جسور بليدة

البارت الحادي عشر

#جسور بليدة
#حمامة الجبوري
#الــبـارت الـحادي عـشـر

رجعو إلي رجعو إلي بس مرة ! خلي أحجي ويا گولوله بينت
عازتك وتندم ؟ گولوله حيل تغير وصار أنسان . لك بس جرحة
لايتغير ولا يلتم! رجعو إلي قبل لاينعشك بعد صغير چنت من أطلعه
وياي إلى ملثم يغلط هواي وأعتذر من هواي وأرجع بحجة يگبر ويتعلم
وصح عود أگابر ومايهمني وخلي يروح  بس هسة
لا گولوله حيل أتغير وصار أنسان

ديمة
هابي بيرث دي يو هابي بيرث دي دو .. سنة حلوة يا گميل
سنة حلوة يا ديمة هابي بيرث دي يو

-گل عام وأنتِ بألف خير يا أجمل بنت بالگون
-حبيبة قلبي أن شاء الله گل سنة وأشوفج أحسن من قبل

-چبتلج هدية صلح اذا تستقبليني طبعاً !؟

گل هاي الردود والحوارات تمنيت أخزهن بعقلي أخزهن بداخلي
بدون شعور گمت أحس على دموعي تنزل وحدة تسبق الثانيه وبنفس
الوقت ضحكت چنت أضحك أي أضحك !!

أفتر بنظراتي وأباوع على الصالة چانت عباره عن ورد أحمر وأبيض
وتزين حلو حتى گيك وشموع وگل التزينات أباوع عليهم

هاي دگتورتي!
وهاي أمي
هذا علاء! وأمه وأخته !
گمت أمسح بدموعي وأضحك بعدني مصدومة ومامصدگة وخايفة
يطلع هذا توهم من عقلي !! لزمتني ماما من أيدي وتنزل بيه وتحجي

-أنتِ اليوم برنسس يا حبيبتي
گعدت على قنفة وچانت مقابيلها ميز صغير ومزينه وحاطين علي
گيكة وحاطين شمعة عمري صار 24 !  باوعت على گيك چانت بيها صورتي
ومگتوب عليها أجمل وأقوى نساء العالم ..

أبتسمت بخووف
چنه داخلين بسنة جديده 2016 أگدر أگول عليها من أهدأ وأحسن
السنين إللي مريت بيها أسمعهم يصفگون وراها وگفت بصفي الدگتوره

وگالت
-غمضي عيونج وأتمني أمنية
قربت وجهي يم الشموع وغمضت عيوني بدون شعور طلع مني
هذا الگلام
-يارب أني أتمنا أمنية وحيدة أنا أريد أرجع أعيش من جديد .
حجيت هيج وطفيت الشموع ،  گلها صاحت يارب يتحقق گل إللي
إبالج وترجعين أحسن من قبل ..

أبتسمت فرحانة عبالك أول مرة أفرح هيج أول وحدة أجت أمي حضنتني
بدو سابق أنذر وحاضنتني وتبجي وأول جملة گالت إلي وهيه تبجي