ذات عيون الريم🍷مكتملة🍷

🍷الجزء 98🍷

الجزء 98❤🍻❤🍻❤✨✨❤🍻❤✨🍻❤🍻❤✨❤

عيسى دار ليها من جيهة لاخرة جرها من طونوبيل خرجها وسد الباب ودخل جارها تا صلو لكرسي وطلقها وجلس وبقا كيشوف فيها تا حشمات من الناس كيشوفو فيها وهي تجلس ونطقات بغيض
رؤيا : ندمتيني علاش دويت معاك شووف انا ما ديال هادشي والقهاوي والدوراان عطيني التيساع اولد الناس صافي ياك بغيتي تدير معاياا علاقة قلت مرحبا مي من لول شرطت عليك منخرج معاك فين

عيسى : على قوم غا لي بغا يدير معاك زوين

رؤيا كمشات حواجبها ونطقات بفقصة : اشمن زوييين اش تتخربق ع...
قاطع هضرتها السيروفور لي جايب حلوة والاغنية لي تطلقات فالقهوة بجهد كتبارك ليها عيد ميلادها تا جاب ليها الحوة وحطها ليها قدامها وشعل الميش فوق الحلوة بالالوان خلاها حالة فمها فيه جو مغااير عمرها حتافلات بعيد ميلادها  طفا داكشي وحيدو دارو فالبلاطو لي هاز وحط ليهم قرعة المونادا ومشا من حداهم خلاها غير حالة فمها مدهوشة من هادشي لي شافت هزات عينيها فعيسى لي كان مبسم ليها ونطق
: مبرووك عليك كملتي 18 عاام

رؤيا : ا انااا غير قلتها ليك ماشي باش تدير لي شي حاجة

عيسى : ومالي قلت ليك قلتيها ليا باش ندير ليك غا الجيست وصافي

رؤيا حدرات عينيها ونطقات بخجل : شكراا

عيسى اصلاا داكشي لي عجبو فيها عارفها داخلة سوق راسها معندهاش تجارب وزيد وزيد حس بيها بحال افخم قطعة شوكولا فالمجموعة مبغاش يضيعها لي خلاه يزيد يتشبت بقرارو وضحك ونطق : مغتقطعيش لينا الحلوة ( اناا كنكتب على الحلوة وماما كتقولي قطعي لينا شي جفاف شي وجه الحلوة وشي وجه الجفاف قلبي تهرس )
هزات الموص لي كان محطوط تاهو وبدات تتقسم واخا خسراتها بدات تضحك وهي تحطو وقالت : غا قطعها نتا معرفتش
خدا الموس وبدا كيقطع فلاطارط حط ليها طرف قدامها وحط قدامو وهي خوات الموناضة ليهم وبداو كياكلو فصمت تا كملو ونطق

: نمشيو ؟

حركات راسها بأه اما هو حط الفلوس وناض وقف خلاها تابعاه من اللور حل طونوبيل تمشات ركبات فبلاصتها ساقلة وركب تاهو فبلاصتو وديمارا الطونوبيل طول الطريق وهي ساكتة لي خلا عيسى تطير ليه العقل كتر وكتر ودارها فراسو نييت مني قربو لدرب نطقات
: غير حطني هناا منقدرش

عيسى : عادي مفيها والو

حركات راسها بنفي وخرجات فيه عينيها ونطقات بطريقة  طفولية : بااغي تخرج عليا قولها من لول 

عيسى جابت ليه الضحكة وقف طونوبيل ونطق : نزلي نزلي وجمعي عينيك لا يطيحو ليك

دغيا حلات سنطة وقادات صاكها بات تنزل ونطقات بالزربة : شكراا
غا قالتها وطارت اما هو بقا متبعها بعينيه شاف الدرب مضلم شوية حيت بدات تطيح الضلمة خاف عليها نزل من طونوبيل وسد الباب وبقا تابعها تا شافها دخلات لدارهم يالله غيرجع مع دار خرج فشي راجل كبير شوية طيحو الارض
نطق الراجل : الله ياولدي الله باغا ترزيني فصحيحتي

عيسى مد ليه ايدو نوضو ونطق : سمح لي مرديتش البال

نطق الراجل : عطي غا السينيال

ضحك عيسى ونطق : مرة اخرى اعمي غا سمح لي

ساس الراجل حويجوا وهز فيه راسو خلا عيسى مبربق فيه عينيه عرفوا هو باها لي شاف تصاورها معاه وحلات ليه الهضرة واش هادي هي فرصتو يالله غيدوي سمعوا قاليه

براهيم : ولا بغيتي اولدي نسمح ليك يالله معاياا لجامع نصليو العشا

عيسى جاتو على القلب نطق دغيا : الله يااوديي

براهيم طبعوا المرح خلاه دغيا يشد معاه الحتة اما عيسى مخلا ما قال غا لا نسا شي حاجة وصافي عرفوا على راسو نييت طبيب وكدا اما براهيم برك كيعاود ليه تاهو على ولادو تا وصلوا لجامع دخلو صلاو غا خرجوا وهو يتم غادي معاه فنفس طريق مدواش وهو ينطق براهيم كيضحك
:هههه راه عرضت عليك غا لجامع ماشي لداري اولدي
عيسى نطق بإحراج : غير طونوبيل خليتها تما .... عمي قلتي ليا عندك بنت وصاراحة بنتي ليا راجل معقول لا قبلتي بيا نتزوج ببنتك

يتبع