جسور بليدة

البارت التاسع عشر

جسور بليدة .. حمامة الجبوري
..البارت التاسع عشر ..

(البارحة فاجأتوني بتفاعلكم الجميل😊✌🏼)
شكراً من القلب وشكراً لگل من سأل عن الحساب بس
بعد السالفة مانتهت فـ ارجوا همتگم وياي
..
يالمعوضني كل تعبي شجازي عيونك الحلوة ؟
شجازي الگبل لا اعثر يگلي اندارلك فدوة ؟
بعد ما ادور بنادم لگيت الينحسب تجوة
لگيت بوادمي بنادم صدگ يسوة .
..
رحمة .. التلفون بعده بيدي وبعده گلامه يرن بأذني
صدك فصلت عن العالم هاي بس هيج گال وصار بيه
من يجي شلون راح إستقبله وإباوع بعيونه وگع ..

التلفون من ايدي ومشغله مكبر الصوت  واسمع يگول وينج رحمة ؟ والظاهر مايهون يسد الخط بدون مايسمع صوتي

شالته دنيا من الگاع وتهز بيه ..هاچ ردي رحمة شصار بيج
شگلج عليج الله وتتوسل بيه احجيلهه .

شگد عيب وفشلة اگيد هسة سمع گلام دنيا گلها ..
وحسباله فرحانه الجيته إخذته من ايدهه واني ارچف مثل
السعفة ودگات گلبي ماجاي اسيطر عليهن ..

ودنيا تگلي بصوت هامس .. هاي اول مرة عيني تشوف شخص يبجي ويضحك ويرجف اهدي يمعودة وتمسح بوجهي ..

سديت المگبر وحطيت التلفون على إذني
اجاني صوته التعبان .. خلصتي؟
ايدي على گلبي وبالگوة ارد على گلامه
رحمة ..شخلصت والله التلفون بدون مادري وگع من إيدي
طاهر .. ليش وگع وين بالج ؟
رحمة .. يمك والله

بسرعة فصلت الخط
عاصرة عيوني بقوة عزا بعيني لا هيج هواي وحق
الله مو بس عيب لاا ياگاع نشگي وبلعيني شگد زحمة
گاتمة على حلگي وبس صوت انفاسي وأضح التفت على دنيا

رحمة ..خوما سمعتي ؟
دنيا .. يمك والله ، بس هاي سمعتهه والظاهر بالج يمة ترى هيه مبينه چانت بالگوة تحجي وخشمهه نازف دم

باوعت عليها وحجيت
رحمة .. تعاي خلي نغسل وجهج شوفي شصاير بي من الدم
وبعد حتى النومة طارت من عيوني
دنيا .. يعني شنو نرجع لبيت نرجس ؟

رحمة .. اي زحمة يبقى البيت بيد الغربة خلي نگوم
والظاهر طاهر مايدري بزوج اخته متوفي محد مخابره
گلها متليهه

دنيا .. ميصير لازم يگلوله قبل لايجي !
رحمة .. هم صح ، هسة اخابر عمة واشوفهه شتگول بلگي تتصل علي

ونزلنة للصالة البيت فارغة وبس إني وياها
راحت تغسل وجهه واني بقيت گاعدة لحد ما إجت عمة
إم دنيا ..

گتلها
رحمة ..عمه اذا عندج رصيد انطيني تلفونج اريد اخابر على عمتي وهذا التلفون خلص الرصيد إلبي ..

طلعت جيزدانهه وإنطتني تلفونهه ومبينه تعبانه
تمددت على قنفه واني اتصل وهواي يلا ردت عمة

رحمة ..شلونج عمه ؟
تحجي بالكوة وبحه بصوتهه
نهى .. شلوني واني اشوف بنتي تموت گدامي يارحمة
نرجس انتهت بفراگه ..!