قابل للتفاوض+زمهرير (دراما صعيدية مميزة)

باقي الفصل ....

لقد كنت العاصفة التي رفعتني عاليا لاسقط بعدها في غيمات خذلانك

كانت على الفراش شبه نائمة
تقدم منها والحنين لها يسيطر عليه .. اقترب من الفراش يشرف عليها متحدثا: حمدلله على سلامتك يا رحمة
استمعت للصوت الذي أصبح يمثل لها الخديعة والخذلان فتحت عيناها دون رد
جلس لمقعد مجاور متحدثا: عارف أنك زعلانه مني وده حقك مبلومكيش، بس عاوزك قبل ما تحكمي تسمعي مني يا رحمة اديني فرصة اتكلم
هتقول إيه يا فجر؟ هتقول إني طلعت هبلة وعبيطة ولا يمكن تقول إني استاهل منك كل ده
هتف مقاطعا اياها: من أول بوم شفتك فيه وأنا اتعلقت بيكي كان فيكي حاجة بتشدني كنت اما احاول ابعد اقول هي واحدة زيها زي كل البنات اللي عرفتها يا فجر القي نفسي بتعلق بيكي بزيادة مقدرتش اتحكم في شعوري نحوك
اعتدلت تجلس بهدوء تام متحدثه: تقوت تخرب حياتي عشان تدخلها مين اداك الحق في كده ليه اتصرفت معايا بالشكل ده ليه دمرت لي حياتي
لاني حبيتك
هتفت ببوؤس: عذر اقبح من ذنب
عاوز تفهمني أنك كده تبقى حبتني؟!، الحب عمره ماكان بالشكل ده الحب انك تخاف على اللي بتحبه يا فجر
-قصدك يعني زي وسيم؟
مبقارنش بينكم، بتكلم على اللي شفته، الحب شئ حلو تحسه مبتشوفش زي الحب اللي بين اخوك واختي عمرك ما سألت نفسك يعني ايه حب او حبتني ليه؟
طب متعكسي السؤال وهسألك أنا: أنتِ حبتيني يا رحمة؟
صمتت لا تعلم جواب محدد لسؤاله لكنها دافعت متحدثه: لو محبتكاش امال ارتبطت بيك ليه ؟!
يمكن عشان تنتقمي من وسيم او تثبتي له أنك احسن من غيره وعايشه حياتك
ارتفع حاجبيها بشئ من الدهشة وهتفت: يااااه ده كله، طب طلما أنت شايف إني وحشه كده ليه كملت معايا

مش هجوبك على السؤال ده ... ياريت تكوني حسيتي بيا وبشعوري نحيتك افتكري دايما كنتي بتقوليلي ايه؟ فاكرة ولا تحبي افكرك؟
يعني أنت كملت معايا بس لمجرد إني كنت شيفاك سندي وأنك بتفرحني وبتعمل عشان حاجات حلوة
لا يا رحمة أنا كان عندي أمل يجي يوم وتحبيني
أنا عارف أنك عمرك ما حبتيني
نظرت لأسفل تكاد فعلتها تلك تؤكد كلماته
تابع حديثه: فاكره يوم خطوبتنا لما قابلنا وسيم، شوفت ساعتها في عنيكي نظرة خلتني اكره نفسي واستحقرها اني ازاي قابل على نفسي احب واحدة مش شيفاني لكن كلامك ليا كان غير اللي بحسه منك وده اللي خلاني صبرت قلت يمكن يجي اليوم اللي اكون فيه جواكي بجد مش مجرد كلام

لما أنت عظيم اوي كده وأنا وحشه اوي كده: ليه اتفقت مع اصحابك عليا ليه دخلتني وسط ناس كل حياتهم قذارة ميعرفوش ... أنت عارف أنا اتألمت ازاي، وآخر حاجة كنت اتوقعها منك أنك تكون السبب في ده حتى الشقة كان انتقام منهم بتنتقموا من بعض فيا طب أنا ذنبي ايه عملت لكم ايه؟!
أنت عارف أنك دمرت ثقتي الناس حتى نفسي أنا بقيت شيفه الدنيا كلها سودة وبس حاسة إني عامية مستغله من الكل مين هيرجع لعيوني الوان الدنيا من تاني
مين يا فجر ... هتقدر ترجع لي الالوان
اديني فرصة نبدأ من جديد صدقيني يا رحمة أنا اتغيرت مش كلام وهبعد عن كل اللي اذوكي واذوني معاكي ولو عاوزانا نتجوز ونسافر نسافر المهم تديني فرصة