جسور بليدة

بارت اخر الاخبار

جسور بليدة

٢٠٢١
"ديمه صـلاح الدين .. بلد"

ثمة شخص لا يمكن للكلمات أن تُنصفه،
إنه أبلغ من كل القصائد،
ألطف من كل الأغاني،
أعمق من كل المعاني التي كُتبت
والتي لمْ تُكتب بعد،
إنه أشبه بالمعجزة التي لمْ تتأهب لها
ولمْ تعرف ميقات حلولها
ولكنها أتت كما تشتهي،
أتت بعد أن طال أوان انتظارها،
أتت كمجيء الفجر بعد ليالٍ طوال لاذعة
تارة يكون الرفيق وتارة يكون الحبيب
وتارة يكون العائلة وتارة يكون الوطن.
..
هالأنسانه الي داتقرون قصتها بيوم من الأيام عانت للموت حبت تشارك ظلمها وحزنها للناس حتى تعرفون
أنو كُل بيت بـي الفرح والحزن .. والـ اگثر هوَ الحزن

هالأنسانه إلي واگفه أمام المرايه وتباوع بنظرات مصدومة وتهمس بداخلها "اني عشت!

أي عشت .. بعد هالمُعاناة عشت وتزوجت وجبت طفله؟
وعرفت أنو الأيام الصعبه حتعدي؟ وحتعدي الـ أسوء منها

الأهم انو تگون أنسان صبور وتثق بربك
خليك متأمل ولا تضعف اقوى كلما ضاقت بيك الدنيا
حارب حتى تعيش مو بأدينا هيَ هاي الدنيا ..
تحتاج حرب وانسان من فولاذ،،،

ابتسمت بفرح مغمور ورفعت شعري على شگل
گعكه تذكرت الفرن حاطه بي كيكه عزا بعيني عفت الگلام والصفنه لبست نعالي ابو الأصبع ونزلت اطكطك بي الدرج طويل وطول م اني انزل اسمع عمة تحجي

نزلت المسعده ضحكت بداخلي ... صحيح قبل چنت
اضوج وابجي وتوصل بيه ازعل واروح يم امي بس هسة
احس تعودت م ادري بس صرت اشوف گلامها بي وجهه
نظر من گُل النواحي ..

هيَ حالها حال اي ام چانت تتمنا تاخذ بنية الابنها
ما لامسها احد وصاحيه وم الها ماضي .. واني اشوفها
گـ قلب والده حقها .. وعاذرتها بكُلشي ..

طلعت الگيگه من الفُرن وخليتها على صفحة شويه
تبُرد دائماً اسوي هالشغلات والحلويات عثمان ولجُين
إلي هيَ طبعاً بنتي .. قطعه من روحي .. اعزها اگثر من
نفسي ومن گُل شخص بحياتي ...

لجين جبتها بـ أول أشهر من زواجي بسنة ٢٠١٦
حالياً عُمرها ست سنوات .. يعني هالسنة ان شاء الله اسجلها بالمدرسة

جبت تزين الگيكه من الثلاجة وبديت ازين بيها .
سمعت باب المطبخ أنفتح درت وجهي باوعت هذا عثمان رجعت ضهري ليوره .. وهمست

-هلا بجيتك هلا

حط الغراض على گاونتر وجرني لحضنه أبتسم وهمس بأذني "هلا بيج انتِ .. شلونج؟

فتحت عيوني مصدومة وحجيت
-أني گل لحظة بحياتي اقضيها يمك وهم إلي عين واگول مو زينة وضايجة وتعبانه؟ تتوقع مِني هالـ شي
أذا تتوقع فـ خليني اگولك توقعك خطأ عزيزي

-جري نفس حبيبتي شبيج؟
-قصدك .. انو حجيت هواي مو؟ عادي! اليوم طاقتي
فول ابوشن والمفروض تتفاعل وياي