الجزء 24 ❤️🍂🍷
ضورات وجها وبدات تهضر مع المحامية ديالهااا معلابالهاش بيه الشوفة محاملاش تشوفها فيه
من لحظة وصولها وهو مراقبهااااا باغي ايهضر معاها ولكن مالقاش كيفاش كلشي ضاير بيهاااا بدا كيزفر معصب والمحامي حداه كيحاول ايكالميه ولكن بدون جدوى باغي ايمشي ايجبدهااا من وسطهم ولاباس
الحاجة الوحيدة لي موقفاه عند حدوا هي الموقف لي هو فيه
لازاد دار شي بلان من فوقوا ماشي من الصالح ديالوووو بلعكس ايزيد ايغرق ليه الضواسا وبالخصوص ان مهى طالبا باش ميقربش ليهااا ابداا....
مركز مع كل حركاتها منين كتحرك ومنين كتهز يدياتهااا فاش كتبتسم للمحامية واخا عارف من ورا ديك التبسيمة كاينة شي حاجة اتخرج عليه ولاكن مهووس فيها
فاش كتلعب بشعرهااا كل وقيتة كيزيد شوقو ليهاااا باغي غير ايشدها ويضمها لصدرو كيما قبل ولكن دابة ميمكنش ليه ولا صعيب بحال شي حلم البنت لي كانت ديالو دابة ولات ممنوعة عليه
وصل وقت فاش غتبدا الجلسة دق القاضي بالمطرقة ديالو كإعلان على إفتتاح الجلسة.... مهى كلسات مع المحامي ديالهااا وهو كدلك بلقيس ووئام بقاو برا وعيسى دخل معا ختووو وبدأت الجلسة كل الاطراف قالو الاقوال ديالهم والمحامين كذلك خدامين كل واحد كيعطي الادلة ديال الموكل ديالو ورغم محاولات محامي ديال اكرم الا انها بأت بالفشل حيتاش طرف الاخر كان اكتر قوة وفاالاخير تحسم الوضع لصالح مهى والقاضي قتنع وطلقهوم خرجات تنهيدة كبيرة من مهى وهي كتسمع قرار القاضي لي كان لصالحهاااا وكان كيعلن بصريح العبارة على حريتهااا من اكرم وكذلك تتبيت ان اكرم مدنب على الافعال ديالو لي قام بيهااا مع مهى سالت الجلسة وناض عيسى عند ختو كيعنق فيهااا ويعاود عنق ختو بجنب وتلفت شاف ف اكرم باستهزاء وزاد تشبت فختو وخرج بيها لقاو لبنت كيتنساو غير شافوهم من تعابير وجههم فهمو ان الجلسة دازت مزيان تلاحو وكيتعانقو مع مهى وايعاودو فرحانين... ومن بعدهم خرج اكرم والمحامي ديالو لي كان تابع اكرم وكيهدن فيه مع خرجو من القاعة حتا كيبانو جوح بوليسين جاين فاتجاه اكرم وقف قدامو بقا غير كيشوف مستغرب
.... نتا هو سي أكرم
.
