قابل للتفاوض+زمهرير (دراما صعيدية مميزة)

الفصل الأول،، زمهرير

قابل للتفاوض 2
إيمان سالم
كان على الفراش يتأملها بعشق هتف بمشاكسة: تعالي هنا يا راية
نظرت له بطرف عينيها هاتفه: عاوز حاجة يا هارون؟
ضيق عينية قليلا وهتف: ايوه عاوز حاجات كتير
تنهدت متحدثه: كتير اهه، لا مش متوافر طلبك ده دلوقتي
نزل من على الفراش بتأن هاتفا: بقي مش متوافر يا راية هتبخلي على حبيبك هارون باللي عاوزه
هزت أكتفاها متحدثه: إيه المانع
-حبي ليكِ

صمتت فكان جوابه كاف لتنكسر تلك الصورة التي ترسمها حتى ولو على سبيل المداعبة
لاحظ تغير ملامحها فأقترب متحدثا: مالك، اتغيرتي فجأة؟!
-مفيش يا هارون أنا كويسه
همس لها بصوت حان: كويسه إيه أنت مش شايفه شكلك وحرك أصابعة علي وجهها هامسا: مالك،أنا قلت حاجة ضيقتك؟!
إجابتها كانت غير متوقعة له: بحبك
ضحك متحدثا: كل ده عشان بتحبيني!

نظرت له مليا ومازال وجهها حزين وهتفت :عارف يعني إيه وجودك في حياتي يا هارون
أقترب يجلس أمامها هاتفا بحنان:يعني إيه يا راية؟!

إبتسمت متحدثه يعني مش عارف أنت إيه يا هارون، إنت السند اللي فضلت أحلم بيه طول عمري،وأخاف أظهر الحلم ده حتى لنفسي لا ملقيهوش حقيقي وأضغف وده الحاجة الوحيدة اللي كنت بهرب منها.. الضعف كان بالنسبة لي النهاية

أمسك كفها ينظر لها بعمق يضغط عليه يعطيها إشارة بأن تكمل تبحر في أعماقها وتخبره بما عانت في حياتها قبله يريد أن يطهر روحها من تلك الذكريات

كنت لوحدي مفيش إيد بتطبطب ولا تسند كانت إيدي هي اللي لازم تسند إخواتي نسيت نفسي عشانهم نسيت إن ست وليا إحتياجات قمت بادوار كتير .. لحد ما قابلتك عارف يا هارون حتى الضعف اللي كنت بخاف منه معاك بحس أنه حلو معاك له طعم تاني ..مميز

نظر لها بتعجب أومأت متابعة وهي تميل على صدره هامسة: حلو إني أبقي ضعيفة في وجودك الاقيك قوتي أكون متأكدة إني قبل ما أقع في إيد هتسندني هتخاف عليا حتى من الهوا

رتب على خصلاتها متحدثا: أنا مش بس سندك راية، لا أنتِ كمان سندي ودنيتي يا أستاذة قلبي
خرجت من بين أحضانه تنظر له بعيون عاشقة وهتفت: صحيح يا هارون أنا دنيتك وسندك أنت شايفني كده
رفع حاجبه قليلا متعجبا وهتف: عندك شك في ده؟!

نظرت له مليا للحظات ثم اومأت وهي تخبره : لا معنديش، معنديش إلا أنت

ضمها له بقوة تحتاجها تخبرها أنها ملكه وحنان يروى قلبها العطش يعوضها عما مضى

-------------------------------
-------------------------------

يعني إيه يا هارون كل أم أفتح معاك الموضوع يكون ده رد فعلك، إيه البرود اللي أنت فيه ده، ممكن أفهم؟!
لو سمحتي يا ماما، أنا مش بارد ولا مش مهتم زي ما واصل لحضرتك ولكن أنا قلتها قبل كده ألف مرة وهقولها لك أكتر: مفيش عندنا أي مشاكل تمنع الخلفة نهائي والتحاليل والاشاعات إنتِ بنفسك خديتها وعرضتيها على أحسن الدكاترة، يبقي لازومه إيه بقى الكلام ده والاستعجال أحنا متجوزين من شهور بس مش من سنين ولا حاجة