ذات عيون الريم🍷مكتملة🍷

🍷الجزء 69🍷

الجزء 69❤👄🔥👄❤✨✨🧚‍♀️

دازت الايام مسرسبة نهار بعد نهار تا حاجة متبدلات من غير علاقة بلقيس وعز العرب لي غادة  فتظهور واااضح بلقيس صابرة لعل وعسا يدير عقلو ولاكن هو غا مزايد فيه جا نهار لي غتخرج فيه رحمة من سبيطار 

اصبحنا واصبح الملك لله فاقت بطلتنا على صوت ريفاي سكتاتو دغيا باش ميفيقش انس وكيف العادة دارت جيهتو مكاينش فبلاصتو  ناضت قدات روتينها الصباحي وناضت توجد ليهم الغدا  تا سمعاتهم مدخلينها خرجات من الكوزينة كتمسح ايديها فطابلية كانت متيكة على عز العرب وبراهيم من وراهم هاز ليها صاكها دخلوها ديريكت لبيتها تبعاتهم بلقيس  تا حطوها بلاصتها مهزاتش فيه عينيها وهو الاخر كان كيتجنب يشوف فيها عنقات رحمه وباست ليها ايديها ونطقات ببتسامة

بلقيس : على سلامتك اخالتي نورتينا

رحمه( كانت كتشوف فيها بكل فخر وكتقران بينها وبين شيماء كتحمقها بلقيس ) : الله يرضي عليك ابنتي

بلقيس : تهلاي لينا فصحيحة عندك ريجيم دب ياك

رحمه : اه ابنتي بلا منبرزطك معايا راه تجي رؤيا تصلق ليا الخضرة باراكة عليك غا أنس وراجلك تهلاي فيهم

بلقيس : حشومة عليك تقولي هااكا اخالتي  راه غداك واجد اصلا انجيبو ليك لبيت

رحمه : غا سمحي لينا ابنتي باقا عروسة جايبينك لتمارة

بلقيس : راكي فمقام ماما متقولي والو انا نحط ليك غداك ونجيبو ليك

خرجات من بيتها وخلاتو متبعها بعينيه واش هي بصح هاكذا ولا كتصنع هادشي لي كان كيضور فبالو  فاللخر قال كيف دارت فيها الشريفة العفيفة ميصعابش ليها تمتل عليه داكشي لي دار فبالو قبل ميعتاذر من واليديه وينساحب من تم طلع عند ولدو لي مبقاش كيجلس معاه  اما هي مشات لكوزينة حطات غدا رحمه وغدا براهيم كل واحد بوحدو ودات ليهم داكشي فبلاطو لبيتهم وهي كلات فالكوزينة وخلات ليه ماكلتو كيف العادة وطلعات لبيتها بان ليها جالس مع أنس تخطاتو ومشات بدلات حويجها لي توسخو بطياب ومشات شدات بلاصتها وهازة تيليفون كتدوي مع وئام على  الوضع
المساجات
وئام : اختي من الاحسن تسمعيه ليه يتحل المشكيل
بلقيس : فكل مرة نتبت برائتي عاد يتيقني فين التيقة وفين وفين خليه هاداك مازال نحتاجو من بعد انشوفو هو دب اش غيدير
وئام : ضبري راسك اختي
بقات بلقيس شادة تيليفون اما هو دخل دوش وخرج من البيت بقا جالس فالصالون وشاد تيليفون تاهو مكاينش هنا وصلات العشية وخرجات بلقيس تشوف كسكروط عرفات غالبا غيجيو الضياف مع عاد خرجات من سبيطار حطات الحلوة لي كانت وجداتها قبل فطباسل والمسمن واتاي منعنع كلشي على حقو وطريقو بداو فعلا كيجيو الناس وكتضيفهم بإبتسامة هي لي مقابلة كلشي رحمة خرجات جالسة معاهم مي متقدر تدير والو وبلقيس اصلا مخلاتهاش تحرك مكلفة بكلشي كان جالس هو فصالة لاحرة سمع دقان بانو ليه ملاهيين تا واحد منتابه لباب مشا فتح الباب بانت ليه عائشة طلع فيها حاجبو وهي غا شافتو وبدات تضور فعينيها وشداتو من ايدو وجراتو لبرا وهو غير تابعها شافها اش تتصنع تا خرجوا على برا وهي تطلق منو ونطقات لي فيض الكاس