❤စီအီးအိုရဲ့ ဟန်ဆောင်ဇနီးလေး❤စာစဉ်၄။ အပိုင်း၂၀
လူတိုင်းက လုချင်းယီ၏ လှုပ်ရှားမှုကြောင့် စိတ်ပျက်နေကုန်ကြသည်။ ပရိသတ်တွေ၏ တီးတိုးဝေဖန်သံများက ရှန်းအမွှာနှစ်ယောက်ကို အနှောင့်အယှက်ပေးနေ၏။
" ဒယ်ဒီ....''
ယွီရန်လေးက ရှန်းရီ၏ အက်ျီစကို ဆွဲကာ ခေါ်လေသည်။ သူမလေး၏ တုန်ရီနေသော အသံကြောင့် ရှန်းရီလည်း စိတ်မကောင်းဖြစ်လာရသည်။ထို့နောက် ရှန်းရီ၏ လက်သည် ယွီရန်လေး၏ ခေါင်းပေါ်ရောက်သွားကာ သူမလေး၏ ဆံနွယ်များကို ညင်သာစွာ ပွတ်သပ်ပေးနေမိသည်။
ဒီကလေးလေးကို သူချော့မြူမှရတော့မည်။ နောက်ထပ်တစ်ဖန် သူ၏ လက်သည် ယွီရန်လေး၏ ပုခုံးပေါ်ရောက်သွားကာ သူက အေးအေးဆေးဆေးနှင့် စကားစလာ၏။" မာမီချင်းချင်းက အရမ်းသတ္တိရှိတယ်....ဘာဆက်လုပ်ရမလဲဆိုတာလည်း ကောင်းကောင်းသိတယ်။ ဒီကလူတွေပဲ အကြောင်းအရင်းမသိဘဲ လျှောက်ပြောနေတာ....သမီးသိထားရမှာက လူတွေဆိုတာ မှန်ကန်စွာတွေးတောဆင်ခြင်ဖို့ထက် သူများကို မြန်မြန်ဝေဖန်တတ်တာပဲ.....''
" ဟုတ်တယ်...! သူတို့ပြောတာကို မယုံဘူး။ မာမီက လူလိမ်မဟုတ်ဘူး....!''
ယွီရန်လေးက မကျေမနပ်ပြောလာ၏။ သူမနားမလည်နိုင်သည်က အရင်အဆင့်တွင် လူတွေအားလုံး....သူမမာမီကို ချီးကျူ းကြပြီး နောက်ထပ်တစ်ဖန် ပြစ်တင် ကဲ့ရဲ့ကြပြန်သည်။" သမီးပြောတာမှန်တယ်....''
ရှန်းရီ ထောက်ခံလာ၏။ ချင်းယီလည်း ဒီလိုလုပ်ရုံကလွဲ၍ အခြားနည်းလမ်းမရှိတော့ပေ။ သူမ စည်းကမ်းဖောက်ဖျက်မှသာလျှင် ဒိုင်တွေအားလုံး သူမကို အာရုံစိုက်နိုင်လိမ့်မည်။ ပရိသတ်တွေအားလုံး သူမကို ဝေဖန်ကောင်းဝေဖန်နိုင်သည်။ ဒါပေမယ့် Silver Leafရဲ့ ပစ္စည်းမပြည့်စုံမှုကပဲ သူမကို အန္တရာယ်တွင်းကနေ ဆွဲထုတ်သွားနိုင်လိမ့်မည်။" တစ်နာရီပဲ ကျန်ပါတော့တယ်...Good luckပါ ပြိုင်ပွဲဝင်တို့....!''
ဟော်မိန်လိ၏ အသံသည် စောစောတုန်းကလို မချိုသာနိုင်တော့။ ပြိုင်ပွဲထဲက လူတွေအားလုံးလည်း ရုတ်ရုတ်သဲသဲဖြစ်နေလေပြီ။ သူတို့အားလုံး စိတ်ဝင်စားသည်က ဒိုင်တွေက ဘာကြောင့် လုချင်းယီကို အပြစ်မတင်သေးလဲဟု။
YOU ARE READING
စီအီးအိုရဲ႕ ဟန္ေဆာင္ဇနီးေလး (အတြဲ ၂) ( ဘာသာပြန် - Zawgyi +Unicode)
Romanceဘယ္မိန္းကေလးကိုမွစိတ္မဝင္စားဘဲ ေဂးလို႔ ေကာလဟာလထြက္႐ွိထားတဲ့ ႐ွန္းလုပ္ငန္းစုရဲ႕ ဥကၠဌ ႏွင့္ မိမိခ်စ္သူႏွင့္ မိမိရဲ႕ အခ်စ္ဆံုးသူငယ္ခ်င္းတို႔ရဲ႕ သစၥာေဖာက္မႈကို ခံရတဲ့ မိန္းကေလး လုခ်င္းယီတို႔ရဲ႕ ဇာတ္လမ္းေလးပါ