❤စီအီးအိုရဲ့ ဟန်ဆောင်ဇနီးလေး❤
စာစဉ်၄။ အပိုင်း ၂၄
ရှန်းရီက သူ့မိန်းမရဲ့ လုပ်ပုံကိုင်ပုံ ၊ ပြောပုံဆိုပုံနဲ့ ပတ်သက်ပြီး ကျေနပ်လို့နေသည်။ သူမကိုယ်သူမလည်း ယုံကြည်မှုရှိသည့်အတွက် စိန်ခေါ်မှုကြီးကို ရဲရဲကြီး ကျော်ဖြတ်လိုက်နိုင်သည်။
သူမအနေနဲ့ အဓိကပြဿ နာကြီးကို ကျော်ဖြတ်နိုင်ပြီး ဖြစ်တဲ့အတွက် သူ့အနေနဲ့ လုပ်သင့်တာကို လုပ်ရတော့မည်။" ဘယ်သွားမလို့လဲ....?''
ရှန်းရီက ထိုင်ခုံကနေထပြီး နီးရာထွက်ပေါက်ဆီကို သွားဖို့ ပြင်နေသည့်အတွက် ရှောင်လန်မေးလာ၏။" မကောင်းကြံတဲ့သူကို အဆုံးသတ်သွားအောင် သွားလုပ်မလို့....''
ရှန်းရီက ခပ်တည်တည်နဲ့ ပြောကာ ကလေးနှစ်ယောက်ကို ရှောင်လန်နှင့်ထားပြီး ထွက်သွားလေ၏။
ပြိုင်ပွဲအတွင်းမှ ဆူညံသည့်အသံများကို မကြားနိုင်လောက်သည့်နေရာအရောက်တွင် ရှန်းရီ၊ အနွေးထည်အိတ်ကပ်ထဲမှ ဖုန်းကိုထုတ်ကာ ရင်းနှီးသည့် ဖုန်းနံပါတ်တစ်ခုကို ခေါ်လိုက်၏။" ပြိုင်ပွဲအတွက် ပါဝင်ပစ္စည်းတွေကို လဲလှယ်လိုက်တာက ဘယ်သူ့လက်ချက်လဲဆိုတာကို သိချင်တယ်.....''
သူက ချောင်ဟဲကို အမိန့်ပေး၏။" အခုချက်ချင်း လိုက်ရှာပါ့မယ် ဘော့စ်....''
ယွမ်ကျင့်က ရှန်းရီဘာလုပ်မလဲဆိုတာကို သိနေသည့်အတွက် ရှန်းရီ ထွက်သွားချိန်တွင် ဘာမှမပြော။ ထို့နောက် သူ့နှုတ်ခမ်းထောင့်က ကွေးညွတ်သွားကာ ပြုံးရိပ်တစ်ခုဖြတ်သန်းသွားသည်။ အာ....၊ သတင်းဆိုးနဲ့ ကျော်ကြားတဲ့ ရှန်းဥက္ကဋ္ဌကတော့ လုချင်းယီကို ကောင်းကောင်းစောင့်ရှောက်နိုင်သားပဲ။
" သူ့ကို ပေးသွားလိုက်။ လုချင်းယီက သူ့အကူအညီကိုလိုနေတယ်....''
ရင်းနှီးနေသော အသံတစ်သံက ရှောင်လန်နောက်ကနေ ထွက်ပေါ်လာ၏။ ရှောင်လန်၊ ယွမ်ကျင့်နဲ့ လုရှုလန်တို့က နောက်လှည့်ကြည့်တော့ လက်ပိုက်ကာ ပြုံးပြနေသည့် ရှားယုဟန်ကို မြင်တွေ့လိုက်ကြရသည်။" နင်မလာတော့ဘူးလို့တောင် ငါထင်နေတာ....''
ယွမ်ကျင့်က မရိုးသားတဲ့ အပြုံးနဲ့ ရှားယုဟန်ကို လှမ်းစ၏။ ဒီမိန်းကလေး ဘာကြောင့် ဒီနေရာကိုရောက်လာလဲဆိုတာကို သူ သိသည်လေ။
ရှားယုဟန်က ယွမ်ကျင့်ကို မျက်စောင်းထိုးလိုက်ကာ.....
YOU ARE READING
စီအီးအိုရဲ႕ ဟန္ေဆာင္ဇနီးေလး (အတြဲ ၂) ( ဘာသာပြန် - Zawgyi +Unicode)
Romanceဘယ္မိန္းကေလးကိုမွစိတ္မဝင္စားဘဲ ေဂးလို႔ ေကာလဟာလထြက္႐ွိထားတဲ့ ႐ွန္းလုပ္ငန္းစုရဲ႕ ဥကၠဌ ႏွင့္ မိမိခ်စ္သူႏွင့္ မိမိရဲ႕ အခ်စ္ဆံုးသူငယ္ခ်င္းတို႔ရဲ႕ သစၥာေဖာက္မႈကို ခံရတဲ့ မိန္းကေလး လုခ်င္းယီတို႔ရဲ႕ ဇာတ္လမ္းေလးပါ