ذات عيون الريم🍷مكتملة🍷

🍷الجزء 18🍷

#الجزء_18👄❤🔥🍷🍂✨

رجع دخل للكونط ديالها وأي طوف جات عينوا عليها كيهزها للتيل ديالوا حتا وصل لآخر طوف كانت قديمة من
2015

كانت بنفس الملامح ولاكن الفرق الوحيد أنها زادت زيانت وولات تفتن

تبسم بسخرية كيتفكر كفاش كان كيشوف مرتوا الأولى كانت كتبان ليه غا هي كيقول زوينة ومتجي فبلاصتها تا وحدة رجع تنهد عارف شعوروا جهة بلقيس هو مجرد إعجاب لا غير وعمر الحب كان يتقاس بجمال المرأة أو الرجل الحب كيجي بالمواقف والأفعال أما الشيئ لآخر غير كدوب رجع دخل لملفها الشخصي وبدا يقرا فمعلوماتها كمش عينوا كيحسب شحال يكون عندها من عام

عندها 24
؟؟؟
يعني صغيرة عليه تقريبا ب12
عام
زير على سنانوا وبدا يتسائل بينوا وبين راسوا هادي زعما تكون قادة على المسؤولية دالزواج؟؟؟؟كي دايرة فعقلها؟؟؟؟؟
لا كانت مبرهشة معندوا مايدير بيها ديجا تزوج بوحدة كبيرة فالعمر لدرجة قريبة ليه فالسن وعقلها خاوي ومعساك هادي لي مزال صغيرة فعمرها

كانت متكية ودايرة ليزيات فودنيها كتسنط لموسيقى هادئة وعينيها فالسماء وداك اللوين لي فيها شحال زوين كيخلي النفس تفاجا ولأول مرة وبلاما تحس جات فبالها فكرة الزواج هي دابا كبرات وكتشوف بيلا السن المناسب للزواج بالنسبة ليها هو هدا خدمات كتعرف دير كولشي كبرات فعقلها

تاهي باغا تشوف وليداتها قدامها تشدهم فيدياتها وتلعب معاهم تفكرات لي وقع لمهى وحبها الكبير لأكرم وشحال تعدبات على وديتوا مخلات مادارت عليه وهو ضمرها وخرج ليها على حياتها كمشات ملامحها ويالاه بغات تطرد ديك الفكرة من بالها حتى كتجيها فبالها قصة حب واليديها لي كانت تسمع بيها من الصغر القصة لي خلاتها تآمن فعلا بلي كاينين ناس كيبغيوا حب حقيقي وجامي يسمحوا فيك تاهي مكرهاتش من بعد زواجها تعيش قصة حب كبيرة وبلاما تحس بدات تهضر بينها وبين راسها

بلقيس:أنا الراجل لي نبغي يكون راجلي باغاه يكون كبير عليا يعني على الأقل يكون فايت التلاتينات حتاش لي كيكون عندهم يالاه ديك كدا وعشرين كيكونوا مشاربينش عقولهم وعينيهم كيضوروا واخا ماشي كاملين مهم ويكون زوين
حطات صبعها على شفايفها كتفكر بعمق وتنطق تاني بحالا كتعاود لشي واحد على مواصفات حبيب قلبها وشريك حياتها
بلقيس:يكون شارب عقلوا ومرزن وميكونش زهواني واخا نعرف ناخدوا فقيه
(ضربات راسها بيديها ورجعات نطقات)
أحياني زعما لاكان فقيه صافي

