❤စီအီးအိုရဲ့ ဟန်ဆောင်ဇနီးလေး❤စာစဉ်၅။ အပိုင်း ၆
ရှန်းရီနှင့် လုချင်းယီတို့နှစ်ယောက်လုံး ညစာစားပွဲကို ညဥ့်နက်သည်အထိ ဧည့်ခံကြ၏။
သူတို့၏ သူငယ်ချင်းများ တစ်ယောက်ပြီးတစ်ယောက် ပြန်ဖို့အတွက် နှုတ်ဆက်နေကြချိန်တွင် မဒမ်ရှန်းနှင့် ရှန်းဟောင်က လုချင်းယီကို လက်ဆောင်ပေးဖို့အတွက် စိတ်ရှည်ရှည်နှင့် စောင့်နေ၏။
ဟန်ဝေ့နှင့် ကျိုးရှီကို အိမ်အပြင်အထိ လိုက်ပို့ပေးပြီး ပြန်လာချိန်တွင် ရှန်းဟောင် ခေါ်သံကို ကြားလိုက်ရသည်။
" ဘာဖြစ်လို့ပါလိမ့်....?''
လုချင်းယီ....၊ သူမယောကျ်ားကို မေးလိုက်ပေမယ့် သူလည်း မသိ၍ ပုခုံးတွန့်ပြလေ၏။ဧည့်ခန်းထဲကို ဝင်လာပြီးနောက် ဆိုဖာပေါ်မှာထိုင်ပြီး လက်ဖက်ရည်သောက်နေသည့် မဒမ်ရှန်းကို တွေ့လိုက်ရသည်။ သူတို့နှစ်ယောက်လုံး ဆိုဖာပေါ်တွင် ထိုင်ပြီးနောက်.....
" ချင်းအာ.....''
" မနေ့တုန်းက အဖြစ်အပျက်တွေအကြောင်းကို အဖွားကြားတယ်။ သမီးက အရမ်းတော်တာပဲ၊
ကံကောင်းလို့ အဲ့ဒီအမျိုးသမီးရဲ့ ထောင်ချောက်ထဲကို မဝင်သွားမိတာ။ စာမေးပွဲတစ်လျှောက်လုံးလည်း ဒီမိသားစုရဲ့ ကိုယ်စားပြုအနေနဲ့ ဂုဏ်ဆောင်ပေးလို့ အဖွားတို့ အရမ်းပျော်တယ်..ဂုဏ်လည်း... . ဂုဏ်ယူမိတယ်။ အခု... အဖွားတို့က ဆုချီးမြှင့်ရမယ့်အချိျ်န်ရောက်ပြီ။ ရော့....ဒါကို ကြည့်လိုက်ပါဦး.. သမီးနဲ့ ရီအတွက် ပေးတာ....''လုချင်းယီကို ကြည့်နေစဉ်တွင်....မဒမ်ရှန်းက
ရီသည် မှန်ကန်သည့် မိန်းကလေးကို ရွေးချယ်သွားခဲ့တယ်ဆိုပြီး အရမ်းကျေနပ်လို့နေသည်။
ဒီမိန်းကလေးသည် ပစ္စည်းဥစ္စာတွေအကြောင်းကို ဘာတစ်ခွန်းမှ မေးမြန်းခြင်းမရှိခဲ့သလို လိုတာထက်ပို၍လည်း ဟန်မလုပ်ခဲ့။
အရင်က....သူမ နောက်ဆုံးထွက်သက်မတိုင်ခင်အထိ သူမ၏ အကြီးဆုံးမြေးလေး ရွေးချယ်မှားခဲ့မှာကိုလည်း အရမ်းစိတ်ပူမိခဲ့သည်။
အခုတော့ သူမ စိတ်ချသွားနိုင်လေပြီ။
YOU ARE READING
စီအီးအိုရဲ႕ ဟန္ေဆာင္ဇနီးေလး (အတြဲ ၂) ( ဘာသာပြန် - Zawgyi +Unicode)
Romanceဘယ္မိန္းကေလးကိုမွစိတ္မဝင္စားဘဲ ေဂးလို႔ ေကာလဟာလထြက္႐ွိထားတဲ့ ႐ွန္းလုပ္ငန္းစုရဲ႕ ဥကၠဌ ႏွင့္ မိမိခ်စ္သူႏွင့္ မိမိရဲ႕ အခ်စ္ဆံုးသူငယ္ခ်င္းတို႔ရဲ႕ သစၥာေဖာက္မႈကို ခံရတဲ့ မိန္းကေလး လုခ်င္းယီတို႔ရဲ႕ ဇာတ္လမ္းေလးပါ