"ကျင်းပေ ငါတို့ကြားမှာ နင်ငါ့ကိုဖုံးကွယ်ထားဖို့လိုအပ်တဲ့ကိစ္စတွေရှိနေတုန်းလား"ရွှယ်ယင်းသည် သူမမျက်နှာအမူအရာကိုမြင်တာနဲ့ ဤအရာသည်အသေးအဖွဲကိစ္စမဟုတ်ဘူးဆိုတာသိသည်။
"ရှလုအခြေအနေကစိုးရိမ်ရလို့လား"
စူးကျင်းပေသည် ခေါင်းအုံးပေါ်တွင်မေးစေ့တင်ထား၏။ အချိန်အတော်ကြာပြီးနောက် နည်းနည်းမချင့်မရဲဖြင့်မေးလာသည်။
"အားယင်း ရှလုအကြောင်းကိုနင်ဘယ်လောက်ထိနားလည်လဲ"
"နားလည်တယ်? ရုတ်တရက်ကြီးဘာလို့လဲ"
ရွှယ်ယင်းက ဤကိစ္စကထူးဆန်းတယ်လို့ထင်ပေမယ့် ဆက်ပြောလာသည်။
"ငါကနင့်ကြောင့်ပဲရှလုကိုသိခဲ့တာလေ၊ အကျိုးသင့်အကြောင်းသင့်ပြောရရင် နင်ကသူ့ကိုအရင်သိပြီးတော့ တူညီတဲ့လောကထဲမှာပဲ အလုပ်လုပ်နေကြတာလေ၊ သူ့ကိုငါ့ထက်ပိုပြီးနင်ကနားလည်နေရမှာ"
"......အဲ့လိုလား"
"အင်း ဒါပေမယ့် ရှလုကအရမ်းချစ်ဖို့ကောင်းတဲ့မိန်းကလေးလို့တော့ငါထင်တယ်။ နင်သူ့ကိုစသိချိန်တုန်းက သူကသူ့သူငယ်ချင်းတွေအကြောင်းကိုဂရုစိုက်ပြီး အကျင့်စရိုက်ကောင်းတွေရှိတယ်ဆိုတာကို နင်ခံစားနိုင်တယ်။ အာ...ငါ့အမြင်မှာတော့ သူမကအလုပ်လုပ်နေတဲ့အချိန်ဆို အရမ်းလုံ့လဝီရိယရှိပြီးကြိုးစားလုပ်တယ်"
"အင်း ရှလုကတကယ်အဲ့ဒီအတိုင်းပဲ"
စူးကျင်းပေ သက်ပြင်းချလိုက်သည်။
"ငါ့ကိုပြော ဒီလိုအရာတွေလုပ်တဲ့ထိရွေးချယ်ခဲ့ဖို့ သူမကိုသူမဘယ်လောက်ဖိအားပေးခဲ့ရမလဲ"
"ဘာ"
စူးကျင်းပေသည် သူမကိုကြည့်ပြီး နောက်ဆုံးတွင် ရွှယ်ယင်းအား မနေ့ကဖြစ်ပျက်ခဲ့သည်များကိုပြောပြလိုက်တော့သည်။
"ဘယ် ဘယ်လိုလုပ်ဒါကဖြစ်နိုင်မှာလဲ"
"ဖြစ်နိုင်ရင် ငါလည်းဒါကိုမယုံချင်ခဲ့ဘူး"
ရွှယ်ယင်းသည် စူးကျင်းပေက သူမကိုသူမအပြစ်တင်နေတာကိုမြင်နေရပြီး သူမပခုံးအားပုတ်ပေးလိုက်၏။
YOU ARE READING
Intense Love ( ဘာသာပြန် )
RomanceAuthor - Liu Mang Xing Chapter - 124 + 11 extras Started Date - 13.12.2021 Ended Date - 26.8.2022