ذات عيون الريم🍷مكتملة🍷

🍷الجزء 96🍷

الجزء 96👄❤✨🔥
فمكان اخر كان جالس مع شي رجال كيضحكو ويجمعوا حاول يبعد بمرة مني شاف البلان لي دار معاه غير عز لمح طيفها دايز قال ميمكنش تكون هي ولاكن راه تقدر تجي مع بلقيس هادشي لي دار فراسو ما حس براسو تا ناض تابع طريق منين دازت مني لقاها هي يالله بغا يدوي معاها شافها تتحيد الطالون تما مكاين تا واحد ما فهم والو بقا مقابلها اش اتدير تا بانت ليه تتشطح وتلوز بالخير لي عطاها الله
(نوصفوا ليكم رؤيا شوية حيت القصة كاملة يالله عرفتو عليها مكرودة وخوافة شوية هي طويلة وفورمتها ضعيفة شوية ولاكن عامرة من اللور وصدرها مويان رغم صغر سنها فورمتها زوينة غالبا تتبعد على انها تلبس شي حاجة عازلة على لحمها تحزمات دب على بالها راها بوحدها وعطاتها لشتيف غا حبسات المسيقى ورجعات تترخف فجليلها شعرها لسق على عنقها هزاتو وبدات تقلب على المقبط لي طاح ليها فالارض وقفات مني شافت رجلين  واقفين قدامها مباشرة ناضت وقفات بشوية تا علات راسها باش تقاد مع وجهو حيت طويل عليها كان هاز فيها حاجبو قرب ليها وهي بعدات كيزيد يقرب تا لسقات على الحيط ندمات على الوقت لي قاليها راسها تنوض من حدا خوها جاتها البكية هنا خااوي مضلم يشدها فضلاام مكاين لي يفكها منو مبان ليها فين تهرب غتحرك اتلسق معاه مبانش الامر بعيد ويحتاج تا تحرك من حسات بإيديه تطلع ليها فكها تا تقابلو عينيها السوداء مع عيونو شاف فملامحها لتواني قبل مينزل عندها مقرب وجهوا من وجهها فيين هي رؤيا طلعاات عند سيدي ربي غمضات عينيها على الاقل متشوفش (اودي يا رؤيا داكشي كيتحس ابب)
محسات بشفايفو غير فوق شفايها كيمص فيهم حسات بإيديه وركات ليها على فكها لي خلاها فتحات ثغرها بزز منها سامحة ليه يتعمق معاها فالقبلة كتر وكتر .......(تا نجرب ونقوليكم باش تتحس انا هي خاربة اللحضات هههه)
ما فاقت تا طلق منها وريقهم مازال متاصل كتشوف فيه كينهج عند وجهها وجهها تصبغ باللون الاحمر ماهي اول قبلة ليها مقدراتش لا تبعد لا تدير تا رد فعل كانت فااشلة بكل ما للكلمة من معنى اما هو عرفها معندهاش تجربة من عدم قدرتها لمجاراتو او حتى ابعادو بعد منها شوية هي تحنات هزات سباطها وتمات غادة هربانة تا سمعات صوتو الخشن كيغوت وراها
: بلاااتي
وقفات مقدراتش تضور عندو تا جا وقف قدامها ونطق : عطيني نمرتك

رؤيا يالله غترفض وهي تفكر خوها لي برا خافت يشوهها معا هجاتها البكية معرفات باش تبلاات ونطقات اش بغيتيها