ضحكات وصفقات بيديها ونطقات
بلقيس:لاخاصني نتزوج خاصني غا نلقا الراجل
(حلات تيليفونها ودخلات للفايس باغا تكونيكطا شوية شافت طلبات الصداقة كتار وهي تدخل ليهم وأول حاجة جات عينها عليها هو الكونط الأول كان بإسم عز العرب عضات على شفايفها كتحمقها هاد السمية من نهار تفرجات ففلم مغربي كان البطل ديالوا سميتوا عز العرب
غير السمية وكتجيك منها الهبة والفخامة معساك مولاها دخلات كضحك باغا تأكد واش كيف السمية كي مولاها ومع جات دخل للبروفايل حتا كتخرج عينيها بصدمة وهي كتشوف صورتوا قدامها نفس الملامح نفس التخنزيرة نفس العيون نفس الشخص كفاش عرف الكونط ديالها عضات على شفايفها مني ركزات فالكوستيم وكي جاه وهي تنطق بسهوة
بلقيس:يا ربي عطيني شي راجل بحال هذا غير ميكونش زهواني
قبلات بعض الطلبات ومع دازت لجيهة ليميساج باغا ترد على لي مصيفطين ليها حتا كيتحلوا عينيها على وسعهم والصدمة ضهرات عليهم كيفاش
"حيدي تصاورك "

بلعات ريقها يديها بداوا يترعدوا مكتحملش لي يدخل فيها عوجات شفايفها ودخلات للخاص وكتبات ليه مساج كتغرق ليه فيه

" شكون نتا الشريف بالسلامة باش تقول ليا حيدي تصاورك دخل سوق راسك شوية وخلينا مزيانين الله يرحم ليك الواليدين "

صيفطات ليه الميساج وغير شوية ديال الوقت حتا كيبان ليها قراه
خرجات بالزربة من الديسكيصيون كتسنا جوابوا على أحر من الجمر

فالجهة المقابلة كان ناعس والتيل فيد واليد التانية دايرها تحت راسوا قرا المساج ديالها وطلع حواجبوا كتبان ليه قويصحة مع راساتها ودافعة الجبهة وغير من شوفتوا ليها قبيلة بانت ليه نافخة خنافرها للسماء طرطق صباعوا ونطق بتوعد
عز العرب: أنا لي غنحدهم ليك نشوفوا هاد التكبر وقصوحية الراس فين يوصلوك معايا

تنهد وجاوبها

"مغنجاوبكش على شكون أنا تال من بعد وتعرفي"

بلقيس: واش غا نبلوكيك
�
؟؟؟

عز العرب:بلوكي باش نجي نفرشخك راني عارف الدار

بلقيس:أو من بعد لاعارفها

(طلع ليها الفي وخرج بلاما يجاوبها معندوش مع الهضرة بزاااف ولاطول معاك فالهضرة ماقالها حد لحد خلاها كتشوااااا مرضاتش والسخونية طلعات معاها كيفاش طلع ليها ل
Vu

شافت حتا عيات وهي تكتب ليه من أول وجديد كتحاول تبرد على راسها
"سمح ليا مكنهضرش مع لي مكنعرفش "

وهي تبلوكيه

لاح تيليفونوا بإهمال وناض كيحك على شعروا فيه العياء بزااااااف وباغي غا يصلي ويتلاح ينعس ميعقلش على راسوا وداكشي لي دار نيت صلا صلاة العشاء من بعد ما أذن المؤدن سالا صلاتوا وناض جمع السجادة كيحس براسوا منيرفي خاصوا يكمي ولاباس خدا كاروا شعلوا وهز تيليفونوا وطلع للسطح حل بابوا ومشا للقنت كيكمي ويبخ الدخان وتفكيروا مزاكيش كيفكر ويعاود مزال ماباغي يرجع يتزوج شي وحدة تاني ولاكن عندوا ولد معارفش كي يتعامل معاه خصوصا أنو مشلول كيبقا فيه لدرجة كبيرة كيرد اللومة لراسوا وكل ما مشا يشوفوا كيمرض جبد تيليفونوا من جيبوا ومشا نيشان لجيهة التصاور بدا يقلب وسطهم ويعاود حتا بانت ليه طوف التحت دخل ليها وهو يتبسم بهدوء كيشوف ديك الضحيكة لي على وجه ولدوا نفس الضحكة ديالوا واخا مزال صغيور بزاف

ركز فالطوف كيشوف كي كان معنقوا وكيضحكوا بجوج هادي المرة الوحيدة لي كان كيضحك فيها الوليد أما فأغلب الأحيان كيكون يبكي رفع التيل لعندوا وباس ولدوا ونطق بنبرة حنينة
عز العرب:غدا نجي عندك أولدي