✨🍷الجزء الثامن 🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟
أكرم(بلع ريقوا بمرارة ونطق بصريح العبارة) : منقدرش نتخلى على ولدي ولا حتا مراتي سمحيلي أمهى منقدرش منقدرش.... منقدش نعيش بلا ولاد وتانتي ماباغيش نخسرك
(وقفاتوا بيديها باش ميكملش حاولات متنزلش دموعها حتاش مرضاتش وهي تنطق)
مهى:سالات الهضرة بيناتنا أولد الناس
بلعات الغصة فقلبها وقبل تراجع اللور كان جارها لعندوا ومعنقها بكل ما عطاه ربي من جهد نزل باسها فجبهتها ونطق
اكرام : سمحيلي انا عارفك مغتخلينيش غير مقلقة مني دابا
(قبل تجاوبوا بعد عليها عطاها بالظهر هز سوارتوا من فوق الفوطوي وخرج بالزربة من البرطمة هارب من شوفاتها وجوابها ليه تبعات العين للطريق منين داز حتى نزلوا دموعها مسرسبين على خدها تفكرات هضرة كانت قالها ليها باها
متضحي على.حد ديما ديري القيمة لراسك ومتحنيش الراس" حتاش الخير لي غديري غيرجع عليك ببومزوي "
هضرة تقالت ليها قبل سنين ولاكن عاد وقفات عليها شافت لبعيد ونطقات
مهى:مغنقبلش بالدل كتر من هاكا ماشي غا هو لي راجل فهاد الدنيا عطا الله الرجال أبدا واش نقبل بالحاجة المشروكة
اليوم بالضبط تأكدت أن لا الزين كينفع ولا تضحياتك باش تمشي فزواجك مزيان خاص تختاري ولد الناس لي تحسي بيه فعلا كيبغيك
بدات كتجمع فحوايجها بياسة ببياسة مبغات تخلي تا السترينك ديالها هنا هو الأخر جمعات جوج باليزات كبار قلبها برد وقرار واحد قدام عينيها هو الطلاق قرار لا رجعة فيه نيت ملات من هاد العيشة لي كتخنقها بغات ترجع تجلس فدارهم تكون بنت باباها المدللة كيف كانت هادي سنين مشافتش فالدار نهائيا هزات غا الكونطاكط ديال الطونوبيل أما سوارت الدار خلاتهم تم ماعندها ما دير بيهم ما حد كولشي سالا خرجات الباليزات معاها ولبسات الكاب عليها سداتوا عاد قفلات باب الدار وراها وطلعات فلاسانسور جارا باليزاتها معاها حتا نزلات لآخر طابق وهي تخرج منوا جارة باليزاتها طلبات العساس يعاونها وداكشي لي دار خدا من عندها الباليزات دارهم فالكوفر ضورات معاه عاد ركبات فسيارتها وكسيرات سامحة فكولشي من وراها
شعلات الراديوا باغا تكسر داك الهدوء لي كان فالطونوبيل وما خرجات غير فأغنية لي كملات على مابيها
مكواني يانا ونقول الدنيا داتني يا "
وداتني يا ومالي يانا يا الموجة تقلبات بيا وداتني يا
وضوري ضوري ضوري ضوري
يا دنيا ضوري ضوري وهايايايا زيدي ضوري ضوري ضوري ولفت نوض ونطيح انايا هايايايا
غير ضوري ضوري ضروري ها
يا دنيا ضوري ضوري ضوري ويايايا غرقتيني فدموعي يانا
ولفت نوض ونطيح أنايا هايايايا
YOU ARE READING
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
