Unicode
ဒိုင်ယာရီ ၃
*
ပန်းသီးတွေကို အနီရောင်ဆိုးပစ်တယ်။
လိပ်ပြာတွေကို အနက်ရောင်ဆိုးလိုက်တယ်။
နေရောင်ခြည်ကို ရွှေရောင်ထပ်ဆိုးလိုက်တယ်။
ပြတင်းပေါက်ကို ရောင်စုံ ဆိုးလိုက်တယ်။
ခင်ဗျားက အရောင်တွေကို ကြိုက်တယ်။ အရမ်းမိုက်တယ်လို့ ပြောခဲ့တယ်။
ကျွန်တော် အရောင်တွေဖြစ်လာတယ်။
ကျွန်တော် အနီရောင်ပန်းသီးဖြစ်လာတယ်။ အနက်ရောင် လိပ်ပြာဖြစ်လာတယ်။ ရွှေရောင်နေရောင်ခြည် ဖြစ်လာတယ်။
ခင်ဗျားသဘောကျတာမှန်သမျှ ကျွန်တော်ဖြစ်လာတယ်။
ကျွန်တော်က ခင်ဗျားဖြစ်လာတယ်။
*
ဇန်နဝါရီ ၂၂၄၂။ နှင်းထန်သည်။
ဘုရားကျောင်းထဲမှာ ထိုင်နေရင်း ဘုန်းတော်ကြီးရဲ့ ဆုတောင်းကို နားထောင်နေတယ်။
ဘုန်းတော်ကြီးက လက်ဝါးကပ်တိုင်ပုံလည်ဆွဲဆွဲထားတယ်။ သူ့နောက်မှာ လက်ဝါးကပ်တိုင်အကြီးကြီးရှိတယ်။
အရောင်ဆိုးထားတဲ့ ပြတင်းပေါက်တွေက ရုပ်စုံမှန်ပြောင်းလိုပဲ။ အရောင်စုံပြီး မူးဝေဝေတောင်ဖြစ်လာစေတယ်။ ခင်ဗျားကြိုက်တဲ့ အရောင်တွေလိုမျိုး။
ကျွန်တော် အဲ့မှာ လက်ဝါးကပ်တိုင်တွေ အများကြီးတွေ့တယ်။
ရောင်စုံပြတင်းပေါက်စီတည့်တည့်လျှောက်သွားပြီးချိန်မှာတော့ ကျွန်တော် ခင်ဗျားကိုတွေ့တယ်။
ပြတင်းပေါက်က ပြန့်ကျဲသွားတယ်။
အဲ့ဒါက မရေတွက်နိုင်တဲ့ လိပ်ပြာတွေဖြစ်လာတယ်။ အနက်ရောင်လိပ်ပြာတွေ။
ယဲ့အာ... နောက်ဆုံးတော့ ခင်ဗျားဒီရောက်လာပြီပဲ။ ကျွန်တော်ခင်ဗျားကိုစောင့်နေတာ အရမ်းကြာနေပြီ။
ကျွန်တော်တို့ အတူတူ ဘုန်းတော်ကြီးရဲ့ ဆုတောင်းကို နားထောင်ခဲ့ကြတယ်။
ခင်ဗျား အိပ်ပျော်သွားတယ်။
အနက်ရောင် လိပ်ပြာလေးက ပင့်ကူအိမ်မှာ ကပ်ညှိသွားတယ်။
VOUS LISEZ
Monster {Completed}
Mystère / Thrillerသူသည် မျက်လုံး၊ နှာခေါင်း နှင့် ပါးစပ်ပင်မပါသော အသားပုပ်တစ်တုံးသာဖြစ်ပြီး ရက်စက်ကြမ်းကြုတ်ကြောက်မက်ဖွယ်မကောင်းဆိုးဝါးအဖြစ် မွေးဖွားလာသူ ဖြစ်၏။ သူမျက်လုံးတွေသည်ကား လူတစ်ယောက်ကိုသာ မြင်ချေ၏။ ထိုသူသည် ဖျားနာ အားနည်းပြီး ရည်မှန်းချက်ကြီးမားသည့် သူ၏ဖန်တီ...
