جسور بليدة

البارت الحادي عشر

حمامة الجبوري .. جسور بليدة
الحلقة الحاديه عشر .. متابعة ممتعة يا حلوين♥️
..
"يا محله الأبو لو مر على بنيته "
..
إشراف وتدقيق ..فاطمة حميد

ديمة .. نطقت هالگلمتين وخليت نيران بداخله تشتعل
شمدريني راح يسوي هيج ؟ طفلة گلشي ماعرف الصح من الغلط حتى من قبل إمي إللي ماتتسمه أم

چانت تنصح اخواتي
واني تشمرني بعيد وماتنصحني بـ ولو نصيحة وحدة .
گبرت نفسي بنفسي لحد ماوصلت لهذا العمر
ياريتني ماوصلت إله .

گانت دفراته تمزّق احشائي
اريد أگوم انقذ نفسي بس إنتهيت حار منين يضرب وشلون
يشفه غليله شكد حاولت بيبي تدخل بس .

إللي چان گدامي
مو ابوي القديم عبالك متغير .
حسيت نفسي انتهيت ابجي واشهك بابا سامحني والله
وحق هذا الله ماطلعت وحدي !!

إسال هاي المرة إللي چانت تتصنع الامومه .!
لاا تعذبني بابا وتگسر ضهري محتاجة وگفتك وياي الكدامك طفلة وماتعرف شجاي يصير وياها .!

لاا تقسي علية واني ميته مجرد جثة وإمشي
ابجي واحجي بالكوة إطلع الگلام ، چنت ابجي بصوت عالي ومتناسة نظرات امي وكانما حققت البالها .

گام يدفع بيه ويصيح اطلعي من بيبتي إنتي من اليوم مو بنتي وتبريت منج اليوم الدين .

هيه هاي الكلمات الدمرت مستقبلي ..
وخلتني اتحلم حلم بالراحة ، تعلگت برجلي وگمت إتوسل وإبجي .

ديمه .. لاااا بابا الله يخليك لاتشمرني ، ادري بيك تحبني وماتطلع منك هاي الگلمة ! صحيح انت تريدني وتحبني مو بابا گول اي الخاطري .!!

فتحت عيوني اباوع بتركز على شفايفه ياترى
شراح يگول عاط بيه .. يعني ترديني اطم عارج وأگتلج .؟
إنتي بكفيج تردين ترجعين وين ماجنتي لو تفضلين القتل .

..لاتكول هيج مو قبل جنت تگلي اني سند عمرج ؟
شنو تغير هسة اگتلني على إيدك ولاتشمرني .

صاحت امي
رباب .. ترديييييين تسوين رجلي قاتل يا عايبة وين شردتي ومنو الحبلج ها **** ؟

رد عليها .. ماريد انكس ايدي بيها اخذيها حجية وروحي .!

دنگت بيبي تريد تاخذني صرخت بعلو صوتي
ديمه .. لاا بابا عليك الله بابا لاتعوفني مااااااعندي غيرگم لاتذبوني

تشيل بيه واني ادفعها بيها اريد اروحله
ادري ابوي مايسوي هو يحبني واني هم احبه وماعندي مگان اروحله

طلعتني بيبي سحل واني اصيح
بابااااااا بااااابااا ابوووس رجلك باباااااا اترجاك لاتذبني
قابله تگتلني على ايدك ولاتشمرني بابا اني بنتك !!

شنو نسيت ؟
اضربني وعاقبني واگتلني بس لاا تشمرني !
بابا ياروحي ياسند عمرري لاتشمرني ماعندي غيرك
يحتضني .