الجزء :50❤️🍂🥂🍷🍸❤️🍸🍷
وصلات الربعة ديال الصباح وهي باقة كتفكر وخرجات بقرار منطقي وعقلاني لوحدة بحالهاااا أنهااا غتعفط على قلبهاااا وتقصحو ومن اليوم عمرهااا باقا تعتب عندو ولا تمشي لعندو حتا هزات تيليفونهاااا ومشات نيشان لكونطاك ومسحات نمرتو باش ميجيهاش الحنين وترجع لعادتها دخلات بتصاوروا كانو عندها فضوسي كامل مسحاتوا على قدوا ومع دازت لضوسي اخر وهي تلقا فيه جوج تصاور ليهم ومواضحينش بزاف حتاش عيسى كان كيرفض يتصور معاها بقات كتشوف فيهم شحال عضات على شفايفها ومسحاتهم عاد تهنات خرجات تنهيدة حارة من أعماقها فرحات حيتاش على الاقل دارت محاولة .... والحاجة لي كانت تجيها صعيبة دابة قدرات دير أول خطوة فيها
القرار لي خرجات بيه من بعد هاد الليلة الطويلة كان باين وواضح أنهاااا غتحاول بكل جهدها تبعد راسهاااا عليه لا مكالمات لا ميساجات ومغتعتبش عندو فالكلينيك وغادي تكمل حياتها كيفماااا كانت وبهاد الخطوة غتعرف واش عندهاااا أمل معاه ولا غادي ينساهاااا كيفما العادة....وغيابها مغيحرك فيه والوا
(زفرات بغيض ونطقات)
رباب : وصل الوقت أعيسى باش تدوق من نفس الكأس
مناش شربتيني........ غنخليك تقلب علياااااا وماتلقانيش وايلا ماجيتيش عندي برجليك ووقفتي قدام باب داري منكونش سميتي رباب....
تسمعات رنة ديال إشعار دخلات للميساجات لقات رسالة من عند انور مفادها :
ايلا كنتي مسالية غدا طبعاااا اشباليك نخرجو نتغداو انا وياك...
(طلعات حواجبها بإستغراب أو مزال فايق لهاد الوقت)
شقات ابتسامة على شفايفهاااا مني ركزات فمضمون الراسة وعجبها اهتمتاموا ليهاااا وكيفاش مكيعجبوش الحال يشوفها مقلقة ولا كتبكي كيف اخر مرة كانت عندهم فالكلينيك هزات التيل وسط يدياتها وكتبات ليه ميساج
"واخاااا مرحبا ولاكن الغدا يكون على حسابي"
ماهي الا تانية حتااااا كان رد عليهاااا فالبلاصة بحال ايلا كان التيليفون فيديه وكيتسنا جوابهاا
"واخا الالة غير تكوني معايا .....مهم غدا إن شاء الله نصيفط ليك أشمن بلاصة"
قرات الميساج وتبسمات وسدات تيليفونها وحطاتو وعاد حطات راسهاااا على المخدة وداتها عينها...
كانت فبيتهاااا شادة تيليفونهااااا النعاس مابغيش يزورها بالأخص زين عندو الطيارة فالصباح ...راجع لخدمتوا ... تشققات إبتسامة صغيرة على شفايفها فاش تفكرات هاد الربعيام لي كانت كدوزهاااا معاه وكيضحكو وكيفاش كان هاز ليهاااا هبالهااا واخاااا مقدرتش تعاود ليه شنو وقع ليهااا فاش قال ليهااا بلي غادي يرجع فضلت تبقاااا ساكتة وبلا ماتصدع ليه راسووو.... دخلات لانستغرام ديالو لي كان مافيهش بزاف ديال التصاور من غير التصاور لي كيتخادو ليه من المباريات ولا المؤتمرات
أنت تقرأ
ذات عيون الريم🍷مكتملة🍷
العاطفية💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