أكرم :اه اناااا
.... غتمشي معاناااا حيتاش نتا دابة متوقف بتهمة الاعتداء الجسدي والعنفى على الضحية مهى
كمل كلامو لبوليسي ودارو ليها المينوط وقبل مايهزو لسطافيط ضحكات مهى ونطقات موجها كلامها ليها
مهى : واخير غتمشي فين ترب وفين تعاقب وتخلص على كاع لي درتي لياااا
شاف فيها مممصدقش اما هي ضارت عاطياه بضهر فحين هو كيتنتر وكيهضر بصوت مسموع
أكرم : مهى عفاك مديرهاش.... راني عندي ولاد لمن خنخليهم امهى
متسوقاتش ليه لبسات نظرتهاااا بكل شموخ وبابتسامة ختمات بيها لقاءهم لاخر العمر وعطاتو بظهر ومشات باتجاه سيارتها فحين هو هزوه لبوليس مطلعينو لسطافيط وهو كيغوت وكيردد سميتهااا بحال شي حمق
السومين كلها ووئام وبلقيس مفارقوش مهى وهاد المدة كاملة مكانش عيسى كيبات فيها فالدار
هاد النقطة
بالضبط خلات وئام تشك بيلا عندوا شي وحدة فحياتوا وغير مجرد التفكير خلا العافية تشعل فقلبها
كانت واقفة فالبالكون ساهية لبعيد حتى تحطات على كتفها يد بلقيس
وحاوطات دراعها معنقاها
بلقيس:مال الحب بانت ليا ماهياش؟؟؟
وئام(تنهدات ونطقات بهدوء وعينيها على الجردة لي ضلام فيها الحال)؛
قال ليا متزوجيش ونوض عليا الحرب مني شافني واقفة مع داك السيد وفاش سولتوا ونتا واش ناوي تزوج قالي مزال مالقيت بنت الناس لي تستاهل
(بحدة كملات):تصوري معايا مجلسني فوق رجليه أصاحبتي وكيقول ليا فوجهي مزال مالقيت لي تستاهل بحالا حشاها ليا غا بالفن بحالا قال ليا نتي أفلانتة متسوايش نتي غير للزهو والتفليات مزال مالقيت لالاك
بلقيس:ولد الحرام يعطيه موصيبة اش يحساب ليه دماغوا تفوااااا تانتي راه سيد الرجال يتمناك
وئام(تنهدات ونطقات ):داكشي لي كاين أختي
بلقيس(لاحت عينيها بعيد ونطقات بهدوء):جات الطبيبة النفسية لي غتبع معاها مهى
(بلعات ريقها ونطقات):
طبيبة ماشي طبيب؟؟
بلقيس(شافت فيها بهدوء ونطقات )؛طبيبة وشي وحدة من المعارف ديال عيسى
(قلبها تقبط عليها حطات ليها بلقيس يدياتها على كتافها ونطقات):متخافيش أبب سمعت خالتي مريم كتقول بيلا كتوحم وعاد شفت الخاتم ديال الزواج فيديها
يعني مزوجة
(حركات ليها وئام براسها وتنهدات براحة وهي تنطق)
:عيسى فالدار؟؟؟؟؟
بلقيس:عاد جا
وئام :
تسنايني هانا جاية
بلقيس:أهياتا!؟؟
وئام:متخافيش باغا غير نوضعوا النقط على الحروف مبقيتش حاملة راسي وانا غير تابعاه
بلقيس:من حقك سيري
(حضاتها بعينيها حتى خرجات وهزات تيليفونها كتقلب فيه دخلات للفايس ونيشان للديسكيصيون ديال عز العرب كمداتها فقلبها مني لقات vu
زفرات الهوى بعصبية وبلوكاتوا من الفايسات بجوج اش داها لشي قرع تمشط ليه راسوا صافي ماحدوا نساها كتر من سيمانة يعني ماباغيهاش
نزلات مع الدروج قاصدة البيروا ديالها وعينيها بداوا يضوروا فالدار كتقلب على الطبيبة لي قالت ليها عليها بلقيس
شافت مريم فالصالون ونطقات بتساؤل
وئام:خالتي فين هي الطبيبة لي جات على وديت مهى؟؟؟
مريم:واقيلا مشات أبنتي والله ماعرفت
(حركات ليها براسها وتمات غادة قاصدة البيروا ديالوا دخلات لواحد الكولوار مضلم وتمشات لآخر غرفة تماك كاين البيروا ديالوا وقفات قدام الباب كان مردود ماشي مسدود سمعات هضرة راجل ومرأة قوصات حواجبها وقلبها دق بعنف بلعات ريقها وحطات راسها على الباب كتسنط حتى سمعات الهضرة لي خلات الدوخة تشدها
عيسى:كي داير ولدي؟
CITEȘTI
ذات عيون الريم🍷مكتملة🍷
Dragoste💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