دار فيها ديك شوفة ديال من نيتك كتسولي وهي شافت فملامحو الرجولية طولتو شكلو كتافو جدب نظرها كأي مراهقة تتهتم بالشكل قبل كلشي نطقات بإستسلاام
: فاش نقيدها
مني  شافها موافقة عاد جبد تيليفون من جيبو ومدو ليها هي قيدات نمرتها دغيا غير شد من عندها تيليفون وهي تهز طالونها موقفات تا بان ليها باب عرفات راسها فااتت الحمام ومعرف فين دخلات دخلات تما غا تا تطلع نفسها تستوعب هادشي لي وقع دب شافت فالمرايا كان العكر ممسوح من شفايفها تفكرات قبلتو وحطات ايديها على فمها وتبسمات ببلاهة
رجعوا من العرس كلشي عيان رؤيا حطوها تا دخلات للدار وزادو لدارهم دخلو ليها ....حسات بلقيس بالمعدة مغلفة عليها والسخفة شاداها حيدات القفطان وبقات كدور بالكولون لاصق وبيل سماطي مشات للكوزينة كتقلب على الزعتر تفكرات راه معلقاه فالمسطرة لفوق وما فيها لي يرجع يجبد كرسي بدات تتجبد تا وصلات جرات القرعة وطاحت معاها بيبرون فالارض كان عز العرب داخل للكوزينة سمع شي حاجة طاحت تبعها بعينيه تا بانت ليه رضاعة تحنا هزها وحطها فوق الرخامة وبقا كيشوف فيها مدواش عينيه كانت تدوي بوحدها  بلقيس ضرها خاطرها عليه دارت الزعتر فوف البوطة يتبخ وقربات منو تا جلسات حداه فوق الطبلة ونطقات
: مكنقولش هاد الهضرة حيت معزيزش عليا ونتا راك اكتر واحد عارف شحال بكيت عليه مي منكونوش انانيين واخا معرفت اش غنوفرو ليه كان يحس بالنقص مستحيل نكدبو عليه نقولو ليه راني ماماه شنو غيكون احساسو وكيفاش غيكبر فاش يسيق الخبار للي دارت مو؟؟؟؟

عز العرب طاحت دمعتو مسحها دغيا وهز فيها راسو ونطق : باه حمار معرفش يختار ليه أم مزيانة

بلقيس زاد قلبها ضرها عليه ونطقات : البكا ورا الميت خساارة اعز بلاصتو باقية فقلوبنا مغتحيدش ولاكن مكتاب الله مامنو هروب وربي عارف كل حاجة لاش دارها مكاين لاش نقولو علاش وكيفاش يكفي انه قرر يعني تما كاين الخير
عز العرب : صعيب نتقبلها ابلقيس

بلقيس : خلااص عليك غنبقاو نترادو هاكا نسا الهم ينساك
ناضت وقفات وجراتو من يدو تا وصلات للمجر وجبدات تيست ديال الحمل مداتو ليه ( لي غيقول منين جابتو هي طبعا مغتقولش ليه تعدمت نخبي عليك هاد المدة كاملة وشراتو ودارتو احتياط وخباتو تما )هو شافو كان شاك ولاكن اللحضة فاش تتعاش كيبقا جزء من عدم التصديق شدو من عندها ورجع شاف فيها كيشوف فتيست ويشوف فيها تصدم  وماقدش يتيق بلع الريق لي وحل فحلقوا وقلبوا بدا يضرب يضرب حاس بيه غيسكت ترسمات ابتسامة خفيفة على شفايفوا وهو يجرها من خصرها تا تزدحات مع صدروا وعنقها عندو عاصرها فحضنوا حسات بيه زير ليها على كرشها ونطقات
: ابشوية خنقتيني
بعد منها شوية خلاها فين تنفس وشد وجهها بين ايديه ونطق : يتزاد عندنا وليد

بلقيس حركات راسها بإستفهام ونطقات : ولا بنيتة

عز العرب : ماشي هداا لي مهم من امتاا

بلقيس : شهري تالت دابا

عز العرب (بصدمة): علاش مقلتيهاش لياا تال دب

بلقيس : معرفتش بكري وعااد كنت باغا ندير شي حفلة او مني الموقف ستدعى الامر  قلتها ليك

عز العرب ضحك وعض على فمو تا بانو غمزاتو ونطق : واش عرفتي شنو ايتزاد عندي ولد ولا بنية