ذات عيون الريم🍷مكتملة🍷

🍷الجزء 61🍷

الجزء 61               
عز العرب شاف فيه شوفة من نيتك وبلقيس بلعات ريقها بتوتر ونطقات بتلعتم

بلقيس: خالتي عائشة مرحبا بيك
عائشة نطقات : الله يرضي عليك ابنتي

جابر (قرب عندها وشد ايديها وعائشة كتدعي وبلقيس خرجات عينيها وهربات ايديها من ايدو ):توحشتك

بلقيس خرجات فيه عينيها ايوا هنا وسطوب جابر كان كيشوف فيها محس بدقة منين نزلات عليه تا جاه كروشي من عند عز العرب بلقيس تخلعات غوتات  ودارت ايديها على فمها وعز العرب معطلوش مع ضربو مع نزل هزو شانق عليه : وقدامي يا ولد القحب\ة  تقيس فمراتي وتهدر معاها بديك الطريقة قدامي

عائشة جرات ولدها :اولدي نعل الشيطان الله يرضي عليك

جابر (بصدمة ) : من امتا بلقيس مراتك

عزالعرب زاد شنق عليه :سميتها متجبدهاش على فمك

بلقيس قربات منو شدات فذراعو لي شانق بيه على جابر ونطقات بخوف :عز العرب عفاك طلق منو

عائشة:عفاك اولدي على الصحبة لي بيني وبين مك

عز طلق منو بزز و بدفيع وبقا كيشوف فيه وعينيه حمرين كيتسناه غا يزيد شي كلمة وجابر والو كيفاش يحشم كيشوف فيها

جابر( ممتيقش) :بلقييس واش بصح تزوجتي

عز العرب زاد سخط وضربو بكروشي اخر حتى طاح ونزلات عندو مو مخلوعة :وباقي كتجبدها على فمك

(ضار شاف فيها وهي لي بقا ليها شوية وتطلقها فسروالها غوت تا قفزها )دخلي فحالك نتي

هي عينيه خلعوها ودخلات كتجري قلبها ايسكت بالخلعة
وعز ضار عندو ولاخر مرضاش ناض رد ليه الضربة نزل عليه بكروشي لحنكو

جابر :ميمكنش تزوج بلقيس هي ديالي مغاديش نتقبل بلي تزوجت 

عز رجعها ليه فالبلاصة حمات بيناتهم وبقاو كروشي فيا كروشي فيك وعائشة كتغوت وبلقيس عيات تصبر لداخل وعودات خرجات ورؤيا تاهي نزلات تشوف اش كاين مني سمعات صداع

جابر عيا وعن لداك الغضب كامل لي فيه تعمات ليه

عز العرب (بالغوات) :مرااااتي بزز ولا بلخاطر راااها مراااتي

عز العرب مكاينش هنا كيضرب فيه مناضش عليه ودنيه تصمكو
جابر ولا كلو دم جاو جيران كيفكو كيجريو هزوه من فوق منو جابر هز راسو كيكحب الدم وعائشة هبطات عندو وبلقيس معرفات باش تبلات وهادا منين سلاط عليها

جابر :مغنخليهااااش ليك سمعتييي هي ديااالي وغنديها

. عز بغا يرجع ليك ولكن شادينو الرجال :الى سميتك راجل غير قرب جيهتها وغنوريك

. جابر ناض:هانا غتشوف غناخدها منك ونتا كتشوف.

   عز كيتنتر :وطلقو مني نوري ****بوه ناخدها ليك ونتا كتشوف