قابل للتفاوض+زمهرير (دراما صعيدية مميزة)

الفصل الحادي عشر

زمهرير /قابل للتفاوض٢
إيمان سالم

كانت هي في عالم آخر ولم ينتبه إلا على صوت دوي خلفه وصرخات بعض الفتايات المجاورة

انتفضت كل حواسه دفعه واحدة، وركض بلا وعى لها
اقتربت البنات ترفع وجهها قليلا وتحاول بكل الطرق افاقتها لكنها كانت في عالم آخر
ما كان منه إلا أن صرخ بهم صوت لا يحمل الجدال ورفعها للعربية بسرعة

كانت إحداهما على معرفة سطحية بها لكنها لا تعلم مدى قرابته منها فتساءلت في شك هتوديها المستشفى

لا هخطفها كان جوابه مستهزء قاسي لدرجة كبيرة ما كان منها إلا أن أخبرت آخرى حاولي تشوفي حد من أصحابها يكلم قرايبها وأنا مضطرة اروح معاها
سألتها بتوجس أنتِ خايفة منه
اومأت متابعة أنا معرفش هو قريبها ولا ايه مدى علاقته بيها فالاحسن إني أكون معها لحد ما أي حد من قريبها يوصل
دعمتها بنظرات مآزرة وبالفعل كانت لجوارها في السيارة وهو في الأمام إلي أن وصلوا لأقرب مشفى ترجل من السيارة يطلب مساعدة وبالفعل لبى طلبه في قليل فتلك مشفى خاص

كانت في الحجرة وهم بالخارج منعوا في الفحص وجود أحد ...
وصلت راية المشفى في تلك الاثناء ،تعجب وجودها هنا ولم يتمالك نفسه والتعجب الشديد يظهر على ملامحة
اقتربت منه تحدجه بنظرات غاضبة وهتفت بحزم فين رحمة

اقتربت الفتاة منها تصافحها متحدثه : هي جوه بقالها شوية إن شاء الله خير
"خير" هتفت بها بقسوة وهي تطالعه بعدم رضي وابتعدت تمسك كف الآخرى متحدثه بهدوء :عاوزه اعرف ايه اللي حصل بالظبط
صمتت لا تعرف من أين تبدأ وبما تخبرها لكنها حسمت امرها وهي تقول:بصراحة مش عارفة أقولك إيه بس أنا لازم أعرفك برده لأنك اختها ولازم تبقي عارفة

تلك الكلمات جعلت من قلبها ينبض بقوة فطمئنتها بالنظرات لتتابع : حصل مشكلة في الجامعة النهاردة بين خطيب رحمة والشاب اللي واقف هناك ده

شهقت راية بقوة لم تسيطر عليها وهتفت بتعجب : بتقولي ايه مشكلة بين وسيم وفجر

أكدت الفتاة متحدثه : لو ده فجر يبقي للاسف آه

حولت راية نظراتها النارية لفجر مما جعله يستغفر في سره من ثرثرة النساء الفارغة

وايه اللي حصل تاني؟ سألتها راية بخوف
بصراحة أنا مشفتش كل حاجة بس اللي شوفته إن خطيب رحمة مشي وسابها وهي فضلت تعيط كتير والأمن جه بعد كده بس الموضوع انتهي

طب وايه اللي حصل لها ؟
فجأة وقعت وهي ماشية كانت تقريبا راحة تركب معاه العربية
مع وسيم ؟سألتها بشك

لا مع ده .. ده تلك الكلمة تتردد في اذنها تباعا تمالكت نفسها حتى لا تدهس عنقه الآن أسفل قدمها

غادرت الفتاة بعد شكر راية وخروج الطبيب ليخبرهم أن الحالة انهيار عصبي ومحتاجة راحة