ذات عيون الريم🍷مكتملة🍷

🍷الجزء 108🍷

الجزء 108 💋

رؤيا حركات راسها بأه وجبدات تيليفون دوزات لابيل لمها شحاال وهي تتسنا تا تفتح الخط وهي تنطق
: مامااا الحبيبة ديالي

رحمه : اممم طلقيني اش بغيتي

رؤيا : ماامااااااا بنتك انا عيسى جابنا لمراكش كنضورو مسخيتش نجي طلبي بابا يخليني عافااك

رحمه : وعلاش معيطش هو لباباك يقولها ليه منو ليه

رؤيا : مبغاش اماما يتحرج معاه وهو اصلا باغي يرجع غير اناا لي طلبتوو عافااك اماما ماشي كل نهار غتجيني فرصة نجي لهناا غا ليلة وحدة عافاااك غدا نضورو عوتاني ونجيو فالعشية عافااك

رحمه : واخااا اندوي مع باك ولاكن شوفي عندااك تخليه يقرب ليك ارؤيا والله يامك وتقلي بشي كرش تا نعطيوك ليه لا عرس لا مولاي بيه

رؤيا سرطات ريقها ونطقات بزز : واش تعرفيني نديرها

رحمه : ومنعرف ليك بنتي لي بغيتي تطيري مؤخراا تفوتيها لهيه ابنت كرشي مهم انااا وصيت بغيتي تمشي بعزك راكي عارفة بغيتي تمشي مدلولة راه تا ديك طريق عارفااها

رؤيا حولات عينيها لعيسى ونطقات بزز : صافي اماما كوني هانية تصبحوا على خير
قطعات دغيا قبل متقول شي كلمة تاني تبرد ليها الما فركابي ودرات شاف فعيسى لي عينيه تيتلسقو بالنعاس بان ليها تيعاملها مزيااان منادماش حيت خلاتو ديك المرة ولا جاتها الفرصة تعاودها يااك ماشي حرام تفكرات ديك التفاصيل دغيا تنزكات ونزلات على العاصير بين ايديها تا سمعات صوتو

عيسى : شنوو خلاتك

رؤيا : ااه غتكري فشي بلاصة هنا بنتي ليا عياان خلي تال الصباح ونضورو

عيسى : اه انشوف شي اوطيل نوضي تهزي راك قاديتيه بقا غا القااع
ناض هز سوارت طونوبيل وسبقها خلص فلاكيس وزاد لطونوبيل وهي تابعاه تتجري وتتعثر فجلايلها ركبات حداه ما وقفوا تال قدام الاوطيل دخلو بجووج حجز بيت كبير وصافي وطلعوا هو دغيا حيد سباطو و قاميجتو وتلاح فوق الناموسية مستسلم لنوم اما هي بقات تتشوف فيه مفيهاش النعااس كاع بقات ملاهية فتيليفون مني جاها جوع ضومندات على بيتزا غير وصلات وهي تمشي ليه تتفيق فيه معندها باش تخلص نساات الفلوس حل فيها عينيه وهز راسو من فوق المخدة
رؤيا : دومنضيت على بيتزاا معنديش باش نخلص

عيسى : راه البزطام فوق الطبلة لهيه
قال كلماتو ورجع تلاح فوق المخدة اما هي مشات خدات الفلوس وخلصات لاخر وخدات تعشات وخلات ليه حقو لا فاق ياكل ودخلات تدوش ناسية انها معندها متلبس
كان دوش كبييير ومجهز من كلشي عجبها الحاال ونسااات راسها فيه لداخل تا حسات بالباب تحل دورات راسها خافت بان ليها عيسى وهي تضور شعرها لقدام محاولة درق تفاصيل جسمها لي خلاه يضحك على حركتها ونطق بصوت بااح ومجهد فنفس الوقت
: شااايف كلشي ابب
قال كلماتو وتحنا حيد سروالو عارف راه لا فزكو بقا بلاش لاحو برا بعيد على الما ودخل معاها تحت الما يالله بغات تهرب هي زعما راه سالات محسات بيه تا جرها زاديها مع الحيط ومنقض على شفايفها وايدو تتساراا من ضهرها لمؤخرتها....
خرجات هي الأولى من الدوش لابسة بنوار ملوية فيه وحناكها مزنكين دورات عينيها فالبيت عاد تفكرات رآه معندهاش الحويج  جلسات فوق الناموسية وشعرها طايح عليها ساترها والقصة نازلة على عينيها كيبان منهم غا شوية  بقات جالسة شحااال كتفكر تا بأن ليها خارج من دوش هزات فيه عينيها كان لاوي على خصرو فوطة غير شافتو وهي تحدر عينيها زادت تزنكات كتر ما هي مزنكة أما هو شافها كيف جالسة بحال شي بنت فالابتدائي دار فيها الاستاد  جابت ليه الضحكة قرب منها غير وقف قدامها غمضات عينيها هز ليها راسها بإيدو شافها كيف كارزة على عينيها جابت ليه الضحكة وهو يحنحن ونطق
:  مال زين حشمان

رؤيا : ولْبااسْ

عيسى جابت ليه الضحكة حالفة ما تحل عينيها ونطق بنفس نبرتها : وعلاااش ملبستيييش نتييي

رؤيا  جاب ليها البكية نطقات بنفس النبرة الاولى
:  وااش أنا كرااهت فين حويجي فزكتهووم

عيسى تشتت عليها بالضحك : وعلااه نتي مفكرتيش رآه معندكش الحويج

رؤيا بغات تطرطق بداو دموعها كيطيحو وتتمسحهم بظهر ايديها ونطقات بصوت منغنغ
: غنبقاا هاكا أنا دب إهئ

عيسى عض شفايفو كاتم الضحكة : صافي انلبس ونخرج نشوف ليك شي حاجة باش تبدلي ... وصااافي سكتي اتديري ليا جنازة بحالة أنا لي فزكتهم ليك