အခန်း | ၂ |
စောစောစီးစီး ဆူညံသံတွေကြောင့် ဟန်သာ မိသားစု၏ သခင်လေးက အိပ်ရာထက်မှ စိတ်မကြည်မသာဖြင့် နိုးထလာသည်။ အချိန်ကို သိလို၍ ခေါင်းရင်းထက်တွင် ချိတ်ဆွဲထားသည့် ဥဒေါင်းတစ်ကောင် အတောင်ပံဖြန့်ကာ တွန်းကျူးနေသည့် ပုံထုလုပ်ထားသည့် ကျွန်းသား နာရီကို ကြည့်လိုက်တော့ အချိန်က နံနက် ငါးနာရီမျှပင် ရှိသေးသည်။
လူငယ်လေးက ယခုဆိုလျှင် အသက် ငါးနှစ်ပင် ရှိပြီ ဖြစ်၏။ ရွှေပေါ်မြတင် မွေးဖွားလာပြီး၊ နေပြောက်မထိုးအောင် ပိုးအိမ်ကဲ့သို့ဥ၍ စောင့်ရှောက်လာသည့်အတွက် လူငယ်၏ အသားအရည်တို့က ထိရက်စရာ မရှိ။ နူးညံ့ညက်ညောနေပုံရပြီး နှုတ်ခမ်းသားတို့က နီရဲကာ ရွှန်းစို၍ နေသည်။ မျက်လုံးကလေးများက ကြည်လင် ဝိုင်းစက်နေပြီး ထိုးမျက်လုံးတို့က ဖန်လုံးကလေးများနှယ် တဖိတ်ဖိတ် တောက်ပလျက်လည်း ရှိလေ၏။
" မေမေ... မေမေ "
အိပ်ရာနိုးလျှင်နိုးခြင်း စိတ်မကြည်ရသည့်အထဲ သူ့အနီးအနားတွင် သူ၏ အမေ,မရှိနေသည့် အတွက်ကြောင့်လည်း သူ့မျက်မှောင်တို့က တဖြည်းဖြည်း ကြုတ်၍ လာသည်။ သူ့အသံကိုကြားတော့ သက်လတ်ပိုင်းအရွယ် အမျိုးသမီး တစ်ဦးက အခန်းထဲသို့ လျှင်မြန်စွာ ပြေးဝင်၍ လာပြီးနောက်...
" သခင်လေး... သခင်လေး ဘာများအလိုရှိလို့ပါလဲ ကြီးကြီးမြကို ပြောပါ၊ ကြီးကြီးမြ အကုန် လုပ်ပေးမယ်လေ "
" မေမေ... မေမေရော ကိုးငယ် မေမေ့ကို တွေ့ချင်တယ် အခုခေါ်ပေးပါ "
ကလေးငယ်က အစေခံ၏ စကားကို နားမဝင်ဘဲ သူ့အမေကိုသာ တမ်းတ၍ နေ၏။ ထိုအခါ အစေခံ မိန်းမကြီးသည် သူမ၏ ခေါင်းကို အသာကုတ်လိုက်ပြီး...
" သခင်လေး မေမေက အောက်ထပ်မှာ ရှိပါတယ်၊ သခင်လေး စားဖို့အတွက် ပြင်ဆင်နေတာပေါ့၊ သခင်လေးက ဆူညံနေရင် တော်ကြာ မမကြီးလာရင် သခင်လေးကို ဆူနေအုံးမယ် "
" မသိဘူး မသိဘူး... ကိုးငယ် မသိဘူး၊ ကိုးငယ် မေမေ့ကိုပဲ လိုချင်တယ်၊ မေမေ မေမေ ဘယ်မှာလဲ ကိုးငယ်ကို လာခေါ်ပါ "
YOU ARE READING
My Lawless Lawyer (Complete - BL)
Fantasy(Unicode) " အရာရာတိုင်းမှာ တန်ပြန်ရိုက်ချက် ဆိုတာ ရှိတယ်။ အမှန်တရား အတွက်ဆိုရင် ငါက ရှေ့နေတစ်ယောက် ဖြစ်နေရင် တောင်မှ၊ ဘုရားမရှိ တရားမရှိတဲ့ ရှေ့နေပဲဖြစ်လိမ့်မယ်။ " (Zawgyi code) " အရာရာတိုင္းမွာ တန္ျပန္ရိုက္ခ်က္ ဆိုတာ ရွိတယ္။ အမွန္တရား အတြက္ဆိုရင္ င...
