جسور بليدة

البارت الثامن

#حمامة الجبوري .. جسور بليدة
#الحلقة الثامنة .. مُتابعة شقية 🥀

أشراق وتدقيق "فاطمة حميد"
..
#رحمة _#طاهر
وأتحدى البُعد يجبرني يوم أنساگ !
وعمت عين الصُدف غيرگ تشوفني ، رغم بُعد المسافة
وأنتَ
ترس العين .
والناس الشفتهم ، ماجزوا جفني
خيالي شكد صور ما خذلك ولقطات ، من إشتاك گلش
"هوَ يسعفني ، شلت حُبك حرز يحفظني من السوء "

وأحلف گمت بأسمك لليحلفني !!
أتمنا أمتلك طاقية الأخفاء ، وأچي لبيتگ شبح ، بس
أنتَ تعرفني أبچي بحظرتك . بچية طفل مفطوم

وأتوسد أحضانك لو تجتفني .
وأشعلك بالحنان من الجدم للرأس مثل ما أنت شاعل
إبو الخلفني ..

گلمات ..عريان السيد خلف
..
البصرة إبو خصيب
"رحمة " .. ضليت إبلع بريگي وخايفة شيريد مني هاي المسافة المشيتهه ضليت أفكر وأفكاري شخطت للعالي ! شكد مزعجة

هاي الحالة من واحد يريدگ بموضوع !!
وگفت گدامة ورفعت راسي لأن اني أقصر منه بهواي .

_ ها .؟
حك طرف حاجبة وگال "أشتريتلج بيت إنتي وأختج بس الموضوع مو هنا ، اني فترة قصيرة وراح ارجع الشغلي ، وأنتي تبقين هنا

أي واحد يضايقج يتعبج تحسين بـ اي شي اخذي أمي واكعدي بالبيت
وتلفون امي موجودة تگدرين تتواصلين وياي وتحجيلي گلشي تحسين بي

يارحمة اي شي يصير بس دزيلي مسج ماوصيج بعد !
چان يشدد علي هالگلام شنو قصده شراح يصير ياترى گتله
_أوكي
_هسة يلا روحي نامي وبعد لاتسهرين .

هوَ يأمر وأني أنفذ گلشي ماعرف أتصرف ، درت وجهي ورجعت
للغرفة حتى الأكل نسيت موضوعه ،

"حضنت جُمانه ونمت "
ثاني يوم الصبح گعدت جمانه من وقت ردت أسبحها ، طلعت ملابس
"ألها چانن قليلات گم وحدة "ونصهن مزرفات وقديمات

أنقهرت مابيدي أسوي گلشي !
دخلتها للحمام وأحس ظهري أنفصم نصين شغلة صعبة علية حيل
وعمه من عرفت سبحتهه بدون ماگلها زعلت علية وگالت ، مو زين على ظهرج چان گلتيلي اساعدج شكو بيها ؟

"أعتذرت منها ، وگتلها بعد ماسوي شي بدونج "
هذولي التؤم نهار گله بالبيت ونادراً مايطلعون ، جمانه اندمجت وياهم بالسوالف ، شكد حذرتها بس شلعت گلبي ماتقبل

رحت للمطبخ أساعد عمة
لكيتها تبجي من شافتني مسحت دموعها !!
چريت الگرسي وگعدت مقابيلها "عمه شصار شبيج ؟"

نهى ..تعاي اكعدي اليوم احجيلج گلشي حتى يصير
عندج علم وتاخذين حذرج .

رحمة .. شتحجيلي عمه ؟ والله خايفة منا إنتي
ومنا طاهر تحذرون بية
نهى .. على حادثة عمج هاي ثانية مرة انبهج يارحمة البارحة
انطيته مهدأ يلا گدر يسطر على نفسه .

رحمة .. أحجيلي أسمعج !
نهى .. بيوم من الايام أغتصبو امة كدام عينه ! ليش وشلون ؟
ابو توفه اول ما نولد وهوَ وامه بقو يم بيت جدهم وعمهم العود