My Everything In His Past (2nd Book of 'In His Past' Series)

Chapter 59

"Naninigarilyo ka na naman . . ." puna ni Apple Pie kay Yohan habang pinapanood ang lalake na humihithit sa tabakong hawak nito. Akma niya sanang aagawin iyon rito sapagkat hindi niya gustong nakikita itong pinapatay ang sarili.

"Huwag mo akong pakialaman, hindi kita asawa," asik nito sabay tabig sa kamay niya. Napatahimik siya dahil sa inaksyon nito ngunit hindi pa rin siya umalis sa harapan nito. She continued looking at him and when she noticed that he wasn't gonna say anything anymore, she decided to speak again.

"Kailan ka pa natutong manigarilyo?" nag-aalala niyang tanong dito ngunit sinamaan lamang siya nito ng tingin.

"Simula ng iwan mo ako," he simply said with his serious eyes trailing on her face before finally looking away. She was taken aback by what he said but she doesn't know what to say. Mukhang ayaw rin naman siya nito kausap. Nanatili silang tahimik ng iilang segundo matapos nitong sabihin iyon bago niya napagdesisyunang magsalitang muli.

"Alis na ako," nag-aalangang paalam niya sa nakasimangot na dragon. He wasn't looking at her, he was "busily" reading something from the papers that he was holding while occasionally drinking his coffee. 

"Huwag ka ng umuwi," inis nitong sabi sa kaniya habang nakatutok pa rin ang mga mata sa binabasa. Napalingon siya kay Xav na nakatayo sa may pintuan at nakahalukipkip pa. Siningamutan niya ito nang makita na nagpipigil ito ng tawa. 

Niyaya siya nito na lumabas at sabi nga'y igagala daw siya para naman daw papaano ay makita niya ang pamumuhay sa panahong ito. Siyempre ay na-excite siya sa kaalamang makakalabas na siya ng mansyon kaya naman nag-ayos at nagbihis siya kaagad. Magpapaalam na sana siya kay Yohan ngunit eto nga't nagmamaktol, mukhang ayaw siyang pasamahin.

"Huwag kang mag-alala kay Kuya, nagda-drama lang iyan," ika ni Xav at akma na sana siyang hahawakan sa braso ngunit umiwas siya.

"Hoy baka 'di ako papasukin nito mamaya, saraduhan pa ako ng pintuan," she said in a worried tone while looking back at Yohan who was ignoring them.

Napa-ismid naman si Xav bago siya inassure, "Don't worry, ako bahala sa iyo." 

Dahil sa sinabi nito ay tuluyan na siyang nagpatangay nang hilahin siya ng lalake. She looked back at Yohan for the last time but he just didn't care if she go or not. Mukhang mas interesting pa ang binabasa nito kaysa sa kaniya. Malakas na lamang siyang napabuntung-hininga bago ito tuluyang tinalikuran at nagpatangay kay Xav papalabas. Inakay naman siya ng binata sa may kalesa at tinulungang makasakay, hindi katulad ng antipatiko nitong kuya na kesyo mahulog o madulas siya sa kalesa ay walang pakialam sa kaniya.

Nang maayos ng makapwesto si Xav sa tabi niya ay pinalakad na ng kutchero ang kalesa. May tila munting kurtina na nakatakip sa kada bintana ng kanilang kinasasakyan kaya naman walang makakakita sa kanila mula sa labas. Kahit nga ang kutchero ay hindi sila kita dahil may takip rin sa pagitan nila. Gayunpaman ay alam nilang maririnig pa rin nito ang sasabihin nila kaya naman sinigurado nila ni Xav na mahina ang boses nila.

"Umamin ka nga sa akin . . . bakit mo ako naisipang dalawin ngayon?" naghihinala niyang tanong kay Xav. She was even squinting her eyes at him as if showing that she wasn't gonna be fooled so easily.

"Bawal na bang ma-miss ka?" he cheekily asked, making her remember how he was two years ago. Yung college boy na nagpapa-cute sa kaniya sa tuwing gusto nitong magpaluto ng pagkain.

"Hindi mo ako maloloko, Xav. Mas matalas pa pakiramdam ko kaysa sa itak ni Lapu-Lapu," pagbabanta niya dito with matching taas-kilay pa. Mukhang na-realize naman nito na wala itong lusot sa kaniya kaya malakas na lamang itong napabuntung-hininga bago umamin.

"I just felt like there was something wrong with Elisa . . ." amin nito sa kaniya. Halatang-halata na naguguluhan ito ngayon dahil na rin sa mga kunot na nasa noo nito. Siya naman ay napakagat-labi nang matandaan ang sinabi ni Kuya Zy patungkol sa asawa ng kapatid nito. He said that it wasn't the real Elisa so she was wondering whether that statement has any connection to Xav's dilemma now.