ذات عيون الريم🍷مكتملة🍷

🍷الجزء 5🍷

✨🍷الجزء الخامس🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

كمشات ديك الورقة فيديها دخلات وجلسات فالفوطوي ولاحتها بإهمال مسحات على وجها و تنفسات مزيان.... حتى بدا كيصوني تليفونها هزاتو دغيااا من فوق الطبيلة لي قدامها لقات أكرم نيت لي كيصوني وهي تجاوب فالبلاصة

أكرم : الووو مهى
مهى : أكرم فينك علاش تعطلتي عليا؟؟؟؟؟
أكرام : حبيبة غير سمحي ليا جاني سفر مفاجئ منقدرش نجي اليوم مرة خرى و نعوضك العشية شاد الطريق للجديدة مع 8

مهى : واخا نسيت ما قلت ليك أأكرم واحد المرأة جات....
قاطعها قبل ماتكمل هضرتها
أكرام : مهى باي أحبيبة ممساليش يالله نخليك

قطع عليها وخلاها مصدومة من طريقة هضرتوا معاها ما بقاش كيتعامل معاها مزيان من النهار لي مشاوا فيه للسبيطار وديما كتغاضا على طريقة تعاملوا معاها ولاكن دابا بدا الشك كيدخلها كيفاش.... واش زعما هضرة ديك المرأة تكون بصاح مايمكنش لالا غتكون غا الخدمة.... هوما واعدوا بعضياتهم أنهم غيبقاو ديما وفيين لبعضهم.... وحتا حاجة ماغتفرقهم وقضية لولاد تافقو عليها ومن الأول قالت ليه بغيتي تزوج أولد الناس على راسي وعينيا ولاكن أنا مغانبقاش معاك حتاش أبدا واش نقبل على الحاجة المشروكة. عقلها كيمشي ويجي بالأفكار مقادراش تركز نهائيا.... بدات كتجمع الأحداث مع بعضياتهم... علاش ديما كل سبت وأحد مكيجيش للدار كيفاش هاد القضية والأعياد تاهما كل عشية مكيبانش فيها.... واش بصاح هضرتها صحيحة...ادن ماشي الخدمة لي كتغبروا .... يعني كولشي كذوب... هاد

السنين كاملة كانت عايشة غير فالكدوب...! مايمكنش أكرم يدير ليها هاكا.... بقات ساعات وساعات وهي فنفس الوضعية محساتش بالوقت حتاااا وصلات الخمسة دالعشية هزات عينيها فالساعة لي فالصالون وهي تنوض مشات لبيتها لاحت عليها كاب طويل كيتجمع بواحد الخويط سداتو و هزات تيليفونها تحدرات هزات ديك الورقة و هزات سوارت الطونبيل وخرجات ركبات فيها ... والوجهة ديالها العنوان لي فديك الورقة.... قررت تقطع الشك باليقين... ومولاها ربي

ركبات فسيارتها وكسيرات ومدة ماشي طويلة حتا وقفات بطنوبيلتها فالبلاصة لي عندها فالورقة ضورات عينيها فالباركينك مابانتش ليها طنوبيلة راجلها وهي تنهد براحة ولاكن واخا هكاك مزال الشك كياكل فيها ولي مخليها تشك هو طريقة تعاملوا معاها هادي ربع سنين الأخرة وغيابواا المتكرر عليها ولي غالبا ما كيبرروا بالخدمة بقات كتسنا على أحر من الجمر تواني دقائق ساعات هزات يديها لي فيها الساعة لقاتها
9
الدنيا ضلامت خاصها ترجع لدارها تبسمات وتنهدات براحة ونطقات
مهى:الحمد لله بنادم شحال كيبغي يجبد المشاكل كنت عارفاه ميديرهاش داكشي باش مجيتش وحطيت عليه تقتي العمياء حتى عرفتوا مزيان ياربي سمح ليا
يالاه غتشعل الطونوبيل حتى كتبان ليها واحد الطونوبيل كتسطاسيونا بعيد عليها قلبها تسارعات دقاتوا والريق وحل فحلقها وهي كتنتاضر تشوف شكون لي غينزل من ديك الطونوبيل عارفة مزيان هاديك طنوبيلتوا هو ولاكن ماباغاش تيق وماغاديش تيق تحل باب الطونوبيل ونزل منها كيقاد فحالتوا تلاشات الإبتسامة لي كانت على وجها وعينيها فالبلاصة عمروا دموع سرطات ريقها بمرارة وتبعات ليه العين وهو كيهز فبعض الألعاب والمشتريات فيديه صحتها فشلات عليها وصدرها بدا يطلع وينزل بوتيرة سريعة داز من قدامها وهو مبسم باينة فيه فرحان أبدا واش عمرها شافتوا ضاحك هكا حلات باب الطونوبيل وتبعاتوا بخطوات هادئة وكل خطوة خطاتها كتحس بصدرها كيتزير وكأنها كتعفط على قلبها مع دخلات وهو يتسد لاسانسور عرفاتوا طالع فيه محسات براسها حتى حيدات الطالون من رجليها وطلعات كدردك فالدروج كتنقز تلاتة الخطوات دقة وحدة بلاما تاخد النفس وفينما وصلات لشي طابق كتشوف بيبانوا واش محلولين ولاكن كتلقاهم مسدودين بقا ليها الطابق الأخير سمعات صوت الهضرة بزاف جاية منوا وهي ترخف من خطواتها كلها كتنهج وشعرها لاصق على وجها بقوة العرق طلات من الدروج بان ليها الباب محلول مشات خطوة خطوة وآخر حاجة لمحاتها هي الضحكة لي على وجهوا والتعنيقة لي معنق بيها السيدة لي جات عندها فالصباح الزمان توقف عندها ....السخفة شداتها ودموعها نزلوا كيتسرسبوا مع خدودها بغات تبكي وتغوت ولاكن لقات الصوت مشا دخل الداخل وهي زادت كطلع دريجة بدريجة بالحفا فرجيلاتها ومع وصلات لآخر درجة وهي تسمع الكلمة لي كملات عليها الكلمة لي طيحات ليها الركابي كلمة "بابا" لحظة صمت ودنيها تصمكوا وولات كتسمع صوت مجهد بحال الطنين فودنيها طاحت جالسة للأرض وعلى شوية كانت غتكركب فالدروج كون ما شدات راسها مع النزلة فاش نزلات مع الحيط مع تكبوا دموعها من عينيها بحال السد دموع كتيرة لي على إثرها مشا صوتها شدات على صدرها لي ولات تحس بيه خانقها وزيرات على عينييها بقوة ماقاداش تيق هادشي لي قدامها أبشع كابوس شافتوا فحياتها كلها بكات لمدة طويلة ساعة ساعتين أو أكتر حتا تناص الليل وهي تنوض جمعات شتاتها وتمشات بخطوات تقيلة للباب صونات المرة الأولى التانية والتالثة ومن بعد رجعات كدق فالأول كانوا طرقات خفاف ولاكن غير تواني قليلة حتى بدات تخبط فالباب