبيبي
خلي عيونك تكلمني
أنا افهم على عيونك.
وانت تفهم على عيوني
احضنّي !
..
عثمان ..انتي فاهمة گلامج ؟؟؟؟؟؟؟ حجاهه وهَو كاعد مقابيلي وقابض على ادي وشراينه والاودة واضح بوضوح الشمس

هيه ساعات قليله بس عندي إني صارت
سنين من الخوف ، مادري شسوي لو شحجي واني كتله طرف
السالفة وبعد حيل مابقه عندي وإحس انعميت من الدموع

سحب الگرسي وقدمه إگثر لمقابيلي إنفاسه الغاضبه تضرب
بوجهي وارجع إتنفس بخوف شحجيت اني واحس تورطت ..

رص على إسنانه وحجه بغضب
عثمان .. جاي احجي وياج حطي عينج بعيني مثل ماگلتي
هذا الگلاام وانتي تباوعيلي ، شصار هسة وسگتي ؟

چنت مدنگة راسي ودموعي توكع للگاع وإسمع بكلامة
واحس على إعصابه متحملني ، بلعت ريكي ورفعت
راسي باوعتله بخوف وحزن إليم ..

حجيت بتلبك
ديمة .. اي اعرف شحجيت واعرف گلشي يدور بعقلك
واعرف حتى نظرتك علية هسة .. واحتمال نهايتي ..قاطعني وعاط

عثمان .. ليش تصيرين ادبسزززز؟ بعدج طفلة... قطع گلامه وضل يفرك بوجهه ويزفر نفس بقوة گام على حيله ، وإني ارچف وامسح بدموعي ماجاي اسيطر على نفسي يارب

شسويت بروحي .!!
من گام على حيله دفر الطاوله المقابله وبس ينفاخ ..
اخذ السويج والسترة واجه علية مثل الرياح القوية وهاجمت ضعفي
بالحضتهه مادري شصار بية بس إتخبلت

عتيت ايدي من عنده واحجي
ديمة .. شيل إيدگ مني اني ردت اگلك سر وانت گتلي مو زلمة اليخون اسرارج شسبرعة اتغير كلامك وانت حتى بعدك مافهمت مني ..!

خزرني ورجع جرني من معصم ايدي وياخذ بيه ليبره
اتخبلت هسة شيكولون الموضفين والناس علينه !!

إحس ايدي اتكسرت وبس ضاغطه على سنوني من الوجع
جان ذاب گل عصبيته بايدي وضاغط عليها بقوة هائلة . ولاعبالك الگدامة طفلة چان يتصرف بجنون

فتح باب السيارة وياشر بأيده اصعدي .؟
قبل لاا اصعد درت وجهي على وكتله "لاتصير مثلهم صير إحسن منهم " طبك الباب حيل وحرگ السيارة ..

ديمة .. وين ماخذني ؟؟ حجيتهه وابجي
مد ايده للمراية وجهه علية من سمعني إبجي ومارد علية طلع
تلفونه وضل يكتب ويدز ومادري إلمن ..
هذا الحجي چانت گل حرگاته بعصبيه ويشمر الشغله شمر وتگسر
من بدينه نوصل البيتنا أطمنت وگلت همزين بيبي هناك ..