قابل للتفاوض+زمهرير (دراما صعيدية مميزة)

الفصل الثامن عشر

رواية قابل للتفاوض
للكاتبة إيمان سالم

عندما رأته بتلك الصورة سقط قلبها بين ارجلها كانت تعلم جيدا أنها لن تترك فرصتها لتنقم منها ستخبره وتملئ رأسه بأكاذيبها كما تفعل دوما ...
أقترب منها بعيون مرهقة رغم غضبها متحدثا:عاوز أسألك علي حاجة وعاوز جواب بآه يا لأ
تحدثت بتوتر من طريقته الجافة: خير يا فارس في ايه مالك؟!
حج أنتِ دعيتي علي إنتصار وولدي يا حنان
صمتت وعينيها متسعه تستمع لكل حرف وجسدها ينتفض ونبضها متسارع لقد صدق حدسها
نظرة عينيها اخبرته بصدق إنتصار ...لكنه أنتظر ردها اسبلت تحاول تجميع افكارها هاتفه:هي محكتش ليك كل الحجيجة اسمع مني الأول
زفر متحدثا بتعجب: بتدعي علي ولدي اللي لسه مچاش يا حنان مش مصدج والله جيبتي الجسوة دي كلها منين أنتِ عمرك ما كنتِ كِده

تجمعت الدموع في عينيها متحدثه: متسمعش كلامها وخلاص يا فارس اسمعي مني انا كمان زيها
ابتسم بسخرية متحدثا: مسمعتش منها بس يا بت عمي انا جيت اسألك اهه وكل حاچة باينه زي عين الشمس
تعجبت والدموع تلمع في عينيها متحدثه: ايه هو اللي باين ده زي الشمس؟!
رد في إزدراء: إسائلي نفسك السؤال ده!

اقتربت منه وانفاسها مرتفعه للغاية متحدثه: اوعي تكون مصدق اني بكره ولادك زي ما هي بتجول يا فارس عشان مخلفتش
صمت لم يعقب علي حوارها بشئ
اتبعت في انفعال: ياااه للدرجة دي بخت سمها في عجلك وجوتك علي
نظر لها بغضب وتحدث بنبرة حادة: منيش عيل يا حنان عشان حد يمشيه زي ما هو عاوز انا هنا الكبير وراجل البيت أنتم اللي تمشوا تحت طوعي فهمتي ولا تحب افهمك
ردت في تأكيد: فهمت وطول عمري فاهمة يا ابن عمي
نظر لها بغضب ولم يعقب بشئ
اتبعت في آسي: وليه مسألتهاش هي قالت كده ليه وليه مردتش غيبتي، عمرك ما نصرتني يا فارس حتي لو مظلومة او ظالمه زي ما بتعمل معاها

اتسعت عينيه واتجه يغادر متحدثا: جفلي علي الموضوع ده واعملي حسابك ترتاح وتاجي تطيبي خاطرها
صمت اذنها مما قال تعتذر ! هل طلب منها ذلك بمنتهي البساطة! ... هل هذا العدل في قانونه؟!

ردت في صوت مذبوح معارض: هي اللي غلطت في الاول ومش هعتذر لحد كفاية بقي ظلم حرام عليكم
كاد يفتح الباب تجمدت اقدامه لا يصدق حنان تعترض علي شئ يقوله تكسر كلمته هذا غير معقول
التفت لها متحدثا بصوت جهوري افزعها: بتجولي ايه
ردت في خوف لكنها ثبتت علي قرارها: زي ما سمعت يا فارس مش هعتذر لها أنا مغلطش وخليها في حالها بعيد عني ولا عاد ليا علاقه بيها لمن جريب ولا من بعيد، الله يسهل لها
اقترب منها يمسك معصمها بقوة المتها كثيرا فخرجت آنه من بين شفتيها المنفرجتان وعينيها تطالعه بريبة ... تحدث بغضب: جاتك الچراءة دي منين بتكسري كلمتي يا حنان
نظرت لعينيه الغاضبة وخطان من الدموع قد ظهروا يشقون طريقهم بمهارة وتحدثت بصوت جاهدت ليخرج مسموع: لاه مبكسرش كلمتك بس أنا بردة بنأدمه من دم ولحم عندي شعور يا اخي كل مرة اكده لاي سبب كان المهم اني اللي اعتذر اني اللي اطبطب اني اللي العاجلة اني اني .... كتير يا فارس كتير والله معدتش مستحمله أنا نفسي ارتاح من وجع الجلب ده بجي
ضغط علي يدها بقوة متحدثا: عاوزه ترتاحي ماشي يا حنان اعملي حسابك الاوضه دي مش هعتبها تاني الا اما ترجعي لعجلك وترجعي حنان من تاني ثم نفض يدها بعيدا وهو يغادر