ذات عيون الريم🍷مكتملة🍷

🍷الجزء 4🍷

🍷الجزء الرابع🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

فإحدى الإقامات الراقية و بالظبط فشقة راقية طاغي عليها لون الكري كانت واقفة فالكوزينة وكتمايل بقوامها الممشوق وكدندن بصوتها الرقيق مع أغنيتها المفضلة كي شي فراشة كدور فالكوزينة هنا لهيه وتغني ومن شكلها باينة من الناس الهاي

حبيبي على نياتو كل البنات اخواتوا🎶🎶🎶🎶🎶

دامكانش كد بس انااا غيرت كل حياتووو🎶🎶🎶🎶

دلوقتي عايش حياة وعيونووو مش شايفة حد 🎶🎶🎶🎶

لو واحدة بتسالو بيسيبني انا لرود 🎶🎶🎶🎶

حبيي على نياتوووو 🎶🎶🎶
شعرها الأشقر القصير كيتمايل معاها وعينيها الزرقين كيلمعو مع أشعة شمس.... ومرة مرة كتفلت ليها الإبتسامة خصوصا كل ما جا لتفكيرها أنها غادي تجلس تغدا هي وراجلها وحبيب قلبها الراس بالراس فغداء سبيسيال دايراه بيديها... كتشوف فالدجاح لي حمراتو بزيتون والمرقة شلاضة لي نوعات فيها الفريت العواصر غداء بمعنى الكلمة كيف كيبغي هو شافت فالساعة لي فيديها لقات
12:20 مابقا والوووو وايجي راجلها هادي هي الوقيتة ديالو طفات على العافية وهزات آخر فريتات من المقلا من بعد مت تقلاوا وغسلات ايديها من زيت مسحات بالفوطة حطات الطابيلة ومشات كتجري للبيت باقي تابعها توجد راسها متحملش راجلها يجي ويشم فيها ريحة الطياب دخلات للدوش دوشات دوش خفيف شبعات راسها بباندوش شعرها غسلاتو تاهوا سلات و خرجات لاوية عليها الفوطة هزات فوطة خرى كتنشف فيها شعرها وحلات دريسينغ ديالها كتقلب اش تلبس حتا طاحت عينيها على الكسوة المفضلة عندو لي كانت بلون الازرق لون عينيها عندها بزاف دالكساوي وكاينين لي من نهار خداتهم ملبساتهمش ولكن هي فضلات تلبس هادي بالظبظ حيتاش كتعجبووو لاحت الفوطة فالأرض وبان جسمها الأبيض لبسات الكسوة لي كانت حد الفخاض ومن الكتاف سيمطات ومشدودة من صدر هزات صندالة عالية بالكحل ومشات للمرايا كتقاد فوجهها ختارت دير مكياج خفييف قتاصرات فقط على مسكارة عكر غوز وباغفان خفيفة دهنات ايديها بكريم باش تكون فيها ريحة زوينة سالات ووقفات كتشوف فالنتيجة النهائية تبسمات للمراية وناضت مشات للكوزينة كتوجد طبلة بطريقة وتزوق عمرات الطبلة ورجعات بالور كتشوف فطبلتها وهي راضية عليها وفرحانة من قلبها صفقات بيديها بفرحة وحماس حتى كيتسمع صوت الصونيت عرفات أيكون هو قادات شعرها و كسوتها وتقدمات تحل لباب بخطوات موزونة وكأنها عارضة أزياء

مشات تحل الباب والضحكة مرسومة على وجها فرحانة وعند بالها راجلها لي جا حلات الباب حتا كيبان ليها قدامها وليد صغير شاد فيد واحد المرأة والمرأة اتكون فالعشرينيات تقريبا ولا ماخافت تكدب فراه غتكون قدها نيت ديك 25 ولا 26 ضحكة لي كانت على فم مهى تلاشات نضفات حلقها ونطقات : نعم اختي كتقلبي على شي واحد... ياكما غلطتي فالعنوان؟