Monster {Completed}

အပိုင်း ၃၃ - လေ့လာစမ်းစစ်ချက် နှင့် ကိုးကားများ

Unicode

II. ကိုးကားချက်များ

ဒီဇာတ်လမ်းကို ရေးဖို့အချိန်အကြာကြီးယူခဲ့ရတယ်။ မနှစ်က နိုဝင်ဘာက စရေးပြီး ဒီနှစ်ဩဂုတ်မှ အဆုံးသတ်နိုင်ခဲ့တယ်။

ဒီဇာတ်လမ်းကိုစောင့်ပေးခဲ့ကြတဲ့သူတွေအကုန်လုံးကို ကျေးဇူး အများ...အများကြီး တင်ပါတယ်။

ဒီဇာတ်လမ်းရေးပုံက ငါရေးဖူးသမျှထဲမှာ အရှုပ်ထွေးဆုံးပဲ။ ရေးပုံရေးနည်းအတွေ့အကြုံတွေ အများကြီး ရခဲ့တယ်။ ဥပမာ 'တံခါးနဲ့ ပြတင်းပေါက်' မှာဆိုရင် အချိန်စီစဥ်တာကို ဗြောက်သောက်ဖြစ်အောင် လူနာဘက်ကအတွေးတွေအတိုင်း ကပေါက်တိကပေါက်ချာရေးထားခဲ့တာ။ 'မီးခိုးခေါင်တိုင်' မှာဆိုရင်လည်း "မကောင်းဆိုးဝါးနဲ့ မင်းသားလေး" ပုံပြင်ကို မတူညီတဲ့ အမြင်တွေနဲ့ပြောပြထားတယ်။ ပြောခါမှ 蚕食 (စာရေးသူရဲ့ စာအုပ်၊ အခု လော့ခ်ချခံရထား) လည်း ခပ်မှောင်မှောင် နတ်သမီးပုံပြင်ပဲနော်။

ဒီထဲက ဇာတ်ကွက်တွေကို ငါတော်တော်လေးကြိုက်တာ။ ငါရေးလိုက်တိုင်း ငါကိုယ်တိုင်အဲ့နေရာမှာ ရှိနေသလို ခံစားရတယ်။ တကယ့်ကို မှော်ဆန်တဲ့ခံစားချက်ပဲ။

ဒီထဲက ဇာတ်လမ်းတည်ဆောက်ပုံတော်တော်များများကို အဓိကကိုးကားထားတာကတော့ Doris Lessing ရဲ့ Golden Notebook ပဲ။ Lessing က 2007 Nobel Prize winner လေ။ သူ့ရဲ့ Golden Notebook က ငါ့ကို နက်နက်ရှိုင်းရှိုင်းကို လွှမ်းမိုးမှုရှိတယ်။ သူက Free Women (written novel), black notebook (memories), red notebook (political life), yellow notebook (novel written by the main character Anna), နဲ့ blue notebook (diary) ကို လူးလားခေါက်ပြန် ရှေ့နောက်ရေးခဲ့တာ။ အလယ်နဲ့ နောက်ပိုင်းမှာ သူမရူးသွားပေမယ့် ရှောနဲ့အတူနေခဲ့တယ်။ သူတို့နှစ်ယောက်လုံးက စာရေးသူတွေပဲ။ သူတို့က အချင်းချင်း ကုသပေးကြပြီး စာရေးဖို့ အကြောင်းအရာတွေပေးခဲ့ကြတယ်။ Golden Notebook က အနာဂတ်အတွက် မူကြမ်းဖြစ်လာတာပေါ့။ Golden Notebook က ငါ့ကို တည်ဆောက်ပုံမှာပဲ လွှမ်းမိုးခဲ့တာမဟုတ်ဘူး။ အကြောင်းအရာတစ်ချို့မှာရောပဲ။ အခန်း ၁၃ က နှံကောင်တွေအကြောင်းနဲ့ ဖုန့်ဟွာနဲ့ ဖုန့်ယဲ့ရန်တို့ ခိုးပြေးကြတဲ့ နေရာတွေဆိုရင် ငါ Golden Notebookကို ဖတ်ပြီးရလာတဲ့ အကြံတွေပဲ။