جسور بليدة

البارت الرابع والثلاثون

جسور بليدة .. حمامة الجبوري
البارت الرابع والثلاثون (٣٤)
..
يجي يوم وأذكرك بالحجيته..أبجيك بگثر
دمعي البجيته.. يجيلك يوم تندم  تبجي دموع من دم ..
وأعلمك على حچي إللي تعلميته..
أوف ..
حبيته ونگر طيبي وحناني عليمته الرمايه وصوباني .
نادم على خسرته وتعب أني .على همي وعذابي إللي جنيته
..
رحمه .. أحس بضربات خفيفه على خدي وصوت
طاهر أسمع يگول هاي من گلمة وتخرطتي چا بليله زواجنه
شتسوين ..

مادري أضحك على روحي لو أبجي من الفشلة
چان أمددني على قنفه وحاط وره ضهري مخده لازم أيدي
ويحجي

طاهر .. هاي شلون صرتي ؟
رحمة .. لا والله مابيه شي بس الظاهر
لان گلشي ماماگله وجسمي يرجف وأنت زودتها علية
طاهر .. شتحبين تاگلين خلي أگله الدنيا أتسويلج
لو تردين جاهز ؟

رحمة .. لاعادي اي شي المهم أسد جوعاتي
گال أخابر دنيا تسويلج أگل وصدك شوية وأجتني دنيا أسمع
صوتها فوك راسي أدري بيها هسة طايره من الفرح ..

چان يگلها طاهر
طاهر .. دنيا شوفيلي رحمه شتريد تاگل وسويلها أگل
ولو تعبانج اليوم بس ماعنده غير أنمون علي

دنيا .. صدك چذب أنطيها عيوني
اي رحمه شتحبين تاگلين وهاي ثاني مرة نسالج
لميت شفايفي وملت راسي ببرائه أحب أستفزها
رحمه .. بصراحه عاجبني شي بس ماعرف شنو !!
طاهر .. لاهاي هيه گملت أنوب منين طلعتيلي بهاي السالفة

دنيا.. أصبر طاهر خلي نشوفها شتريد
أني ساگته ومتحمله وبالأخير أنفجر

رحمة .. هاي گلگم عليه مو چاي اگلگم
تجيني حالات اريد شي بس ماعرف شنو هو وأضل
حايره

دنيا .. هسة گليلي شنو نوع الأگل
حوامض حلويات ؟
حطيت أصبعي على عقلي واضرب بهدوء وأحجي
رحمه .. لااا أريد شي حامض
حجيت هيج لو أسمع شهگت دنيا وصلت السابع
جاره وتحجي ومن گل عقلها

دنيا .. عزاا بعينك ياطاهر معقوله حامل !!
أسمع صوت طاهر يضحك ودنيا تطلم وأني اريد
الگاع تنشك وتبلعني چنت اگول دنيا مو مثلي فطيره طلعت انگس
حجت هاي الگلمة وماتدري اني راح اموت من الخجل

طاهر .. بابا اعقلن أنتن شنو گارثه والله
لاتخلني أفرض عليجن عقوبات ورجع حجه وأنتي رحمه
أعقلي وگولي الدنيا شتاگلين حتى تسويلج واني طالع ونامي لاتضلين
منتضرتني راح أبات بره

حجه هيج وطلع وأثنينه مانحجي أنصكرنه فد مرة
ومن ماسمعنه أله صوت طفرت فوگاي دنيا وتخنك بيه وأسمعها
تضحك واني اريد اتنفس وأضرب بيها ماگو

رحمة .. والله شكد عيب فشلتيني ونوب
تگله عزا بعينك وتحجي وأثقه من نفسها