جسور بليدة

البارت الثالث الجزء الثاني

#جسور بليدة
#حمامة الجبوري
#البارت الثالث من الجزء الثاني
...
‏بعد غياب جأني يسأل
- وين المعزه ؟
- ذبحتها، في عزاء موت ذكراك !
- وين الوفاء؟
- مات امس بعد موتك وانا حي !
- وين المحبة ؟
- بعثرتها على قبر ماضيك أشواك !
- يعني ايش؟
- يعني كنت شئ واصبحت عندي ولا شى!
..

ديمة .. أرگضُ راجية النسيان لعلُ قلبي يهدء تارك حروف العشق
تحمرت عيني وأرهلت مشاعري هباء عندما تسالت بكثرة ؟؟اهل حبيباً يدوم
ام اهلً ام صديق ام لا أحد !!

فقدت مادري شصار بيه عليت صوتي ودفعتها من چتفها بگل
قوتي :- يتزوجج!! وانتي ؟ حجيت هيج وباوعت عليها بسخرية من فوك ليجوة

چان تحجي بتموع وترمش بعيوني
-طبعاً اني ! ليش أگو غيري بگلبة؟

خزرتها بنظرات سعيره ومادري شلون ودنگت على أيدها ونبتت سنوني
بأيدها چانت أيدها سمينة بحيث من عضيتها وضاغطة على أسناني بگل
ما أملك قوة عبالك طمست بفد طينة!! اسمع صوت صريخها وبأيدها اليمنه

تضرب على راسي عاد أني استسلمت ورفعت رجلية اليسرى وضربتها
بخاصرتها وعطت بيها لو متزوج غيرج ماجان شفتي ردة فعلي هيج احجي
ومنهارة والشرطة أنخبصت يسحبوني بيه وهيه

تگلهم هاي مريضة نفسية هاي مخبلة ما استبعدة فگرة انو تقتلني
مثل ما قتلت ابنها ياوقحة يا ادبسزز چنت أصارع بأدين البنية الشرطي وصحت
بعلوا "منو الخبلني غيررركم ها منو يلا احجي !!!!؟

ما سمعت شتحجي بس اخير شي شفته شلون خزرتني ونظراتهه إليه
لهاي ساعتنة گلما أتذگرها اتخاوف من القادم !! رجعوني للسجن وگالت إلي
عقاب على سويتي اسبوع گامل ممنوع احد يزورج شنو هاي الوقاحة مادري !!!

مسحت دمعة عابرة سقطت بلمح البصر وحرقت گل أشلائي رحت أمشي
وأني أسحل بذيال الخذلان وأطلب من ربي الفرج گعدت على نفس مكاني إلي هو
مجرد سرير ابو النفر الواحد ..

تمددت بشگل مستقيم وغمضت عيوني أحس بنغزة گلما أغمضهن
وأرجع أفتحهن يطلع نار ! مادري شلون چنت أقاوم ومادري اذا بعدني صاحية
لو أنجنيت مستحيل عثمان مايسويها ويتزوج ضليت ساكته على خيانتها
شگد مرت سنين وماتجرأت احجي اخاف من المشاگل گافي اني للي بي وللي چاي
يصير بية .!!

چنت مرگز گل حواسي على حايط الأبيض وبالي يم گل لحظة مريت بيها
فجاة وحسيت بصوت بنية واگف فوك راسي وتحجي وتهدد !!