မင္​းကို ခ်စ္​မဝ​ေသးလို႔(BL Novel,Myanmar tran)

Ch-26

Unicode
အခန်း-၂၆
....

ထိုအရပ်ခပ်ပျက်ပျက်နှင့်အမျိုးသမီးသည် ချစ်စရာကလေးငယ်လေးကိုလဲ လက်ဆွဲ၍ထားလေသည်။ပြီးတော့ သူ့နောက်တွင် ရံရွေတော်ယောက်လဲပါလာသေး၏။

တကယ်တော့ ယုချင်းတို့တစ်စုဟာ ဖျင်အော်နန်းဆောင်ကို အကြိမ်ရေတော် တော်များများပတ်ပြီးခဲ့ပါပြီ!အဲ့ဒီ့နောက် သူမတို့အုပ်စု အရှေ့နန်းဆောင်ကိုလိုက်ပတ်နေရာမှ အိမ်ရှေ့စံ၏ပင်မနန်းဆောင်ရှေ့တွင် အိမ်ရှေ့စံမင်းသားအား အတော်ဝေးဝေးကနေလှမ်း၍တွေ့လိုက်ရလေတော့သည်။

သူမတို့လဲ အိမ်ရှေ့စံမင်းသားသွားသည့်နောက်သို့ အ ပြေးလွှားလိုက်လာကြလေရာ နောက်ဆုံးတွင် အရှင့်သားသည် ဖျင်အော်နန်းဆောင်အတွင်းသို့ဝင်သွားသည်ကိုတွေ့လိုက်ရလေသည်။

သူမရဲ့စိတ်အခြေနေပြန်ကောင်းသွားထဲက အိမ်ရှေ့စံမင်းသားကို မတွေ့ရတော့တာ...!သူမတို့ မတွေ့ရတာတော်တော်လေးကြာနေပြီ။ဒါကြောင့် သူမအနေနဲ့ အိမ်ရှေ့စံမင်းသားအား တွေ့လိုတွေ့ငြား ဖျင်အော်နန်းဆောင်ရှေ့တွင်အတော်ကြာစောင့်နေခဲ့၏။

သို့ပါသော်လည်း သူ့မရဲ့ချူချာလှတဲ့သမီးငယ်ကိုငဲ့ကြည့်မိတော့ ထိုကလေးမလေးသည် လမ်းလျှောက်ထားရတာကြာပြီဖြစ်တာကြောင့် ပင်ပန်းနွမ်းနယ်နေဟန်ရှိလေသည်။ဒါကြောင့် သူမလဲ မတတ်သာသောအခြေနေကြောင့် စိတ်လျှော့ပြီး
လှည့်ပြန်ဖို့သာ လုပ်ရတော့သည်။

သူမတို့ ခြေလှမ်းအနည်းငယ်လှမ်းပြီးတဲ့အချိန်မှာ အနောက်ပါးဆီမှ မြင်းခွာသံများကိုကြားလိုက်ရသည်။ဒါကြောင့် ပြန်ကြည့်မိလေရာ ယွမ်ဖူနဲ့ တခြားကုန်းကုန်းတစ်ယောက်ဟာ မင်းသားနန်းဆောင်၏ တစ်စုံတစ်ခုအတွက်ပြင်ဆင်နေတာကိုမြင်လိုက်ရလေသည်။ယုချင်းလဲ ဘာမှန်းသေချာမသိသေးတာကြောင့် တစ်ခုခုထူးခြားမလားဆိုပြီး အသာရပ်ကြည့်နေမိလေ၏။

ခဏအကြာတွင် အိမ်ရှေ့စံမင်းသားသည် ကောင်ငယ်လေးတစ်ယောက်နှင့် အတူထွက်လာတာကို တွေ့လိုက်ရသည်။ယုချင်းသည် ဒီကောင်ငယ်လေးဟာ အခုလက်ရှိအိမ်ရှေ့စံရဲ့ချစ်မြတ်နိုးမှုကိုရရှိထားတယ်ဆိုတဲ့ သခင်လေး လင် ဖြစ်မယ်ဆိုတာကို သိလိုက်တာကြောင့် ရံရွေတော်လက်ထဲကနေ သူ့သမီးကို ခပ်ဆတ်ဆတ်ပြန်ဆွဲခေါ်ထားလိုက်လေသည်။