ذات عيون الريم🍷مكتملة🍷

🍷الجزء 48🍷

الجزء 48✨🔥✨🎵🎺🎺🌪🌪❤🔥🔥✨✨🎺🍷

خرجات من عندوا مصدومة أول مرة تسمعوا كيخسر فالهضرة ولي زاد كمل عليها هي الطوف لي شافت مبغاتش تمشي من بالها بالمرة

اليوم كلوا وهو يصوني عليها سول مو واش هضرات معاها قالت ليه اه ومصرة على الطلاق
تزاد معاه الزايد من الفكرة ديال الفراق اشمن طلاق  وهو عاد بدا معاها   باغيها  وماقادش يخرجها من بالوا غير ربع أيام لي دوزات معاه وكانوا أجمل ايام حياتوا كلامها لي بحال العسل وهضوراتها وضحكتها لي كتخليه بلا عقل مبغاوش يخرجوا من بالوا

مع السبعة دالعشية كانوا جالسين جنب واحد العين وخاشين رجليهم فيها ومجمعين ويضحكوا أحسن حاجة دارت هي جات عند وئام فوجات عليها بزااااف وعاد الجلسة فالفيرمة كتريح البال   شافت فوئام لي كتلعب برجيلاتها وسط الما وكتشوف لبعيد ساهية وهي تنطق
بلقيس:أجي اش مزال درتي فموضوع عيسى؟؟
(تبسمات بهدوء ونطقات):اش غندير ؟؟؟والوا المكتاب اختي هو هذا مغنكدبش ونقول ليك مكنبغيهش نو كنبغيه ولاكن بزز عليا خاصني نساه مخاصش نكون أنانية الوليد خاصوا يتزاد وسط مو وباه ماباغا ناخد ذنوب حد
بلقيس:هاااااح على الحب ديالي شحال حنينة
وئام:سعدات هذا لي غياخدني ههه أنا اختي نكدب عليك من شحال هذا ما شفت وجهوا بدلت النيم ودرت ليه الغاء الصداقة فالفايس والغاء المتابعة فالانسطا فالاول جاني صعيب مي دابا ولفت وحسيت  بلي حبي ليه بدا ينقص شوية بشوية لابغيتي تنساي شي حد هاكا ديري متخليش شي حاجة تفكرك فيه وغتبداي تنساي الزمان كينسي وماتمشي غير فين مامشاك الله
بلقيس:كاينة أختي كاينة
وئام:دعي معايا بشي ولد الناس يكون مكيعرفش جنس النساء نكون انا أول بنت فحياتوا ميكونش يكمي ولا يسكر يكون داخل سوق راسوا ويكون ساكن فشي فيرمة الله على راحة
(تبسمات حابسة الضحكة باش متخرجش حسات بيها بحالا كتوصف ولد خالها فيه هاد المواصفات كاملين شمرات بنيفها ونطقات)
بلقيس:واحد أختي لي كنعرف فيه نفس المواصفات لي نتي طالبة ووصلاتني شي تنقنيقة من عند فردوس نعولوا على العرس الجاي غيكون ديالك
وئام(بفرحة):حلفي بالله
بلقيس:والله العظيم السيد ألالة نفس هادشي لي قلتي فيه وكتر كااااااع قالها لمرأة خالي وهي قالتها لمي وهي راه عرفاتك وعجبتيها بزاااااااف وعرفتي فاش عرفات ولدها عجباتوا شي بنت ماقداتها فرحة
(شافت فيها وتكلمات من أول وجديد)ماديريش بحالي خودي لي كيبغيك ماشي لي كتبغي نتيا حتاش هداك لي كتكوني تبغي نتيا هو لي كيجرجرك ويفرج فيك عباد الله

(وئام غير حسات بمزاجها غيتعكر وهي تقلبها  تقشاب جبدات تيليفونها ودارت ليهم فيديوا وحطاتوا فالسطوري ديال واتساب وصيفطاتوا لبلقيس باش فاش تهز تيليفونها تاهي تحط الفيديوا فالسطوري وداكشي لي دارت هزات الفيديوا وحطاتوا فالسطوري ورات لوئام عدد الإتصالات لي تعدا 50 عاد المساجات الكتيرة فواتساب وفالفايس وهي تنطق )