❤စီအီးအိုရဲ့ ဟန်ဆောင်ဇနီးလေး❤စာစဉ်၄။ အပိုင်း ၁၈
လုချင်းယီတစ်ယောက် ဘာဆက်လုပ်ရမလဲဆိုပြီး စဉ်းစားရကျပ်နေသည်။
သူမရှေ့ဆက်တိုးရမလား...ဒါမှမဟုတ် အရှုံးပေးလိုက်ရမလား...? မဟုတ်ဘူး...! ဒီလိုအခွင့်အရေးကို လွယ်လွယ်နဲ့ အဆုံးရှုံးခံလို့မဖြစ်ဘူး...!အခြားသူတွေ ကိတ်မုန့်လုပ်နေချိန်မှာ လုချင်းယီကတော့ ချီတုံချတုံဖြစ်လျက်။ ထို့နောက် သူမက အခိုင်အမာ ဆုံးဖြတ်ချက်ချလိုက်ကာ အနီးမှာရှိသည့် ကိုယ်စားလှယ်တစ်ယောက်ကို လှမ်းခေါ်လိုက်တော့ ထိုလူက အေးအေးဆေးဆေး လျှောက်လာ၏။
" ကျွန်မကို တစ်ချက်လောက် ပြောခွင့်ပြုပါနော်...။ အစ်ကိုတို့ အဖွဲ ့ ကျွန်မပုံးထဲမှာ ပစ္စည်းမှားထည့်မိပြီထင်တယ်....''
လုချင်းယီ ....စိတ်လှုပ်ရှားမှုကို ထိန်းကာ မျက်လုံးချင်းဆုံအောင် ကြည့်ပြီး သေချာမေးလေ၏။ထိုကိုယ်စားလှယ်က သူမကို အပိုလုပ်တယ်ဆိုသည့်အကြည့်နဲ့ ကြည့်တော့ သူမ စိတ်မသက်မသာ ဖြစ်လာရသည်။
" ဒီမှာ မိန်းကလေးလု၊ နေရာပြန်သွားပြီး ပေးထားတဲ့ကိတ်မုန့်ပုံစံပဲ လုပ်ရင် အကောင်းဆုံးဖြစ်မယ်နဲ့တူတယ်။ မင်းကို ပေးထားတဲ့ ပစ္စည်းတွေမှာ ဘာပြဿ နာမှ ဖြစ်စရာအကြောင်းမရှိဘူး...! တကယ်လို့ အဲ့ဒီပစ္စည်းတွေက အဆင့်မပြည့်မှီဘူးလို့ထင်ရင်လဲ ပြိုင်ပွဲကနေ နှုတ်ထွက်လိုက်...!''
ထိုလူက သူမပြောသည့်စကားတွေကို ဂရုမစိုက်ဘဲ ချေချေငံငံပြောဆိုကာ သူ့အာရုံကို တစ်ခြားနေရာဆီလွှဲလိုက်၏။" ဒါပေမယ့် ကျွန်မရထားတဲ့ ဂျုံက ကိတ်မုန့်လုပ်တဲ့ ဂျုံမှမဟုတ်တာ...! မလိုင်ထုတ်ထားတဲ့နို့ကလည်း ပြောထားတာနဲ့ တလွဲကြီး...!''
သူမပြောပေမယ့် ထိုလူက မျက်နှာလွှဲကာ လက်ပဲခါထုတ်နေသည်။" မင်းက ဘာဖြစ်ချင်နေတာလဲ...? ကောင်းမကောင်းဆိုတာတော့ မင်းနဲ့ပဲဆိုင်တယ်....ဒီလိုငြင်းခုန်ရင်းနဲ့ အချိန်ဖြုန်းနေတော့မလား.... မိန်းကလေးလု၊ ပုံးတွေအားလုံးကို ကျွန်တော်တို့ သေချာ စစ်ပြီးသားပါ ....ဘာမှမှားစရာအကြောင်းမရှိဘူး....!''
YOU ARE READING
စီအီးအိုရဲ႕ ဟန္ေဆာင္ဇနီးေလး (အတြဲ ၂) ( ဘာသာပြန် - Zawgyi +Unicode)
Romanceဘယ္မိန္းကေလးကိုမွစိတ္မဝင္စားဘဲ ေဂးလို႔ ေကာလဟာလထြက္႐ွိထားတဲ့ ႐ွန္းလုပ္ငန္းစုရဲ႕ ဥကၠဌ ႏွင့္ မိမိခ်စ္သူႏွင့္ မိမိရဲ႕ အခ်စ္ဆံုးသူငယ္ခ်င္းတို႔ရဲ႕ သစၥာေဖာက္မႈကို ခံရတဲ့ မိန္းကေလး လုခ်င္းယီတို႔ရဲ႕ ဇာတ္လမ္းေလးပါ