جسور بليدة .. حمامة الجبوري
..البارت السابع والثلاثون .. 37
..
گالولي العمر خلصان لاتحلم
فهموني الفرح بالعيد محصور بذبيحه ودم
حرام تهد گصيبه شوك
عيش سنينك مثلم گالولي العمر خلصان وابن
ادم سوالف غيم ..
ماتدري وعلى غفله ولنك موشل
تاليتك بحفره ونار عاند روحك شمدريك..
صحبه روحك تفشل..
يوليدي القدر مگتوب بالك تگفر وتسأل ..
..
ديمة .. گل شي بيه منهار أريد أرگز بگلامها ماگو الله
لايرجع هذيج الأيام إللي عشتهن نار بنار أحس بأطراف رجلية بردت أريد أحجي أنطق الساني ثگل بشگل مو طبيعي ..
مادري شصار بية بس حسيت الدنيا أفترت بيه
وگعت بحضن عثمان وأحس بي يطبطب على وجهي
واسمع صوته يحجي ويصيح بهديل وخاتون تگله والله صوجي
اني دولبت روحي وجبلتي بلوة .!!!
حجيت هيج وأحس بغصة حرگت گلبي حرك ..
اني ما إستاهل هذا الشي لاعندي ذنب ولا ارتگبت خطيئه
ليش چاي أصارع ويا الدنيا حتى تخليني أعيش براحة مادري .؟؟
"تعيش حياتك في حذر ورغم ذالك تصبح ضحية لمعارك
لم تختارها .!! يا لها من دنيا قاسية !
نار ومشتعلة بداخلي وشگد ما أگول ياله ياديمة ياله
يجي يوم وتفرج ياله ياديمه ربج ما ينصر الظالمين وهاي
حوبتج ماتروح بالرجلين ..!!
أفتح بعيوني وأسدهن ولازمه راسي صوت هديل
يدك بي دك مستمرة تجادل ويـ عثمان ومصره تگله إنو أني
هيج أخلاقي وهيج أحس روحي الداخليه بعد ما تعيني حتى أدفع
عن نفسي لو أصيح وأگول گافي لأن صدك تعبت ..!!
ثبتت أديه على قنفه ماگدر أصرخ خاف يصير
شي بعمليتي ضغطت على شفايفي بقوة وحجيت بصوت شبه
العالي
"گلت"
-عثمان لاتصدك بهذا الگلام ؟ والله العظيم صوروني همه أني أني مال دخلي عثمان لاتصير وياهم لاتصير ضدي لاتصدگهم عثمان .!!!
أحجي بهستري وأهز براسي ، لاأول مرة أحس نفسي
وصلت المرحلة الجنون گمت أشعر بنفسي موصاحية وحالي
مو مثل حال البشر ..
مدنگه راسي وأبجي واسمع عثمان شلون يدافع
عني گدامهم حتى عجزت عن ردة فعلي لزمت راسي بثنين
أديه وأبجي وأهز بنفسي وأستمريت على هاي الوضعية بحيث طلعن
هديل وخاتون وأني على نفسي مگاني ماتحرگت أصلاً
ولاحسيت بيهن من راحن
چنت مدنگه راسي وگل جسمي يهتز حسيت بأيد عثمان
ضغطت على رجلي وحجه اهدي انه يمج ؟
رفعت راسي إباوع علي ودموعي تنزل
ديمه .. يعني انتَ مصدگني؟
عثمان .. لج بابا من گل عقلج ترديني أجذبج أنتي
واصدك بواحد عاررر ساقط ؟
ديمه .. شراح تسوي شلون تحل هاي المشگله
احس نفسي انتهيت اني نفضحت هاهية خاف قبل چنت أگول
راح اگدر أعيش وأوگف على رجلية هسة لا صار العكس اني ادمرت
أني جاي اموت يا عثمان جاي اموت ومحد يحس بيه .؟؟
أنت تقرأ
جسور بليدة
Spiritualبين المقبرة والموت .. هل لي رشفة منـك گي إتزن نفسي من قــاع الخطيئة ..! كانت غرابة القصة بشعة الى اكبر حد #صرخات _ رحمة #واقع _حال
