(unicode)
အခန်း | ၄၀ |
” ကိုးရေ ပစ္စည်းတွေသေချာ ကားပေါ်တင်အုံးနော်၊ လမ်းရောက်မှ သတိရရင် သက်သက်အချိန်တွေ နောက်ကျနေအုံးမယ် ”
” ခင်ဗျားက ဆရာကြီးအရမ်းလုပ်တာပဲ ဦးမှိုင်းသိဂ္ဂါကို၊ ကိုယ် ကလေးမဟုတ်ဘူးဗျ၊ ပြောနေစရာမလိုဘူး၊ ကိုယ်သိတယ် ”
ကားနောက်ဖုံးကိုဖွင့်ကာ ပစ္စည်းတွေစစ်နေသော မှိုင်းသိဂ္ဂါကို၏ အသံနှင့်အတူ ဖျစ်တောက်ဖျစ်တောက်ပြောကာ အထုပ်များသယ်၍ အိမ်ထဲမှ လှမ်းထွက်လာသော နေကိုးဟန်သာ။ အချိန်တွေ ကြာပေမဲ့လည်း သူတို့နှစ်ယောက်ကတော့ ယခုအချိန်အထိ တန်ဇောင်းချေးနှင့် မျက်ချေးပင်။ တွေ့လိုက်တိုင်း ရန်ဖြစ်၍ မမြင်ရလျှင်လည်း အသည်းနင့်အောင် လွမ်းတတ်ကြစမြဲပင် ဖြစ်သည်။ ယခုလည်း သူတို့နှစ်ဦးက မှိုင်းသိဂ္ဂါကို၏ မွေးရပ်မြေသို့ပြန်ရန် အထုပ်များကို ပြင်ဆင်နေကြခြင်းပင် ဖြစ်သည်။
” ကိုကိုရေ ကိုကိုပြီးပြီလား၊ အမွန်က အားလုံးအဆင်သင့်ဖြစ်ပြီးနော်၊ မမကေသီနဲ့ ကိုသူရကလည်း လမ်းရောက်နေပြီတဲ့ မကြာခင်ရောက်လိမ့်မယ် ထင်တယ် ”
” အေးအေး ဟုတ်ပြီညီမလေး ကိုကိုတို့လည်း ပြီးပါပြီ၊ ဟေ့လူ ဒီမှာရော့ ကူသယ်အုံး မနိုင်မနင်းသယ်လာရတာကို မမြင်တဲ့အတိုင်း ရပ်ကြည့်နေတယ် ”
နေကိုးဟန်သာက အမွန့်ကိုပြောရင်း မှိုင်းသိဂ္ဂါကိုဘက်သို့လှည့်ကာ မျက်စောင်းထိုး၍ ပြောသည်။ မကြာခင် သူတို့နှစ်ယောက်၏ ငြင်းခုန်သံများက ထိုနေရာတစ်ဝိုက် ပျံ့ထွက်လာလေသည်။ အမွန်ကတော့ ခေါင်းကိုသာ ခါရင်း ထိုနေရာမှ လှည့်ထွက်လာလိုက်သည်။
” ဟာဆရာ မပြီးပြသေးဘူးလား၊ ကျွန်တော်တို့တောင် အဆင့်သင့်ဖြစ်နေပြီ ”
” ဘယ်ပြီးမလဲ အဲမှာလေ ဇီဇာကြောင်တဲ့ လူ့ဂွဇာက ပစ္စည်းတွေကို တစ်ခုချင်းစစ်နေလို့ ကြာနေတာ ”
သူရနှင့်ကေသီတို့ ရောက်လာသောအခါ သူရအမေးကြောင့် နေကိုးဟန်သာက မှိုင်းသိဂ္ဂါကိုအား မျက်စောင်းထိုးကာ ပြောသည်။ ထိုစကားများမှုက တစ်နာရီခန့် ကြာပြီး နေ့လယ် တစ်နာရီလောက်မှသာ သူတို့အားလုံးက ရန်ကုန်မှ စထွက်လာနိုင်ခဲ့လေသည်။ ထိုအရာသည်ပင် အားလုံး၏ လောဆော်ခြင်းကြောင့်သာဖြစ်ပြီး သူတို့နှစ်ဦးစိတ်ကြိုက် စကားများခွင့် ပေးလိုက်ပါက ညနေဆောင်းလျှင်ပင် သွားရဖို့အတွက် မဖြစ်နိုင်လောက်သေးချေ။
YOU ARE READING
My Lawless Lawyer (Complete - BL)
Fantasy(Unicode) " အရာရာတိုင်းမှာ တန်ပြန်ရိုက်ချက် ဆိုတာ ရှိတယ်။ အမှန်တရား အတွက်ဆိုရင် ငါက ရှေ့နေတစ်ယောက် ဖြစ်နေရင် တောင်မှ၊ ဘုရားမရှိ တရားမရှိတဲ့ ရှေ့နေပဲဖြစ်လိမ့်မယ်။ " (Zawgyi code) " အရာရာတိုင္းမွာ တန္ျပန္ရိုက္ခ်က္ ဆိုတာ ရွိတယ္။ အမွန္တရား အတြက္ဆိုရင္ င...
