جسور بليدة

البارت التاسع والعشرون

جسور بليدة .. حمامة الجبوري
..البارت التاسع والعشرون ..

(وينهم الحلوين بيگم وماترفعون التصويت🌹 ضروري
حبيابي اريد اشوف وين الخلل واريد اشوف
صدك جاي توصل إبلاغات على قصة ؟ وشگراً
من القلب على تفاعلكم اصبروا هاي الايام  انزللكم
غشش يخص ابطالنا مستقبلياً وحابه اگلگم إحنه بعدنه بربع  او بالاحرى بثلث الاحداث ✌🏼😊بعدنه شوية شوية نتعمق اربطوالاحزمة ياگرزاتي )
..
إنذر عمري گله لصوت ضحگتج
..
رحمة ..فجاة وبلمح البصر حسيت بشفافيه
تلتصق على شفايفي وگلما يسحب نفس يجرني
من خصري ويقربني إله اندمجت ويا

وماجاي اخذ حتى نفس بدون شعور
ايدي تعلگت برگبته وارفع برجلية اريد اوصله
وهو مدنگه راسه وينطي
جرعات من الامل عبالك جاي انولد من جديد
لأول مرة إحس بهذا الشعور مثل الجاي اخذ نفسه من عنده
وأدمجه ويـ انفاسي
وتخابطت الأنفاس لتگون قصة عشق !!

إحس بروحي إنتهيت وفصلت عن العالم گله
وعيت على نفسي والجاي يصير اريد اوخر ايدي وگل
جسمي ميت ماگددر إحرك ولا عضو !!
القنفة چانت قريبة علية بس وخرت من عنده
گعدت عليها ورجلية تنرفع وتنزل چانت ترجف بقوة
والله لو إشوف چان طگيتها رگضه لنهاية العالم

أسمع يصيح على دنيا حتى تجي تاخذني
لان حس عليه وخاصتا راسي مدنگته وما رفعته
نهائياً ..

سمعت صوت دنيا بالاستقبال ونوب من
وصلت يمي تضحك وتندس بگتفي لاا ابد مو وقتج
يادنيا اني احس راح اتخربط والصار گل ساعة اعيده مثل
الفلم القصيرة ..

زين ليش إحسه صدمة گبيرى ..
إرجع إگول !اي هو قابل شنو غير صدمة ومن نوع آخر
دخلتني للغرفة وگالتي اگعدي على جربايه خلي
اسد الباب واجيج اسرع من الفراري

رحمة .. يا دنيا اعقلي والله مو وقتج تعاي
شوفي جسمي شلون يرجف والدمعة بطرف عيني
وخو گلبي اصلا مجاي احس عندي گلب مثل العالم والناس

دنيا .. اي غير اگو سبب ياعيني دحجيلي
شسوه طاهر النجر

رحمة .. تعاي مددي خلي اخلي راسي بحضنج
وانام واي شي بهذا الموضوع لاتفتحي مفهموم گلامي
لوو لاا ؟

دنيا .. دوخري تنام بحضني صار
ساعة يم الحب وبعدج تخرين من الجفاف

رحمة ..شگد سخيفة بعد ماحجيلج عود ردت
إحجيلج شصار وياي اليوم بالذات چان اجمل الايام احجي
هيج ومغمضه وابتسم وعايشه الحظة

وماحس غير بدفرة من دنيا
دنيا .. تحجين لو تحبين اتصرف وحدي ؟؟
حطيت إيدي على گلبي إريد اضبط مشاعري
مجاي إگدر
رحمة .. لزگتي يادنيا  مادري شلون
احجيها إلج والله