မင္​းကို ခ်စ္​မဝ​ေသးလို႔(BL Novel,Myanmar tran)

Ch-7 Unicode

အပိုင်း(၇):တစ်နှစ်ကြာပြီးနောက်
...
ယွမ်တိုင်၏လေးနှစ်မြောက် စက်တင်ဘာလမှာတော့ ဘာဘေရီယန်တွေဟာ မြောက်ပိုင်းမှတောင်ပိုင်သို့ရောက်လာပြီး နယ်စပ်မြို့၏ ရွာငယ်လေးတွေကိုဝင်ရောက်ကျူးကျော်နေကြပြန်ပြီဆိုသည့်သတင်းသည် မြို့တော်သို့ရောက်လာခဲ့ပြီး မြို့တော်၌အတော်လေးပွက်လောရိုက်နေလေ၏။

နန်းတော်ညီလာခံမှလဲ ဘာဘေရိယန်တွေဟာ စာချုပ်ပါအချက်လက်တွေကိုချိုးဖောက်ပြီး'ရွှမ်းရန်မင်းဆက်'၏အချုပ်ခြာအာဏာကိုရန်စထိပါးနေသဖြင့် ပြန်လည်တုံ့ပြန်သင့်ကြောင်း ဆွေးနွေးအမိန့်ထုတ်ပြန်ခဲ့ကြသည်။

ဧကရာဇ်ရွှမ်းရန်ကျောက်ကန်သည်လဲ အိမ်ရှေ့စံအားပီကင်းမြောက်ပိုင်းစစ်သင်တန်းကျောင်း၏ အာဏာပိုင်အဖြစ်သတ်မှတ်ပေး၍ ထိုသင်သန်းကျောင်းမှ စစ်သား၅သောင်းကျော်အား အိမ်ရှေ့စံ၏ဦးဆောင်မှုတွင်လိုက်ပါရန် အမိန့်ထုတ်ပြန်ခဲ့သည်။ဒါ့အပြင် ကျိယွင်ဟုန်ကိုလဲမြောက်ပိုင်းတွင် အိမ်ရှေ့စံနှင့်အတူစစ်မြေပြင်တွင်ပူးပေါင်းရန် အမိန့်ထုတ်ပြန်၏။

နန်းတော်၏အဆောင်တစ်ခုတွင် ဧကရာဇ်နှင့်အိမ်ရှေ့စံတို့သည် သီးသန့်စကားပြောနေကြသည်။

''မြောက်ပိုင်းကနေရုတ်တရက် သွားတိုက်တာမျိုးကိုမလုပ်မိစေနဲ့။ဘာဘေရိယန်တွေက သိတဲ့အတိုင်းဉာဏ်များတာကြောင့် အခြေနေကို သေချာလေ့လာသုံးသပ်ပြီးမှ ဆုံးဖြတ်ချက်ချရမယ်။ရွှမ်ရန်မင်းဆက်ရဲ့စစ်အင်အားဟာ အကောင်းဆုံးဆိုပေမဲ့ ရန်သူကိုလဲလျော့တွက်ထားလို့မရဘူး။''

''ပြီးတော့ မင်းရဲ့ခန္ဓာကိုယ်ကိုလဲဂရုစိုက်ရမယ်''

''မင်းဒီလိုမကျန်းမမာဖြစ်နေတာတောင် စစ်ထွက်ချင်တာသေချာရဲ့လား? စစ်ရေးကိုပဲအာရုံစိုက်ပြီး မင်းရဲ့ကျန်းမာရေးကိုလျစ်လျူရှုထားတာမျိုး လုံးဝမလုပ်မိစေနဲ့'' ဧကရာဇ်ဟာ သူ့သားရဲ့ကျန်းမာရေးကိုလဲမမေ့ခဲ့ပဲ စိုးရိမ်စွာမှာကြားလေသည်။

''အရာတော်တော်များများက အစီစဉ်တကျဖြစ်နေပါပြီ။ပြီးတော့ ခမည်းတော်လဲကျန်းမာရေးဂရုစိုက်ပါ။သားတော်ကိုပဲ အမြဲပူပန်နေရပြီး သားသမီးတာဝန်မကျေပွန်တဲ့ သားတော်ကိုခွင့်လွှတ်ပေးပါ။''ရွှမ်းရန်ဟန်ချန်သည် ဒူးထောက်ရင်း သူ့ခမည်းတော်ကို အရိုသေပေးလိုက် ၏။