الجزء 78🔥❤❤👇❤👄✨✨✨❤🔥👄
بلقيس (تبسمات بإستهزاء ونطقات بتهكم ) : اه مسؤولية كبيرة ولاكن ولدك ماشي قدها سوليه هو يشرح ليك اش دار
دارت عطاتها بالظهر وطلعات تجيب لي فاليز ديالها ...
اند فلاش باك
فيقها من سهوتها غير الباب لي كيتدق ناضت دغيا جلسات ومسحات دموعها ونطقات : دخال
دخل عزيز وجلس حداها شاف عينيها لي مدمعين وتنهد ونطق : اش وصلكم لهادشي ابنتي
بلقيس(دموعها على سبة بداو يطيحو) : والله ابابا تا صبرت تا مقديتش مازال هو مشكااك بزااف والمشكيلة مكتحبسش فالشك هو متيق داك الشك ديالو كاع وقهرني بالمعاملة ديالو الناقصة (تفكرات الخروج لي كيخرج فنص ليل وكيفاش كيطلبها لفراش ونطقات بألم ) وكاين شي حويج ابابا من الاحسن ميتقالوش
عزيز تنهد : اش غنقوليك ابنتي انا ربيتك وعارف اش ربيت وكنحتارم اي قرار ديالك
بلقيس هزات تيليفون من حداها وحلاتو على المساج ووراتو ليه ونطقات : هنا فين غنبدا حياتي من جديد
عزيز : ماشي ساهل عليك تمشي لمدينة اخرى بوحدك فهاد الضروف
بلقيس حركات راسها بنفي : بالعكس هادا افضل وقت نبني فيه حياة مستقلة ونعول على راسي
عزيز : شنو غتديري عندك لونطغوتيان غدا مع الظهر خاصك وقت باش تمشي
بلقيس : صباح نشد طريق مع صباح نجلس فشي اوطيل بنما لقيت شي دار تعجبني لكرا ونفرشها عاد نستقر فيها دب انشوف شي اوطيل نحجز ليا
عزيز حرك راسو بإيماء : الله يسر ليك ابنتي
بلقيس : اميين ابابا...
فمكان اخر
كانت راكبة فطونوبيل وصورت نور ولباسها مبغاوش يحيدو من عينيها حمقها داك اللباس ونيت كان خاصها غير لي يدفعها باش تدير الحجاب والدفعة جاتها من حيت لا تدري اللباس ديال نور لي كان عاطيها جمالية وهبة زوينة من عند الله نور على نور موقفات تال قدام المول حطات طونوبيل ووقفات عازمة تاخد هاد الخطوة هادي هي الفرصة المناسبة ياك غتعاود تبني حياتها من جديد ياك غتبدا صفحة جديدة مع كلشي واول واحد كيستحق منها تبدا معاه صفحة جديدة هو سيدي ربي لي مهلها ومهلها ونتاحرت وعتقها كون ماتت كون جهنم وبإس المصير داكشي علاش فكرات بلا اكتر واحد كيستحق منها تبدا معاه صفحة جديدة هو لول دخلات كتقلب على المحالات لي كيبيعوا لبسات حجابية وكتعزل بيناتهم وبدات تتقيس حمقوها خدات وحدة بقات لابساها وخلصات كلشي وخرجات محلمة بداكشي حطاتو فطونوبيل وباغا غير امتا توصل لدار وتصور بداكشي لي شرات .....
داز الصباح وجا ليل كانت 10 ديال ليل كان كيحل الباب ديال دارو كيحس براسو عيااان ماشي جسديا لا نفسيا منك بزااف سمع شي
صوت كيعيط ليه دار لقاه جارو (ديال المرة السابقة ) دار عندو وسلم عليه
عز العرب تبسم بزز : سي محسين لاباس
محسين :الحمد لله لاباس نتا ي معاجبانيش حالتك مالك ؟
عز العرب (باستغراب ) : علااش؟
محسين : ممولفش نشوفك سكران ديك المرة جيتي ضارب الكاو اصاحبي مالك ياكما كاين باس ؟؟
عز العرب تنهد : غير شي مشاكيل مع المدام وصافي
محسين : اوى اخويا اش غنقوليك الزواج كيبغي الصبر باش تكمل صاراحة ديك السيدة عمرنا شفنا منها العيب تا مرتي نهار جبدتها قالت داخلة سوق راسها مي نتا عاشرتيها راك تعرفها علينا
عز العرب : الله يصاوب من عندو شفت شي حويج معجبونيش عليها وراه واقفين على طلاق دب
محسين : الصبر اخاي الصبر غير هو نصحك متزربش لا تكون ضالمها
عز العرب : تلفت والله
محسين : بغيت نجلس معاك شوية شحال مجمعنا ولاكن الصلاة تنادي ولا عرفتي شنو يالله معايا لجامع نساليو الصلاة وندير وشي كافي
عز العرب حرك راسو بأه نيت داكشي لي محتاج محتاج ل الصلاة ربي لي كيفرج بوحدو دخل توضا دغيا وهز صلايتو وخرج عند سيد لي كان باقي كيتسنا فيه مشا هو وياه دخلو لقاوهم كيقيمو الصلاة دغيا شدو بلايصهم وبداو فالصلاة دازت الركعة لولة صلاة باخر ثمن فالبقرة لي خلاه يرتاح وهو كيسمع "لا يكلف الله نفسا إلا وسعها " وقس على ذالك من الايات الكريمة سجد وكيطلب الله يوريه الحق كان الدعاء لي كيرددو فالركعة الاولى "اللهم ارني الحق حقا وارزقني اتباعه وارني الباطل باطلا يا ارحم الراحمين "
ردد داك الدعاء فالسجود الاول والتاني وناضو باش تبدا الركعة التانية لي صلاو فيها بالحجرات وتما كان الرد ديال الله عز وجل وااضح على السؤال لي سألو ليه قبل دقائق معدودة
قال عز وجل " إذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين"
YOU ARE READING
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
