ذات عيون الريم🍷مكتملة🍷

🍷الجزء 83🍷

الجزء 83❤🔥🔥🔥🔥🔥🥀🔥🔥✨✨❤✨❤✨❤✨❤✨❤✨

انور : وانا انبقا نتسنا سيادتكم تا تبغي نتي تعلمي باباك وخلاص عليا علميه

رباب : مقدرتش نقولها ليه

انور نطق بالزربة : على اساس اول مرة

رباب معجبهاش الحال : يااااك تا هاداك حاسبو عليها زواج

انور تنادم معاه الحال : اناا ( قاطعاتو)

رباب : صافي بلا متدوي تصبح على خير

قطعات الهاتف وتنهدات  بان ليها كيسيفط ليها بزااف المساجات تبسمات ببلاهة بهاد المتعوس لي باغيها بكلشي ليها قابل بيها وكيموت فيها تفكرات شحال كان تابعها وشحال وشحال وبقا كيقلب عليها تا لقاها فين كاينة وبقا لاسقها تا قبلات بيه ولاكن قالت ليه يخلي حدود بيناتهم حيت صافي تابت وداكشي عمرها شافت منو العيب بالعكس ديما كان كيشجعها خلاتو كيتقلا باش مرة اخرى يوزن هضرتو ورجعات كتختار من الحويج لي عندها

فمكان اخر
كان كيدوش خرج لاوي على خصرو فوطة وفوطة كينشف بيها شعروا قتبل مع المراية باين التعب فعينيه وباين بلا ايام مزاروش النعاس كاع تنهد ومشا لدريسينك لبس سروال ديال سيغفيت تمشا لبلاصتو وجبد تيليفون ملقا تا مساج كيف العادة والمساجات اصلا مكيوصلوش تنهد وحط تيليفون فوق الكوافوز ومشا هز ولدو من الكونة ديالو وحطو حداه بان ليه لونو مخطوف تخلع قال واش طلعات ليه سخانة تاني قاس ليه وجهوا لقاه عكس المتوقع كان باارد قلبو لقاه مكيتنفسش حس بقلبو غيسكت بالخلعة حطو دغيا ومشا لاح عليه الفوقاني ديال سغفيت وخلاه محلول هز كونطاك طونوبيل وهز ولدو وخرج كيجري حطو على رجليه فطونوبيل وكسيرا ما وقف تال قدام اقرب كلينيك غادي وكيردد "لاا اولدي لاا متخلينييش تا نتا"
" على قبل باباك ا أنس قاوم "
دخلوه من عندو غير فحصو طبيب وحيد الكمامة وبانت تعابير الانهزام على ملامحو لي خلاوه يستنكر مباغيش يسمعوا اش غيقول رافض يتقبل الخبر لي عارفوا غيتزف ليه دب حرك راسو بنفي بحالة كيطلب طبيب ميدويش ولاكن ماشي كاع داكشي لي كنبغيوه كنلقاوه نطق الطبيب بتحسر
الطبيب: لله ما أعطى ولله ما أخد... عظم الله اجرك من جيهت ولدك
تخطاه ضرب فكتفو ومشا عند ولدو لقاه لابد معالم الحياة غادرات وجهوا هزو بين ايدو وطااحت دمعتو على وجه ولدو كاع داك الصبر لي كان صابرو تفش دب وولدو بين ايدو فاقد الحياة ونطق بصوت باح " تا نتي اولدي مبقيتيش بغيتيني تا نتا مشيتي وخليتيني "
تخطاه ضرب فكتفو ومشا عند ولدو لقاه لابد معالم الحياة غادرات وجهوا هزو بين ايدو وطااحت دمعتو على وجه ولدو كاع داك الصبر لي كان صابرو تفش دب وولدو بين ايدو فاقد الحياة ونطق بصوت باح " تا نتي اولدي مبقيتيش بغيتيني تا نتا مشيتي وخليتيني "

نهار بالبكا حس براسو خسر كلشي مبقا ليه والو دب ولدو هو اللخر مشا وخلاه كيف خلاتو مرتو الاولى خلاتو التانية واش هو لهاد الدرجة ممزيانش ميستاهلش يعيش كيف بنادم هز ولدو وتم خارج من البيت عقلوا مرفوع معاقل على والو تا وقف ليه الطبيب ونطق بألم على لحالة  لي كيشوفو فيها عارف ماشي ساهل تفقد فلدة الكبد ديالك وعاد كيبان ليه بوحدو
طبيب : خاص الاجراءات عاد تسلم الجتة مع الصباح ولا بغيتي تدير تشريح لسبب الوفاة احسن حيت بان لي مدة وهو مريض
عز العرب هز فيه عينيه لي حمرين واحد الضعف لي عمرو تخايلو ملقا ميقوليه عاد ستوعب بلا ممنوع يهز واحد ميت ولو يكون ولدو حطو لطبيب فيديه ونطق : متشرحوهش
نطق هاد الكلمات وخرج من تما خاسر اخر ما بقا ليه فهاد الحياة زاد معاقلش خلا طونوبيل تما وزاد غادي شحال ساعة سعتين تلاتة محاسش بالوقت ولا البرد لي كيضرب فيه وهو ملابس والو ولاكن الحرارة ديال الجسم ديالو كانت مغطية على برودة الجو ما فاق غير على صوت الاذان لي خلاه يتبورش حاس براسو ضيع وسط هاد التراكمات تمشا جيهت الصوت واخا معارفش المنطقة لي هو فيها فين جات تا بان ليه المسجد دخل تما وتوضا فالحمام ودخل صلى معاهم فكل سجدة كينهار بالبكا لي خلا كاع لي كيصليو حداه يتأترو من حالتو سالة الصلاة وكيطلب يكون كلشي حلم ميمكنش يكون ضاع ليه كلشي ميمكنش سمع حنحنة من لي حداه ودار جيهتو كانو عينيه منفوخين بالبكا وحالتو يرثى لها نطق الراجل بتأسف
: مالك اشريف مني دخلتي حالتك ماشي تال لهيه

عز العرب تمتم مباغيش ينطق داكشي لي هو واقع سوا قالو او مقالوش ونطق : ولدي ماا ت

الراجل : الله اكبر عظم الله اجرك من جيهتو اخويا خاصك تصبر باش توقف مع مو تاهي راه غتجيها دقة كتر منك

عز العرب نطق بصوت بااح : موو

الراجل : اه الام راه كتأثر كتر علاه شكون كيكبر الولاد من غير الام شكون لي كيقابلهم ويحضيهم ويهز همهم فكل ثانية ولحضة خصوصا لا كان صغير